બજાજ ફાઇનાન્સની રૂ. 4,000-કરોડના ઇશ્યૂ સાથે મૂડીબજારમાં પ્રવેશવાની યોજના

અમદાવાદ, 6 જૂનઃ બજાજ ફાઇનાન્સની પેટાકંપની બજાજ હાઉસિંગ ફાઇનાન્સે રૂ. 4,000 કરોડ સુધીના ઇક્વિટી શેરના તાજા ઇશ્યુ અને બજારની સ્થિતિને આધીન ઇક્વિટી શેરના વેચાણ માટેની ઓફર સહિતની પ્રારંભિક જાહેર ઓફરને મંજૂરી આપી હોવાનું સૂત્રો જણાવે છે. કંપની ટૂંક સમયમાં ડ્રાફ્ટ રેડ હેરિંગ પ્રોસ્પેક્ટસ માર્કેટ રેગ્યુલેટર સેબીમાં ફાઇલ કરે તેવી સંભાવના છે. બજાજ હાઉસિંગ ફાઇનાન્સે RBI દ્વારા નિર્ધારિત વર્તમાન નિયમનકારી સમયરેખા હેઠળ સપ્ટેમ્બર 2025 સુધીમાં લિસ્ટિંગ કરાવવાનું રહેશે. બજાર નિષ્ણાતો એવી ધારણા સેવી રહ્યા છે કે, બજાજ હાઉસિંગ ફાઇનાન્સ સપ્ટેમ્બર 2025માં એક્સચેન્જો પર શેર દીઠ રૂ. 550-570ના અપેક્ષિત લિસ્ટિંગ ભાવ સાથે ડેબ્યૂ કરશે.

NBFC તરીકે બજાજ હાઉસિંગ ફાઇનાન્સ દેશમાં 76.5 મિલિયનથી વધુ ગ્રાહકોને સેવા પૂરી પાડે છે, પુણે સ્થિત, બજાજ હાઉસિંગ ફાઇનાન્સ વ્યક્તિઓ તેમજ કોર્પોરેટ સંસ્થાઓને ઘરો અથવા વ્યાપારી જગ્યાઓની ખરીદી અને નવીનીકરણ માટે ફાઇનાન્સ આપે છે. તે વ્યવસાય અથવા વ્યક્તિગત જરૂરિયાતો તેમજ વ્યવસાયના વિસ્તરણ હેતુઓ માટે કાર્યકારી મૂડી માટે મિલકત સામે લોન પણ પ્રદાન કરે છે. કંપની રેસિડેન્શિયલ અને કોમર્શિયલ પ્રોપર્ટીના બાંધકામમાં રોકાયેલા ડેવલપર્સને ફાઇનાન્સ તેમજ ડેવલપર્સ અને ઉચ્ચ નેટ-વર્થ વ્યક્તિઓ માટે લીઝ રેન્ટલ ડિસ્કાઉન્ટ પણ ઑફર કરે છે.

31 ડિસેમ્બરે પૂરા થયેલા નવ મહિના માટે, બજાજ હાઉસિંગ ફાઇનાન્સ પાસે રૂ. 85,929 કરોડની એયુએમ હતી, જે અગાઉના વર્ષ કરતાં 31 ટકા વધુ છે. વિતરણ પણ 31 ટકા વધીને રૂ. 25,308 કરોડ થયું છે, જ્યારે ચોખ્ખો નફો 41 ટકા વધીને રૂ. 1,350 કરોડ થયો છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)