એન્ડ ટુ એન્ડ લોજિસ્ટિક્સ સોલ્યુશન્સ એ DRHP ફાઇલ કર્યું

અમદાવાદ, 26 ડિસેમ્બર: લોજિસ્ટિક્સ અને ટ્રાન્સપોર્ટેશન સર્વિસીસ કંપની યાતાયત કોર્પોરેશન ઈન્ડિયા લિમિટેડે  તેના પ્રસ્તાવિત આઈપીઓ માટે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. આ ઇશ્યૂમાં 77.00 લાખ સુધીના ઇક્વિટી શેરના ફ્રેશ ઇશ્યૂ અને પ્રમોટર વેચાણકર્તા શેરધારક દ્વારા 56.00 લાખ સુધીના ઇક્વિટી શેરની વેચાણ માટેની ઓફર (OFS)નો સમાવેશ થાય છે, જેની સાથે કુલ ઓફર સાઇઝ 1.33 કરોડ સુધીના ઇક્વિટી શેરની થાય છે. યાતાયાત કોર્પોરેશન ઈન્ડિયા ROCમાં રેડ હેરિંગ પ્રોસ્પેક્ટસ ફાઇલ કરતા પહેલા, તેની વિવેકબુદ્ધિ મુજબ રૂ. 100 કરોડ સુધીના ઇક્વિટી શેરના પ્રી-આઈપીઓ પ્લેસમેન્ટ પર પણ વિચાર કરી શકે છે.

ફ્રેશ ઇશ્યૂમાંથી મળેલી રકમનો ઉપયોગ કાર્યકારી મૂડીની જરૂરિયાતો અને સામાન્ય કોર્પોરેટ હેતુઓ માટે કરવાની યોજના છે. યાતાયાત કોર્પોરેશન રોડ લોજિસ્ટિક્સ સેગમેન્ટમાં કાર્યરત છે, જેનો વ્યવસાય ફુલ ટ્રક લોડ (FTL) ટ્રાન્સપોર્ટેશન પર કેન્દ્રિત છે, જે ભારતમાં મુખ્ય લોજિસ્ટિક્સ કોરિડોરમાં પોઈન્ટ-ટુ-પોઈન્ટ ફ્રેઈટ મુવમેન્ટ પ્રદાન કરે છે અને 12 રાજ્યોમાં 34 શાખાઓ તથા 1 વેરહાઉસ દ્વારા સમર્થિત છે.

વાયસીઆઈલ દ્વારા પૂરી પાડવામાં આવતી પ્રોડક્ટ્સનો ટ્રાફિક નાણાંકીય વર્ષ 2023માં 5.7 લાખ મેટ્રિક ટનથી વધીને નાણાંકીય વર્ષ 2025માં 11.03 લાખ મેટ્રિક ટન થયો છે. 30 જૂન, 2025ના સમયગાળા માટે તે 2.74 લાખ મેટ્રિક ટન હતો. DRHPમાં જણાવ્યા મુજબ વૈશ્વિક લોજિસ્ટિક્સ બજારનો વિકાસ દર 2019માં 10.9 ટ્રિલિયન યુએસ ડોલરથી વધીને 2030 સુધીમાં 21.3 ટ્રિલિયન યુએસ ડોલર થવાનો અંદાજ છે.

યાતાયાત કોર્પોરેશન ઈન્ડિયા લિમિટેડે નાણાંકીય વર્ષ 2025માં કામગીરીથી રૂ. 448.13 કરોડની આવક નોંધાવી હતી, જે નાણાંકીય વર્ષ 2024માં રૂ. 348.34 કરોડ અને નાણાંકીય વર્ષ 2023માં રૂ. 269.09 કરોડ હતી, જે ફ્રેઇટ વોલ્યુમ અને રૂટ વિસ્તરણમાં સ્થિર વૃદ્ધિ દર્શાવે છે. ચોખ્ખો નફો નાણાંકીય વર્ષ 2025માં રૂ. 30.01 કરોડ રહ્યો હતો, જે નાણાંકીય વર્ષ 2024માં રૂ. 14.95 કરોડ અને નાણાંકીય વર્ષ 2023માં રૂ. 6.40 કરોડ હતો, જ્યારે નફાનું માર્જિન નાણાંકીય વર્ષ 2024માં 4.29 ટકાથી વધીને નાણાંકીય વર્ષ 2025માં 6.70 ટકા થયું હતું. 30 જૂન, 2025ના રોજ પૂરા થયેલા ત્રણ મહિનાના સમયગાળા માટે, કંપનીએ રૂ. 119.68 કરોડની આવક અને રૂ. 7.83 કરોડનો ચોખ્ખો નફો નોંધાવ્યો હતો.

આ ઇક્વિટી શેર્સનું BSE લિમિટેડ અને નેશનલ સ્ટોક એક્સચેન્જ ઓફ ઈન્ડિયા લિમિટેડ (NSE) પર લિસ્ટિંગ કરવાની યોજના છે. યુનિસ્ટોન કેપિટલ આ ઇશ્યૂના એકમાત્ર બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)