2030 સુધીમાં $2.2 ટ્રિલિયન રોકાણથી સિમેન્ટ ઉદ્યોગને ફાયદો: કરણ અદાણી

અમદાવાદ, 12 જૂનઃ અદાણી ગ્રુપ ભારતની માળખાગત સુવિધાઓ માટે વપરાતા સિમેન્ટના લગભગ 30 ટકાનું યોગદાન આપી રહ્યું છે. સિમેન્ટ ક્ષેત્રની વૃદ્ધિ યથાવત રહેવાની અપેક્ષા હોવાથી વાર્ષિક 6-7 ટકાનો વધારો થશે અને નાણાકીય વર્ષ 2025-26 સુધીમાં તે 475-480 મિલિયન મેટ્રિક ટન સુધી પહોંચવાની સંભાવના છે.

અંબુજા ACCના ચેરમેન કરણ અદાણીએ જણાવ્યું હતું કે સિમેન્ટ ઉદ્યોગ ભવિષ્યમાં એક મુખ્ય સક્ષમકર્તા રહેશે અને 2030 સુધીમાં ઈન્ફ્રાસ્ટ્રક્ચર ક્ષેત્રમાં અંદાજિત 2.2 ટ્રિલિયન ડોલરના રોકાણથી તેમાં નોંધપાત્ર ફાયદો થવાની અપેક્ષા છે.

તાજેતરના વાર્ષિક અહેવાલ પ્રમાણે એપ્રિલ 2025 માં 100 MTPA ક્ષમતાના સીમાચિહ્નને પાર કરનાર અદાણી ગ્રુપના સિમેન્ટ વ્યવસાયનો એક ભાગ ACC સિમેન્ટ, ઉજ્જવળ ભવિષ્ય માટે મજબૂત, ટકાઉ પાયો નાખીને ભારતના વિકાસમાં ફાળો આપી રહ્યું છે.

શેરધારકોને સંબોધતા કરણ અદાણીએ જણાવ્યું હતું કે “2030 સુધીમાં ભારતની આર્થિક મહત્વાકાંક્ષાઓને સાકાર કરવા મહત્વપૂર્ણ માળખાગત ક્ષેત્રને આશરે USD 2.2 ટ્રિલિયનના રોકાણની જરૂર પડશે.

ગૌતમ અદાણીની આગેવાની હેઠળ અદાણી ગ્રુપના સિમેન્ટ વ્યવસાયમાં ACC- અંબુજા સિમેન્ટનો એક ભાગ છે. કરણ અદાણીએ જણાવ્યું હતુ કે “અમે એપ્રિલ 2025 માં 100 MTPA સિમેન્ટ ક્ષમતાના સીમાચિહ્નને પાર કર્યું, જે અમને નાણાકીય વર્ષ 2027-28 સુધીમાં અમારા મહત્વાકાંક્ષી 140 MTPA લક્ષ્યની નજીક લઈ જાય છે.

અદાણી ગ્રુપના વિશાળ ઉર્જા અને ખાણકામ સંસાધનોની પહોંચ નજીવા ખર્ચે કાચા માલનો સતત પુરવઠો સુનિશ્ચિત કરે છે, જે ACC ની સ્પર્ધાત્મક ધારને મજબૂત બનાવે છે. અદાણી જૂથ સિમેન્ટ, ક્લિંકર અને કાચા માલના પુરવઠા માટે અંબુજા સિમેન્ટ અને ACC વચ્ચે માસ્ટર સપ્લાય એગ્રીમેન્ટ (MSA) વધારવાનો પણ ઇરાદો ધરાવે છે, જેનાથી ઓપરેશનલ ખર્ચ ઘટડવામાં મદદ મળશે.

“વધુમાં તેઓ જણાવે છે કે અમે અદાણી ઇકોસ્ફિયરમાં સિનર્જી દ્વારા, પેરેન્ટ અંબુજા સિમેન્ટ્સ લિમિટેડ સાથે MSA અને કાચા માલના ભંડાર, ગ્રીનફિલ્ડ અને બ્રાઉનફિલ્ડ વૃદ્ધિના ઉમેરા દ્વારા અમારા વ્યવસાયના અનેક વ્યૂહાત્મક વિસ્તરણ દ્વારા અમે બનાવેલા મૂલ્યને મહત્તમ કરવાનો ઇરાદો ધરાવીએ છીએ”.

કરણ અદાણીએ કહ્યું કે “ACC ડિજિટલાઇઝેશન અને ટકાઉપણું પણ અપનાવી રહ્યું છે, ઓપરેશનલ કાર્યક્ષમતા વધારવા માટે અદ્યતન તકનીકોને એકીકૃત કરી ESG લક્ષ્યો તરફ આગળ વધી રહ્યું છે. “જેમ જેમ અમે આગળ વધીએ છીએ, તેમ તેમ અમે અસાધારણ મૂલ્યો, નવીનતા અને ભારતના વિકાસ અને પ્રગતિમાં અર્થપૂર્ણ યોગદાન આપવા માટે પ્રતિબદ્ધ છીએ,”.

ભારતીય સિમેન્ટ ક્ષેત્રની સ્થાપિત ક્ષમતા 686 મેટ્રિક ટન છે. ઉલ્લેખનીય છે કે, અંબુજા સિમેન્ટ્સ અને ACCનો સમાવેશ કરતી અદાણી સિમેન્ટે જમ્મુ અને કાશ્મીરમાં ચેનાબ નદી પર તાજેતરમાં ઉદ્ઘાટન કરાયેલ વિશ્વના સૌથી ઊંચા રેલ્વે આર્ક પુલના નિર્માણમાં મહત્વપૂર્ણ ભૂમિકા ભજવી છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)