બમ્પર લિસ્ટિંગ કરાવનાર ગાંધાર, ટાટા ટેક્નો., અને ઈરેડામાં મોટાપાયે પ્રોફિટ બુકિંગ શરૂ, શેર 6 ટકા સુધી તૂટ્યા

અમદાવાદ, 1 ડિસેમ્બરઃ બમ્પર લિસ્ટિંગ કરાવી મલ્ટીબેગર સાબિત થયેલા આઈપીઓમાં મોટાપાયે પ્રોફિટ બુકિંગ શરૂ થઈ ચૂક્યું છે. જેના પગલે આજે ટાટા ટેક્નોલોજીસ અને ગાંધાર ઓઈલ રિફાઈનરીના શેર 6 ટકા સુધી તૂટ્યા છે. જ્યારે ઈરેડામાં પણ 2 ટકા સુધીનો ઘટાડો જોવા મળ્યો છે.

બીએસઈ ખાતે ટાટા ટેક્નોલોજીસનો શેર આજે ગઈકાલના બંધ સામે સુધારા સાથે 1339.60ના સ્તરે ખૂલ્યા બાદ 11.15 વાગ્યા સુધીમાં 5.42 ટકા તૂટી 1243.05 પર ટ્રેડ થઈ રહ્યો હતો. ટાટા ટેક્નોલોજીસે ગઈકાલે રૂ. 500ની ઈશ્યૂ પ્રાઈસ સામે 1400ની સર્વોચ્ચ સપાટીએ પહોંચી રોકાણકારોની મૂડી લગભગ ત્રણગણી વધારી હતી.

Maheta Equitiesના એનાલિસ્ટ પ્રશાંત તાપસેના મતે ટાટા ટેક્નોલોજીસના એલોટેડ શેરમાંથી 50 ટકા શેર 1300થી વધુના સ્તરે પ્રોફિટ બુક કરી વેચી શકો છો. બાકીના 50 ટકા શેર લોંગ ટર્મ સ્ટ્રેટેજી સાથે હોલ્ડ કરો. ટાટા ટેક્નોલોજીસ મજબૂત ક્લાયન્ટ બેઝ ધરાવે છે. જેની ફેન્સી અને ફંડામેન્ટલ્સ બંને મજબૂત છે. જેમાં થોડા સમય માટે કરેક્શન જોવા મળી શકે છે. ઈનોવેટિવ બિઝનેસ મોડલ સાથે લાંબાગાળે શેરમાં તેજી જોવા મળી શકે છે.

ગાંધાર ઓઈલ રિફાઈનરીના આઈપીઓ પણ લિસ્ટિંગ સમયે રોકાણકારોને મૂડી ડબલ કરી આપી હતી. જોકે, આજે શેર 5.85 ટકા તૂટી 283.85ની સપાટીએ પહોંચ્યો હતો. જે 301.50ના ગઈકાલના બંધ સામે 305.95ના સ્તરે ખૂલ્યા બાદ સતત ઘટ્યો છે. આઈપીઓની ઈશ્યૂ પ્રાઈસ રૂ. 169 હતી. તાપસેએ જણાવ્યું હતું કે, ગાંધાર ઓઈલની તેજીના કારણે તેનો પીઈ અન્ય હરીફના પીઈની નજીક પહોંચી ચૂક્યો છે. જેથી તેમાં હવે મર્યાદિત પ્રમાણમાં ઉછાળો જોવા મળી શકે છે. શોર્ટ ટર્મમાં ઉંચા ભાવે પ્રોફિટ બુક કરી શકો છો.

ઈરેડાનો શેર ગઈકાલના બંધ 65.29 સામે ઘટાડે 67.29ના સ્તરે ખૂલ્યા બાદ સતત ઘટ્યો છે. જે 1.29 ટકા ઘટાડે 64.45ના સ્તરે કારોબાર થઈ રહ્યો હતો. ઈરેડાએ આઈપીઓ ઈશ્યૂ પ્રાઈસ રૂ. 32ના સામે ગઈકાલે 68.71ના સર્વોચ્ચ સ્તરે પહોંચી રોકાણકારોને 114.72 ટકા રિટર્ન મળ્યુ હતું.

10 વર્ષમાં બીજી સૌથી વધુ પ્રીમિયમે લિસ્ટ થનારી કંપની

છેલ્લા 10 વર્ષોમાં ઈરેડા બીજી સૌથી વધુ પ્રીમિયમે લિસ્ટિંગ કરાવનાર પીએસયુ છે.  અગાઉ આઈઆરસીટીસીએ 101 ટકા પ્રીમિયમે લિસ્ટિંગ કરાવ્યુ હતું. મઝાગોન ડોકમાં રોકાણકારોને 50 ટકા, હુડકોમાં 22 ટકા અને રેલટેલમાં 15 ટકા રિટર્ન લિસ્ટિંગ સમયે મળ્યુ હતું.

બિઝનેસ ગુજરાત વેબસાઈટમાં આવતાં news updates મેળવવા માટે નીચેની લિંક ઉપર ક્લિક કરી ફોલો કરો

https://whatsapp.com/channel/0029VaDvQgaDOQIYqUTAu20r

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)