2022 તમામ ઇન્વેસ્ટમેન્ટ એસેટ્સમાં આંગળા દાઝ્યાનો અનુભવ કરાવતું વર્ષ

• સેન્સેક્સ- નિફ્ટીમાં 2 ટકા નેગેટિવ રિટર્ન, સોનામાં 9 ટકા, ચાંદીમાં 20 ટકા ઘટાડો
• નવા ઇન્સ્ટ્રુમેન્ટ તરીકે બિટકોઇન- ક્રિપ્ટો કરન્સીઝમાં આંગળા નહીં હાથ દાઝ્યા

રોકાણકારો માટે ઇ.સ. 2022નું વર્ષ તમામ ઇન્વેસ્ટમેન્ટ એસેટ્સમાં આંગળા દાઝ્યાનો અનુભવ કરાવતું પૂરવાર થઇ રહ્યું છે. છેલ્લા એક વર્ષના ગાળામાં બેન્ક એફડી, સરકારી બોન્ડ્સ, ડેટ- લિક્વિડ મ્યુચ્યુઅલ ફંડ સ્કીમ્સને બાદ કરતાં તમામ એસેટ ક્લાસમાં નેગેટિવ રિટર્ન જોવા મળી રહ્યું છે. વૈશ્વિક બજારોમાં મોટાભાગની સેન્ટ્રલ બેન્કો ફુગાવાના ફુગ્ગાને ફોડવાના બહાને વ્યાજદરમાં વધારો કરી રહી છે. બીજી તરફ જિયો- પોલિટિકલ ઇશ્યૂઝ વધી રહ્યા છે. તો ઘરઆંગણે મોંઘવારી માઝા મૂકી રહી છે અને આરબીઆઇ પણ સતત વ્યાજદરમાં વધારો કરી રહી છે. તો કરન્સી માર્કેટમાં ડોલર સામે રૂપિયો 81 થઇ જવાના કારણે ફોરેક્સ રિઝર્વમાં ઘટાડાથી માંડીને કોર્પોરેટ્સ માટેની ફોરેન કરન્સી લોન્સ દાઝ્યા ઉપર ડામ આપી રહ્યા છે. જ્યારે બિટકોઇન સહિતની મોટાભાગની ક્રિપ્ટો કરન્સીઝમાં રોકાણકારોના આંગળા નહિં હાથ દાઝ્યા હોવાની સ્થિતિ જોવા મળી છે.

વિવિધ ઇન્વેસ્ટમેન્ટ ઇન્સ્ટ્રુમેન્ટ્સનો એક વર્ષમાં દેખાવ

(21 સપ્ટેમ્બર-22ની સ્થિતિ અનુસાર)

આવી સ્થિતિ વચ્ચે મોટાભાગના ઇન્વેસ્ટમેન્ટ ઇન્સ્ટ્રુમેન્ટસ નેગેટિવ રિટર્ન આપવાની શક્યતા વચ્ચે એનાલિસ્ટ્સ અને બ્રોકર હાઉસિસ હજીપણ એવો આશાવાદ ધરાવે છે કે, ઇ.સ. 2022ના અંત સુધીમાં સૌથી સારું રિટર્ન આપનારું ઇન્સ્ટ્રુમેન્ટ મહ્દઅંશે ઇક્વિટી જ રહેવાની સંભાવના છે. વર્ષાન્તે ઇક્વિટી (સેન્સેક્સ- નિફ્ટી)માં 15-25 ટકા વચ્ચે રિટર્ન જોવા મળવાની સંભાવના વ્યક્ત થઇ રહી છે. જોકે, છેલ્લા એક વર્ષમાં સેન્સેક્સ- નિફ્ટીએ 2 ટકા આસપાસનો ઘટાડો નોંધાવ્યો છે. તેની સામે એસએન્ડપી 500 ઇન્ડેક્સ 23.3 ટકા ઘટી ચૂક્યો છે. તો MSCI ઇમર્જિંગ માર્કેટ્સ ઇન્ડેક્સ 27.9 ટકા સુધી તૂટ્યો છે. સોના-ચાંદીમાં અનુક્રમે 10.6 ટકા અને 20 ટકાનો ઘટાડો નોંધાયો છે.

માર્ચ-2023 સુધીમાં નિફ્ટી-50 18000-19000 વચ્ચે રહેવાની સંભાવના મોટાભાગના બ્રોકર હાઉસ વ્યક્ત કરી રહ્યા છે. સેન્ટ્રમ વેલ્થના એમડી અને કો હેડ અર્પિતા વિનયનું કહેવું છે કે, ઇક્વિટીમાં ઇન્વેસ્ટમેન્ટ માટે હાલમાં શ્રેષ્ઠ વિકલ્પ ઇક્વિટી મ્યુચ્યુઅલ ફંડ્સમાં એસઆઇપી જણાય છે. જેમા રિટર્ન ડાયરેક્ટ ઇક્વિટી કરતાં પણ સારું રહેવાનો અંદાજ છે. વર્ષદરમિયાન સોના-ચાંદી, રિયલ એસ્ટેટ સહિતના તમામ ઇન્સ્ટ્રુમેન્ટ્સમાં રિટર્ન ફુગાવાના દરથી નીચું રહેવાની આશંકા છે.

એક વર્ષમાં દેખાવની શક્યતા