શેરબજારમાં આજે સુધારાનો આશાવાદ, આ પરિબળો પર રહેશે મુખ્ય ફોકસ

અમદાવાદ, તા. 5 ઓક્ટોબરઃ ભારતીય શેરબજારો ગત સપ્તાહે સતત તૂટ્યા બાદ આજે સપ્તાહની શરૂઆત સુધારા સાથે કરે તેવી તીવ્ર શક્યતા જોવા મળી રહી છે. રોકાણકારો દ્વારા નીચા મથાળે ખરીદીની રિબાઉન્ડની અસર સેન્સેક્સ- નિફ્ટીને સુધારા તરફ દોરી શકે છે.

ગિફ્ટ નિફ્ટી પણ આજે 143 પોઈન્ટના સુધારા સાથે 22633.5 પર ટ્રેડ થઈ રહ્યો હતો. શેરબજારમાં હવે મુખ્ય ફોકસ કોર્પોરેટ પરિણામો અને આરબીઆઈના રેપો રેટ નિર્ણય પર રહેશે. વૈશ્વિક બજારોમાં પણ ક્રૂડના ભાવમાં ઘટાડો તેમજ યુએસ મોનેટરી પોલિસી દ્વારા આકરૂ વલણ હળવુ થવાના અહેવાલો ભારતીય શેરબજારમાં સુધારાની શક્યતા વધારી રહ્યા છે.

નિફ્ટી ટેક્નિકલ એનાલિસિસઃ

માર્કેટ નિષ્ણાતોના મતે નિફ્ટી લગભગ 115 પોઈન્ટના વધારા સાથે 22,535ની આસપાસ ખૂલે તેવી અપેક્ષા છે, જે મજબૂત ‘ગેપ-અપ’ શરૂઆત સૂચવે છે. તાજેતરની નબળાઈ અને મહત્વપૂર્ણ 22,500ના ઝોનની આસપાસ ઇન્ડેક્સ બંધ થયા બાદ આ રિકવરી પ્રોત્સાહક છે, પરંતુ આ વધારાને જાળવી રાખવો મહત્વપૂર્ણ રહેશે.

તાત્કાલિક સપોર્ટ 22,450–22,500ની આસપાસ છે, જ્યારે 22,750–22,850 પ્રથમ રેઝિસ્ટન્સ ઝોન તરીકે કામ કરશે. જો નિફ્ટી 22,850ની ઉપર ટકી રહે છે, તો રિકવરી 23,000 તરફ આગળ વધી શકે છે. જો ઇન્ડેક્સ મુખ્ય સપોર્ટ ઝોન જાળવી રાખે તો તે નીચા મથાળે ખરીદીની તકો વધારશે. વ્યાપક વલણ સાવચેતીભર્યું છે, અને ટૂંકા ગાળાના માળખામાં નોંધપાત્ર સુધારા માટે 23,050ની ઉપરની તરફ સતત ગતિ જરૂરી રહેશે. બજારની અસ્થિરતા અને ઇન્ટ્રા-ડેમાં તીવ્ર ઉતાર-ચડાવની શક્યતાને નકારી શકાય નહીં.

શેરબજારમાં અસર કરતાં પરિબળોઃ

વ્યાજ દરો સ્થિર રહેવાના અહેવાલઃ CME FedWatch ટૂલના જણાવ્યા અનુસાર, રોકાણકારો હવે માની રહ્યા છે કે ફેડ દ્વારા આ મહિને વ્યાજદર વધારવાની શક્યતા માત્ર 22% છે, જે એક અઠવાડિયા પહેલા 64% હતી.

વૈશ્વિક બજારોઃ આ મહિને ફેડ દ્વારા વ્યાજદરમાં વધારો અટકાવવાની વધતી જતી શક્યતાને કારણે જાપાનના નિક્કી (Nikkei) ઈન્ડેક્સમાં સત્રની શરૂઆતમાં 2% નો વધારો થયો હતો, જ્યારે ઓસ્ટ્રેલિયાના શેરોમાં 0.5% નો વધારો થયો હતો અને જાપાન સિવાયના એશિયા-પેસિફિક શેરોના MSCI ના વ્યાપક સૂચકાંકમાં 0.15% નો વધારો જોવા મળ્યો હતો.

Nasdaq ફ્યુચર્સ અને S&P 500 ફ્યુચર્સમાં અનુક્રમે 0.3% અને 0.1% નો વધારો થયો હતો, જ્યારે EUROSTOXX 50 ફ્યુચર્સમાં 0.3% અને FTSE ફ્યુચર્સમાં 0.4% નો વધારો નોંધાયો હતો.

વૈશ્વિક સ્તરે સકારાત્મક સંકેતોઃ સોમવારે એશિયામાં શેરબજારોએ મજબૂત શરૂઆત કરી હતી, જ્યારે ડોલરમાં થોડો ઘટાડો થયો હતો અને બોન્ડના ભાવ સ્થિર રહ્યા હતા. યુએસમાં રોજગારીના આંકડા અપેક્ષા કરતા નબળા આવવાને કારણે રોકાણકારોએ ફેડરલ રિઝર્વ દ્વારા વ્યાજદરમાં આક્રમક વધારાની શક્યતાઓ અંગેના તેમના અંદાજો ઘટાડ્યા હતા. ક્રૂડ પણ ઘટ્યું છે.

(Disclaimer: The information provided here is investment advice only. Investing in the markets is subject to risks and please consult your advisor before investing)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)