ન્યૂરો કેર કંપની મોમ્સ બિલીફને  IPO લોન્ચ કરવા માટે સેબીની મંજૂરી મળી

અમદાવાદ, 25 ફેબ્રુઆરીઃ “મોમ્સ બિલીફ” બ્રાન્ડ નામ હેઠળ કામ કરતી રેઝ ઓફ બિલીફ લિમિટેડને તેનો IPO લોન્ચ કરવા માટે સેબીની મંજૂરી મળી ગઈ છે. કંપનીએ અગાઉ ઓક્ટોબર 2025માં સેબીમાં તેના પ્રી-ફાઇલ્ડ ડ્રાફ્ટ રેડ હેરિંગ પ્રોસ્પેક્ટસનું કોન્ફિડેન્શિયલ ફાઇલિંગ હાથ ધર્યું હતું. સેબી અને સ્ટોક એક્સચેન્જ (બીએસઈ તથા એનએસઈ) તરફથી અગાઉ પ્રાપ્ત થયેલા અવલોકનોને ધ્યાનમાં રાખીને, કંપની યુડીઆરએચપી-1 સબમિટ કરીને પબ્લિક ફાઇલિંગના તબક્કામાં આગળ વધી છે.

આ IPOમાં રૂ. 10ની ફેસ વેલ્યુના 60 લાખ ઇક્વિટી શેર સુધીના ફ્રેશ ઇશ્યૂનો સમાવેશ થાય છે. કંપની, બુક રનિંગ લીડ મેનેજર (બીઆરએલએમ) સાથે ચર્ચાવિચારણા કરીને, રજિસ્ટ્રાર ઓફ કંપનીઝ (આરઓસી) માં રેડ હેરિંગ પ્રોસ્પેક્ટસ ફાઇલ કરતા પહેલા ઇશ્યૂ સાઇઝના 20 ટકા સુધીના પ્રી-IPO પ્લેસમેન્ટ પર વિચાર કરી શકે છે.

કંપનીનું “પેરેન્ટ-એઝ-એ-કો-થેરાપિસ્ટ” મોડેલ બાળકના ઘરના વાતાવરણમાં ઉપચારને એકીકૃત કરે છે અને માતા-પિતાની પદ્ધતિસર રીતે સામેલગીરી પર ભાર મૂકે છે. આજ સુધીમાં, મોમ્સ બિલીફે 56,500 થી વધુ બાળકોને સેવાઓ આપી છે. કંપનીએ નાણાંકીય વર્ષ 2023 અને નાણાંકીય વર્ષ 2025 વચ્ચે 81.8 ટકાનો પ્રો ફોર્મા રેવન્યુ સીએજીઆર નોંધાવ્યો છે.

ફ્રેશ ઇશ્યૂમાંથી મળેલી ચોખ્ખી આવકમાંથી કંપની લર્નિંગ સેન્ટર્સ, સ્કૂલ કોલેબરેશન સેન્ટર્સ, સેન્ટર્સ ફોર એક્સીલન્સ એન્ડ રિસર્ચ અને અપસ્કિલિંગ એકેડેમી સહિત નવા સેન્ટર્સની સ્થાપના માટે રૂ. 576.20 મિલિયનના મૂડી ખર્ચની યોજના ધરાવે છે, જેમાં સંકળાયેલ ટેકનોલોજી ખર્ચનો સમાવેશ થાય છે. ભારતમાં હાલના સેન્ટર્સ માટે લીઝ ચુકવણી માટે રૂ. 144.45 મિલિયનનો ઉપયોગ કરવાનો પ્રસ્તાવ છે, જ્યારે અમેરિકામાં સેન્ટર્સ માટે લીઝ અને લાઇસન્સ ચુકવણી માટે તેની યુ.એસ. પેટાકંપની, મોમ્સ બિલીફ યુએસ, ઇન્કોર્પોરેશનમાં રૂ. 101.31 મિલિયનનું રોકાણ કરવાનો પ્રસ્તાવ છે. વધુમાં, બ્રાન્ડ જાગૃતિ અને સમાવેશક આઉટરીચ કાર્યક્રમો માટે રૂ. 102.08 મિલિયન ફાળવવાનો પ્રસ્તાવ છે. બાકીની ચોખ્ખી આવકનો ઉપયોગ અજાણ્યા સંપાદન દ્વારા ઇનઓર્ગેનિક ગ્રોથને ભંડોળ પૂરું પાડવા અને સામાન્ય કોર્પોરેટ હેતુઓ માટે કરવામાં આવશે.

મોમ્સ બિલીફે અગાઉ ન્યુરોડાયવર્જન્ટ બાળકોના પરિવારોને સશક્ત બનાવવાના ઉદ્દેશ્યથી શરૂ કરાયેલી પહેલોને ટેકો આપવા માટે ધ લેગો ફાઉન્ડેશન પાસેથી 6,85,000 યુએસ ડોલર્સ એકત્ર કર્યા હતા.

મેફકોમ કેપિટલ માર્કેટ્સ લિમિટેડ આ ઇશ્યૂની એકમાત્ર બુક રનિંગ લીડ મેનેજર છે અને લિંક ઇનટાઇમ ઈન્ડિયા પ્રાઇવેટ લિમિટેડ આ ઇશ્યૂના રજિસ્ટ્રાર છે. ઇક્વિટી શેર્સને બીએસઈ તથા એનએસઈના મેઇન બોર્ડ પર લિસ્ટ કરવાનો પ્રસ્તાવ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)