સેન્સેક્સ 965 પોઈન્ટ વધી 78151 બંધ, નિફ્ટી 24200ની હર્ડલ ક્રોસ

અમદાવાદ, 17 જુલાઇઃ સપ્તાહના છેલ્લા ટ્રેડિંગ દિવસે ભારતીય શેરબજારમાં જોરદાર તેજી જોવા મળી. દિવસભર ખરીદીનું વાતાવરણ રહ્યું અને ભારતીય શેરબજારો મજબૂતાઇ સાથે બંધ રહ્યા હતા.. BSE સેન્સેક્સ 964.58 પોઈન્ટ વધીને 78,151.45 પર બંધ થયો, જ્યારે NSE નિફ્ટી પણ 24200નું મહત્વનું રેઝિસ્ટન્સ લેવલ ક્રોસ કરીને 261.55 પોઈન્ટ વધીને 24,334.30 પર પહોંચ્યો હતો. IT, બેંકિંગ અને ઓટો શેરોમાં મજબૂત ખરીદીએ બજારને નવી ઊંચાઈએ પહોંચાડવામાં મુખ્ય ભૂમિકા ભજવી હતી.

આજના ટ્રેડિંગમાં ખાનગી બેંકિંગ અને આઇટી ક્ષેત્રોમાં સૌથી વધુ તેજી જોવા મળી હતી. નિફ્ટી પ્રાઇવેટ બેંક ઇન્ડેક્સ લગભગ 2 ટકા વધ્યો, અને નિફ્ટી બેંક ઇન્ડેક્સ 1.6 ટકા વધ્યો. નિફ્ટી આઇટી ઇન્ડેક્સમાં પણ 1.7 ટકાનો વધારો થયો હતો. ઓટો અને રિયલ્ટી ક્ષેત્રોમાં પણ આશરે 1.3 ટકાનો વધારો થયો, જ્યારે તેલ અને ગેસ અને એફએમસીજી શેરોમાં પણ મજબૂત ખરીદી જોવા મળી હતી.

પરિણામો પહેલા રિલાયન્સ 2.5% વધ્યો

રિલાયન્સ ઇન્ડસ્ટ્રીઝના જૂન ક્વાર્ટર (Q1 FY27)ના પરિણામો આજે બજાર બંધ થયા પછી જાહેર થવાના છે. આ પરિણામોની જાહેરાત પહેલા રિલાયન્સનો શેર 2.5%ના ઉછાળા સાથે ₹1,328ના સ્તરે બંધ થયો હતો. છેલ્લા કેટલાક સમયથી આ શેર સતત દબાણમાં જોવા મળ્યો છે. આ શેર છેલ્લા 1 મહિનામાં 1%, 3 મહિનામાં 3.5%, 6 મહિનામાં 6% અને છેલ્લા 1 વર્ષમાં લગભગ 10% સુધી ઘટ્યો છે.

નિફ્ટીમાં ટોચના તેજીવાળા શેરોમાં કોટક મહિન્દ્રા બેંક, ટેક મહિન્દ્રા, ટીસીએસ, જિયો ફાઇનાન્શિયલ સર્વિસિસ અને રિલાયન્સ ઇન્ડસ્ટ્રીઝનો સમાવેશ થાય છે. દરમિયાન, હિન્ડાલ્કો, ડૉ. રેડ્ડીઝ લેબ્સ, વિપ્રો, સન ફાર્મા અને મેક્સ હેલ્થકેર દબાણ હેઠળ રહ્યા. કેટલાક મુખ્ય શેરોમાં ઘટાડા છતાં, એકંદર બજાર સેન્ટિમેન્ટ પોઝિટિવ રહ્યું હતું.

બજારમાં તેજી માટેના મહત્વના કારણો એક નજરે

• ટેક મહિન્દ્રાના અપેક્ષા કરતાં વધુ સારા ત્રિમાસિક પરિણામોએ એકંદર IT ક્ષેત્રને વેગ આપ્યો
• Jio Financial Services ના મજબૂત જૂન ક્વાર્ટરના પરિણામોએ રોકાણકારોનો વિશ્વાસ વધાર્યો, જેના કારણે શેરમાં નોંધપાત્ર તેજી જોવા મળી
• રિલાયન્સ ઇન્ડસ્ટ્રીઝના આગામી ત્રિમાસિક પરિણામો અંગે પણ બજાર આશાવાદી છે
• તાજેતરના ઘટાડા પછી મુખ્ય શેરોમાં મૂલ્ય ખરીદી જોવા મળી
• નિફ્ટીનું 24,200ના નિર્ણાયક લેવલને પાર કરવું પણ બજાર માટે પોઝિટિવ

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)