એશિયન ગ્રેનિટો ઇન્ડિયા લિમિટેડનાં પ્રમોટર ગ્રુપે ઓપન માર્કેટમાંથી 6 લાખ શેર્સ ખરીદ્યા

અમદાવાદ, 26 ડિસેમ્બર: એશિયન ગ્રેનિટો ઇન્ડિયા લિમિટેડનાં પ્રમોટર ગ્રુપે ઓપન માર્કેટમાંથી કંપનીનાં કુલ 6 લાખ શેર્સ ખરીદ્યા છે. 22 ડિસેમ્બરનાં રોજ કંપનીનાં ચેરમેન અને મેનેજીંગ ડિરેક્ટર કમલેશ પટેલે કંપનીનાં 3,00,000 ઇક્વિટી શેર્સ ઓપન માર્કેટમાંથી ખરીદ્યા હતા. આ એક્વિઝિશન બાદ કંપનીમાં કમલેશ પટેલ અને PACનું હોલ્ડિંગ વધીને 7.14% થયું છે. 23 ડિસેમ્બરનાં રોજકંપનીનાં મેનેજીંગ ડિરેક્ટર મુકેશ પટેલે ઓપન માર્કેટમાંથી કંપનીનાં 3,00,000 શેર્સ ખરીદ્યા હતા. આ એક્વિઝિશન બાદ મુકેશ પટેલ અને PACનું હોલ્ડિંગ વધીને 10.79% થયું છે તેમજ પ્રમોટર ગ્રુપનું હોલ્ડિંગ વધીને 33.72% થયું છે.

નાણાકીય વર્ષ 2026નાં પ્રથમ અર્ધવાર્ષિકમાં કંપનીએ રૂ. 23.2 કરોડનો કન્સોલિડેટેડ નેટ પ્રોફિટ નોંધાવ્યો હતો, જે ગયા વર્ષે સમાન સમયગાળામાં રૂ. 1 કરોડની ચોખ્ખી ખોટ હતી. નાણાકીય વર્ષ 2025નાં પ્રથમ અર્ધવાર્ષિક માટે રૂ. 736.2 કરોડના નેટ સેલ્સની સરખામણીમાં નાણાકીય વર્ષ 2026નાં પ્રથમ અર્ધવાર્ષિક માટે નેટ સેલ્સ વાર્ષિક ધોરણે 8% વધીને રૂ. 795.2 કરોડ થયું છે. નાણાકીય વર્ષ 2026નાં પ્રથમ અર્ધવાર્ષિક માટે  એબિટા રૂ. 61.5 કરોડ (એબિટા માર્જિન 7.7%) નોંધાયું હતું, જે નાણાકીય વર્ષ 2025નાં પ્રથમ અર્ધવાર્ષિક માટે એબિટા રૂ. 30.5 કરોડ (એબિટા માર્જિન 4.1%) ની સરખામણીમાં વાર્ષિક ધોરણે 102% વધારો દર્શાવે છે.

કંપની ટાઇલ્સ, એન્જીનિયર્ડ માર્બલ અને ક્વાર્ટ્ઝ, સેનિટરીવેર અને ફોસેટ્સની રેન્જનું ઉત્પાદન અને વેચાણ કરે છે. કંપનીનાં 277થી વધારે એક્સક્લુઝિવ શોરૂમ્સ, કંપનીની માલિકીનાં 13 ડિસ્પ્લે સેન્ટર્સ અને એક એક્સટેન્સિવ માર્કેટિંગ અને ડિસ્ટ્રીબ્શન નેટવર્ક છે, જેમાં 18000 કરતા વધારે ટચપોઇન્ટ્સ તથા ડિસ્ટ્રીબ્યુટર્સ, ડિલર્સ અને સબડિલર્સનો સમાવેશ થાય છે. કંપની 100 કરતા વધારે દેશોમાં નિકાસ પણ કરે છે.

કંપનીએ તેનાં “પ્રિમિયમ કા પપ્પા” કેમ્પેનમાં બોલિવુડ અભિનેતા રણબિર કપૂરને બ્રાન્ડનાં ફેસ તરીકે નિયુક્ત કરીને બ્રાન્ડની હાજરીનું વ્યુહાત્મક વિસ્તરણ કર્યું છે. AGLની Bonzer7 બ્રાન્ડે અભિનેત્રી વાણી કપૂરને તેનાં “ક્યા બાત હૈ” કેમ્પેન માટે ઓનબોર્ડ કરી છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)