A.M. NAIKને લાઈફટાઈમ અચીવમેન્ટ એવોર્ડ એનાયત

મુંબઈ, 24 માર્ચ: પદ્મ વિભૂષણ પુરસ્કારથી સન્માનિત એલએન્ડટી ગ્રુપના ચેરમેન A.M. NAIKને ચોથી મિન્ટ ઈન્ડિયા ઈન્વેસ્ટમેન્ટ સમિટ એન્ડ એવોર્ડ્સ 2023માં લાઈફટાઈમ અચીવમેન્ટ એવોર્ડથી નવાજવામાં આવ્યા છે. એસ.એન. સુબ્રહ્મણ્યન, સીઇઓ અને એમડી, એલએન્ડટીએ A.M. NAIK વતી એવોર્ડ સ્વીકાર્યો હતો. આ બહુમાન પ્રાપ્ત કરવા અંગે A.M. નાઈકે જણાવ્યું કે, મારા માટે સન્માનની વાત છે કે એલએન્ડટીના અધ્યક્ષ તરીકે રાષ્ટ્ર નિર્માણમાં મારા યોગદાન અને આરોગ્ય, શિક્ષણ અને કૌશલ્ય વિકાસના ક્ષેત્રોમાં ભારતના નાગરિકો પ્રત્યેના મારા પરોપકારી યોગદાનને સ્વીકૃતિ અને માન્યતા મળી છે. આ પુરસ્કાર પ્રાપ્ત કરવાથી મને રાષ્ટ્રનિર્માણ અને પરોપકાર માટેના મારા પ્રયત્નો વધુ જોરશોરથી ચાલુ રાખવાની પ્રેરણા મળે છે. તેમણે લાર્સન એન્ડ ટુબ્રો પબ્લિક ચેરીટેબલ ટ્રસ્ટની સ્થાપના કરવામાં મહત્વની ભૂમિકા ભજવી હતી જે દેશભરમાં અનેક સ્થળોએ કૌશલ્ય પ્રશિક્ષણ સહિત સમુદાય વિકાસ પહેલના વિશાળ પરિપ્રેક્ષ્યમાં રોકાયેલ છે. તેમણે ભારતના વડા પ્રધાન દ્વારા નિમણૂંક પર નવેમ્બર 2018થી એપ્રિલ 2022 સુધી રાષ્ટ્રીય કૌશલ્ય વિકાસ નિગમના અધ્યક્ષ તરીકે સેવા આપી છે. તેમણે તેમની 75% સંપત્તિ આરોગ્યસંભાળ, શિક્ષણ અને કૌશલ્ય વિકાસના ક્ષેત્રોમાં સામાજિક કારણો માટે ખર્ચવાનું વચન આપ્યું છે.