Canara Robeco Asset Management Company Limited નો IPO 09 ઓક્ટોબરે ખૂલશે, પ્રાઈસ બેન્ડ રૂ.253 – 266

અમદાવાદ, 07 ઓક્ટોબર: કેનેરા રોબેકો એસેટ મેનેજમેન્ટ કંપની 9 ઓક્ટોબર, 2025ના રોજ ઇક્વિટી શેર્સના તેના IPO  ઓફર ખોલશે. એન્કર ઇન્વેસ્ટર બિડીંગ તારીખ 8 ઓક્ટોબર છે અને  13 ઓક્ટોબરના રોજ બંધ થશે. ઓફરનો પ્રાઇઝ બેન્ડ ઇક્વિટી શેર દીઠ રૂ. 253થી રૂ. 266 છે.  લઘુતમ 56 ઇક્વિટી શેર્સ અને ત્યારબાદ 56 ઇક્વિટી શેર્સના ગુણાંકમાં કરી શકાય છે.

લિસ્ટિંગઃ કંપનીના શેર્સ બીએસઇ અને અનએસઇ ખાતે લિસ્ટિંગ કરાવવાની દરખાસ્ત ધરાવે છે.

કંપનીની કામગીરી એટ એ ગ્લાન્સ:

કેનેરા રોબેકો એસેટ મેનેજમેન્ટ કંપની લિમિટેડ ૧૯૯૩ માં સ્થાપિત એક એસેટ મેનેજમેન્ટ ફર્મ છે, જે કેનેરા રોબેકો મ્યુચ્યુઅલ ફંડ માટે રોકાણ મેનેજર તરીકે સેવા આપે છે. કંપનીનું મુખ્ય મથક મુંબઈ, મહારાષ્ટ્ર, ભારતમાં સ્થિત છે. તે કેનેરા બેંક અને ઓરિક્સ કોર્પોરેશન યુરોપ N.V. વચ્ચે સંયુક્ત સાહસ તરીકે કાર્ય કરે છે.

30 જૂન, 2025 સુધીમાં કંપની દ્વારા સંચાલિત 26 યોજનાઓમાંથી 15 ઇક્વિટી-ઓરિએન્ટેડ સ્કીમ છે (12 ઇક્વિટી સ્કીમ અને ત્રણ (3) હાઇબ્રિડ સ્કીમ સહિત), જ્યારે બાકીની 11 ડેટ-ઓરિએન્ટેડ સ્કીમ છે (10 ડેટ સ્કીમ અને એક (1) હાઇબ્રિડ સ્કીમ સહિત).

કંપની સમગ્ર ભારતમાં 52,343 વિતરણ ભાગીદારોના વિશાળ નેટવર્ક સાથે કામ કરે છે, જેમાં કેનેરા બેંક, 44 અન્ય બેંકો, 548 રાષ્ટ્રીય વિતરકો (NDs) અને 51,750 મ્યુચ્યુઅલ ફંડ વિતરકો (MFDs)નો સમાવેશ થાય છે, જે તેના રોકાણ ઉત્પાદનોને ગ્રાહકો માટે સરળતાથી સુલભ બનાવવામાં મદદ કરે છે.

કંપનીની નાણાકીય કામગીરી એક નજરે:

31 માર્ચ, 2025 અને 31 માર્ચ, 2024 ના રોજ પૂરા થતા નાણાકીય વર્ષ દરમિયાન કેનેરા રોબેકો એસેટ મેનેજમેન્ટ કંપની લિમિટેડની આવકમાં 27% નો વધારો થયો છે અને કર પછીનો નફો (PAT) 26% નો વધારો થયો છે.

લીડ મેનેજર્સ: એસબીઆઈ કેપિટલ માર્કેટ્સ લિમિટેડ, એક્સિસ કેપિટલ લિમિટેડ અને જેએમ ફાઇનાન્શિયલ લિમિટેડ આ ઓફરના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)