મારવાડી યુનિવર્સિટીમાં યુવા અને લોકશાહી પર રાષ્ટ્રીય મંથન

અમદાવાદ, 2 માર્ચ 2026: યુવાઓને લોકશાહી વ્યવસ્થાથી વધુ સક્રિય રીતે જોડવા અને પોલિસી મેકિંગમાં તેમની ભાગીદારી મુખ્ય પ્રવાહમાં લાવવાના ઉદ્દેશ સાથે મારવાડી યુનિવર્સિટીમાં બે દિવસીય ‘યુથ એન્ડ ડેમોક્રેસી કોન્ફરન્સ 2026’નું સફળ આયોજન કરવામાં આવ્યું હતું. ‘બ્રિજિંગ પાર્ટિસિપેશન એન્ડ પાવર’ થીમ પર યોજાયેલી આ કોન્ફરન્સમાં દેશભરના નીતિ નિર્માતાઓ, વિદ્વાનો, સ્ટુડન્ટ લીડર્સ અને જાહેર પ્રતિનિધિઓ જોડાયા હતા.

મુખ્ય થીમ ‘21મી સદીમાં યુવા, સત્તા અને લોકશાહીનું નવીનીકરણ’ પર વિવિધ ચર્ચા યોજવામાં આવી. કાર્યક્રમમાં લોકસભાના રાજકોટના સાંસદ પરશોત્તમ રૂપાલા*એ મુખ્ય સંબોધનમાં જણાવ્યું હતું કે દેશના યુવાઓ વિશ્વ ની સૌથી મોટી લોકશાહી-ભારત ની તાકાત બની રહ્યા છે. તેમણે પોતાના રાજકીય અનુભવો શેર કરતાં યુવાઓને ચૂંટણી રાજકારણમાં વધુ સક્રિય ભૂમિકા ભજવવા અનુરોધ કર્યો હતો.

જમ્મુ-કાશ્મીરની ધારાસભ્યદેવયાની દેવેન્દર સિંહ રાણાએ ફાયરસાઇડ ચર્ચા દરમિયાન જણાવ્યું કે યુવાઓએ માત્ર મતદાર તરીકે નહીં, પરંતુ નિર્ણયકર્તા તરીકે પણ આગળ આવવું જોઈએ. તેમણે પેઢીપરિવર્તન, રાજકીય જવાબદારી અને રાજ્યની રાજનીતિમાં યુવાઓના પ્રતિનિધિત્વ જેવા મુદ્દાઓ પર વિગતવાર વિચારો વ્યક્ત કર્યા હતા. ત્રિપુરાના ધારાસભ્યપોલ ડાંગશુ*એ ઉત્તર-પૂર્વ ભારતમાં વિકસી રહેલા યુવા નેતૃત્વના મોડલ પર પોતાના અભિપ્રાયો રજૂ કર્યા હતા.

મારવાડી યુનિવર્સિટીના ટ્રસ્ટીજીત મારવાડીએ જણાવ્યું કે આજનો યુવાન ડિજિટલ સ્પેસ, કેમ્પસ એક્ટિવિઝમ અને ગ્રાસરૂટ પ્રોટેસ્ટ્સમાં ખૂબ સક્રિય છે, પરંતુ ઔપચારિક નીતિ-નિર્માણ માળખામાં તેની ભાગીદારી હજુ મર્યાદિત છે. આ બે દિવસીય આયોજનમાં યુવા ભાગીદારીને અવરોધતા માળખાકીય પ્રશ્નોની ઓળખ કરવામાં આવી હતી. સાથે જ વહીવટી અને ટેકનોલોજીકલ સુધારાની જરૂરિયાત, સ્થાનિક શાસનને પરિવર્તનના કેન્દ્ર તરીકે મજબૂત બનાવવાની દિશા અને સરહદો પાર વધતી યુવા રાજનીતિના જોડાણ પર પણ ગંભીર ચર્ચા થઈ હતી.

કોનરાડ એડેનાવર સ્ટિફ્ટુંગ ઇન્ડિયા અનેસેન્ટર ફોર યુથ પોલિસીના સહયોગથી યોજાયેલી આ કોન્ફરન્સમાં સ્કોલર્સ, પોલિસીમેકર્સ, એડમિનિસ્ટ્રેટર્સ, સ્ટુડન્ટ લીડર્સ અને આંતરરાષ્ટ્રીય નિષ્ણાતોએ ભાગ લીધો હતો. તમામ ઉપસ્થિતોએ લોકશાહી વ્યવસ્થામાં યુવાનોની ભાગીદારીના ભવિષ્ય પર વિચારવિમર્શ કરીને તેને વધુ અસરકારક અને સશક્ત બનાવવા માટે મહત્વપૂર્ણ સૂચનો રજૂ કર્યા હતા.

(Disclaimer: The information provided here is investment advice only. Investing in the markets is subject to risks and please consult your advisor before investing.)E

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)