Prasol Chemicals એ DRHP ફાઇલ કર્યું

અમદાવાદ, 17 ઓક્ટોબર: પ્રાસોલ કેમિકલ્સ લિમિટેડે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. કંપની 150થી વધુ સ્પેશિયલ્ટી કેમિકલ પ્રોડક્ટ્સ તથા 1,107 ગ્રાહકો સાથેની ખૂબ જ વૈવિધ્યસભર સ્પેશિયલ્ટી કેમિકલ કંપની છે અને 31 જુલાઈ, 2025 સુધીમાં 69 દેશોમાં નિકાસ કરે છે.

IPOમાં પ્રત્યેક રૂ. 2ની ફેસ વેલ્યુના ઇક્વિટી શેર્સના રૂ. 80 કરોડ સુધીના ફ્રેશ ઇશ્યૂ તથા વેચાણકર્તા શેરધારકો દ્વારા રૂ. 420 કરોડ સુધીના મૂલ્યના ઇક્વિટી શેર્સના વેચાણની ઓફરનો સમાવેશ થાય છે જેના સાથે ઇશ્યૂની કુલ સાઇઝ રૂ. 500 કરોડ સુધીની છે.

ફ્રેશ ઇશ્યૂમાંથી મળનારી આવકનો કંપની દ્વારા રૂ. 60 કરોડ સુધીના લેવામાં આવેલા ચોક્કસ ઋણની ચૂકવણી કરવા માટે તથા સામાન્ય કોર્પોરેટ હેતુઓ માટે ઉપયોગ કરવાની દરખાસ્ત છે. સૂચિત ચુકવણીથી બેલેન્સ શીટને ડિલિવરેજ કરવા અને તેની નાણાંકીય સ્થિતિ મજબૂત બનાવવામાં મદદ કરશે.

31 માર્ચ, 2025ના રોજ પૂરા થતા નાણાંકીય વર્ષ માટે પ્રાસોલ કેમિકલ્સ લિમિટેડે મજબૂત કામગીરી દર્શાવી છે જેમાં કામગીરીથી આવક નાણાંકીય વર્ષ 2024માં રૂ. 876.56 કરોડ હતી તે 15.5 ટકા વધીને રૂ. 1,012.49 કરોડે પહોંચી છે. ઓપરેટિંગ એબિટા ગત વર્ષમાં રૂ. 60.53 કરોડ હતી તે 44.9 ટકા વધીને રૂ. 87.76 કરોડ થઈ છે જે વધુ સારી ઓપરેશનલ કાર્યક્ષમતા અને માર્જિનમાં વધારો દર્શાવે છે. ચોખ્ખો નફો નાણાંકીય વર્ષ 2024માં રૂ. 18.13 કરોડ હતો તે નાણાંકીય વર્ષ 2025માં બમણો થઈને રૂ. 43.56 કરોડ થયો હતો.

સ્પેશિયલ્ટી કેમિકલ્સનો હિસ્સો 2024માં ગ્લોબલ કેમિકલ ઇન્ડસ્ટ્રીમાં 20 ટકા જેટલો છે અને 2029 સુધીમાં તે વૃદ્ધિ પામીને 21-23 ટકા જેટલો બજાર હિસ્સો મેળવે તેવી અપેક્ષા છે, જે કસ્ટમાઇઝ્ડ અને હાઇ-પર્ફોર્મન્સ સોલ્યુશન્સની વધતી માંગ દર્શાવે છે. સ્પેશિયલ્ટી માર્કેટ 2029 સુધી 8 ટકાના સીએજીઆર પર વધીને 1,748 બિલિયન ડોલર સુધી  પહોંચવાની ધારણા છે.

DAM કેપિટલ એડવાઇઝર્સ લિમિટેડ આ ઇશ્યૂના એકમાત્ર બુક રનિંગ લીડ મેનેજર છે અને કેફિન ટેક્નોલોજીસ લિમિટેડ ઓફરના રજિસ્ટ્રાર છે. ઇક્વિટી શેર બીએસઈ લિમિટેડ (BSE) અને નેશનલ સ્ટોક એક્સચેન્જ ઓફ ઈન્ડિયા લિમિટેડ (NSE) પર લિસ્ટ કરવાનો પ્રસ્તાવ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)