PRIMARY MARKET ZONE: આ સપ્તાહે યોજાશે રૂ. 2,081 કરોડના 4 IPO, BCCL સહિત 9 IPOનું થશે લિસ્ટિંગ

અમદાવાદ, 19 જાન્યુઆરીઃ પ્રાઈમરી માર્કેટમાં ઇસ્વિસન 2026ની શરૂઆત ધીમી છતાં મક્કમ થઇ રહી છે. ખાસ કરીને ભારત કોકિંગ કોલના આઇપીઓમાં જોવા મળેલા જબરજસ્ત પ્રતિસાદના પગલે આઇપીઓ માર્કેટમાં ફરી વિશ્વાસનું વાતાવરણ જામી રહ્યું છે. જોકે, 2025નું પુનરાવર્તન થાય નહિં અને મૂડી સલવાઇ જાય નહિં તે રોકાણકારોએ ખાસ ધ્યાન રાખવાનું રહેશે. દરમિયાનમાં આ સપ્તાહે 4 કંપનીઓ આઇપીઓ યોજવા માટે તૈયાર છે, જેમાં મેઇનબોર્ડ સેગમેન્ટની એક કંપનીનો સમાવેશ થાય છે.

મેઇનબોર્ડમાં એકમાત્ર શેડોફેક્સ ટેકનોલોજીનો IPO

લોજિસ્ટિક્સ સોલ્યુશન પ્રોવાઇડર શેડોફેક્સ ટેક્નોલોજીસ મેઇનબોર્ડ સેગમેન્ટમાંથી એકમાત્ર કંપની છે. આઇપીઓ 20 જાન્યુઆરીએ રૂ. 1,907 કરોડના પ્રારંભિક જાહેર ઓફરિંગ (IPO)ની શરૂઆત થશે અને 22 જાન્યુઆરીએ રૂ. 118-124 પ્રતિ શેરના પ્રાઇસ બેન્ડ સાથે બંધ થશે. ટેકનોલોજી-આગેવાની ધરાવતી થર્ડ-પાર્ટી લોજિસ્ટિક્સ કંપની નવા શેર જારી કરીને રૂ. 1,000 કરોડ એકત્ર કરી રહી છે. જેમાં ફ્લિપકાર્ટ, ન્યૂક્વેસ્ટ એશિયા, ક્વોલકોમ અને મીરા એસેટ સહિત 7 રોકાણકારો ઓફર-ફોર-સેલ દ્વારા રૂ. 907.2 કરોડના શેર વેચશે.

SME સેગ્મેન્ટમાં યોજાશે 3 IPO

ડિજિલોજિક સિસ્ટમ્સ, કેઆરએમ આયુર્વેદ અને શાયોના એન્જિનિયરિંગ – એસએમઈ સેગમેન્ટમાંથી હશે.

ડિજિલોજિક સિસ્ટમ્સ જે સંરક્ષણ, એરોસ્પેસ અને ઓટોમોટિવ ઉદ્યોગો માટે ઓટોમેટેડ ટેસ્ટ અને માપન સોલ્યુશન્સ પ્રદાન કરે છે તે તેમની વચ્ચે પ્રથમ છે, જેનો ઉદ્દેશ્ય રૂ. 98-104 પ્રતિ શેરના અપરબેન્ડ પર મેઇડન પબ્લિક ઇશ્યૂ દ્વારા રૂ. 81 કરોડનું ભંડોળ એકત્ર કરવાની દરખાસ્ત ધરાવે છે. 20-22 જાન્યુઆરી દરમિયાન જાહેર સબ્સ્ક્રિપ્શન માટે ખુલશે, તે રૂ. 69.67 કરોડના નવા શેરના ઇશ્યૂ અને પ્રમોટર દ્વારા 10.89 લાખ શેરની ઓફર-ફોર-સેલનું સંયોજન છે.

કેઆરએમ આયુર્વેદ જે હોસ્પિટલો અને ક્લિનિક્સના નેટવર્કનું સંચાલન કરે છે તે 21-23 જાન્યુઆરી દરમિયાન 57.4 લાખ શેરના આઈપીઓ દ્વારા રૂ. 77.5 કરોડ એકત્ર કરવાની દરખાસ્ત ધરાવે છે. ઓફર માટે પ્રાઇસ બેન્ડ રૂ. 128-135 પ્રતિ શેર નક્કી કરવામાં આવ્યો છે.

શાયોના એન્જિનિયરિંગ  પ્રિસિઝન કાસ્ટિંગ સોલ્યુશન્સ પ્રોવાઇડર SME કંપની 22 જાન્યુઆરીએ પ્રતિ શેર રૂ. 140-144ની પ્રાઇસબેન્ડ સાથે પબ્લિક ઇશ્યૂ લોન્ચ કરશે. આ ઓફર 27 જાન્યુઆરી સુધી ખુલ્લી રહેશે. તે 10.32 લાખ શેરના IPO દ્વારા લગભગ રૂ. 15 કરોડ એકત્ર કરવાનું લક્ષ્ય રાખે છે.

ચારેય કંપનીઓ IPO દ્વારા રૂ. 2,081 કરોડનું ભંડોળ એકત્ર કરવાનું લક્ષ્ય રાખે છે. વધુમાં, એરિટાસ વિનિલ20 જાન્યુઆરીએ તેના રૂ. 38 કરોડના પબ્લિક ઇશ્યૂને સબ્સ્ક્રિપ્શન માટે બંધ કરશે. તે 16 જાન્યુઆરીએ રૂ. 40-47 પ્રતિ શેરના પ્રાઇસ બેન્ડ સાથે ખુલ્યો હતો, જે અત્યાર સુધી 44 ટકા સબસ્ક્રાઇબ થયો હોવાનું સૂત્રોએ જણાવ્યું છે. આર્મર સિક્યુરિટીઇ ન્ડિયાનો IPO 19 જાન્યુઆરી સુધી ખુલ્લો રહેશે. 14 જાન્યુઆરીએ ખુલ્યા પછી ઓફર 52 ટકા સબસ્ક્રાઇબ થઈ હતી.

આ સપ્તાહે ભારત કોકિંગ કોલ સહિત 9 IPOના લિસ્ટિંગ ઉપર રહેશે નજર

આ સપ્તાહે સેકન્ડરી માર્કેટમાં 9 નવી કંપનીઓ ટ્રેડિંગ માટે લિસ્ટેડ થશે, જેમાં મુખ્ય બોર્ડ સેગમેન્ટમાંથી બે – ભારત કોકિંગ કોલ અને અમાગી મીડિયા લેબ્સનો સમાવેશ થાય છે. કોલ ઇન્ડિયાની પેટાકંપની, ભારત કોકિંગ કોલ, 13 જાન્યુઆરીએ 147 ગણા સબ્સ્ક્રિપ્શન સાથે તેનો રૂ. 1,071 કરોડનો પ્રથમ જાહેર ઇશ્યૂ બંધ કર્યો, અને SaaS કંપની અમાગી મીડિયા લેબ્સનો IPO 30.22 ગણો સબ્સ્ક્રાઇબ થયો હતો. બજાર નિરીક્ષકોએ જણાવ્યું હતું કે, ગ્રે માર્કેટમાં ભારત કોકિંગ કોલના IPO શેર 57 ટકા પ્રીમિયમ પર અને અમાગી મીડિયા લેબ્સના શેર લગભગ 5 ટકા પ્રીમિયમ પર ટ્રેડ થયા હતા. SME સેગમેન્ટમાં, Defrail Technologies અને Avana Electrosystems અનુક્રમે BSE SME અને NSE Emerge પર તેમના શેર લિસ્ટ કરશે, જ્યારે Narmadesh Brass Industries, Indo SMC અને GRE Renew Enertech શેરનું ટ્રેડિંગ 21 જાન્યુઆરીથી BSE SME પર શરૂ થશે. આર્મર સિક્યુરિટી ઇન્ડિયાના શેર NSE Emerge પર 22 જાન્યુઆરીથી અને Aritas Vinyl શેર BSE SME પર 23 જાન્યુઆરીથી ટ્રેડિંગ માટે ઉપલબ્ધ રહેશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)