પ્રાઇમરી માર્કેટ ઝોનઃ આ અઠવાડિયે રૂ. 6400 કરોડના 7 નવા IPO યોજાશે

અમદાવાદ, 17 ઓગસ્ટઃ પ્રાઇમરી માર્કેટ માટે આ અઠવાડિયું ફરી ધમધમતું રહેવાનું છે. બ્લેકસ્ટોન (Blackstone) સમર્થિત હોરાઇઝન ઇન્ડસ્ટ્રિયલ પાર્ક્સ (Horizon Industrial Parks) અને લલિતા જ્વેલરી માર્ટ (Lalithaa Jewellery Mart) સહિત 7 કંપનીઓ IPO દ્વારા કુલ મળીને ₹6,400 કરોડથી વધુ રકમ એકત્ર કરવાની યોજના બનાવી રહી છે. ગત અઠવાડિયે પાંચ કંપનીઓએ તેમના પબ્લિક ઇશ્યુ લોન્ચ કર્યા હતા, જ્યારે અન્ય ત્રણ કંપનીઓ આ મહિનાની શરૂઆતમાં જ માર્કેટમાં આવી ચૂકી છે. સાતેય કંપનીઓ પબ્લિક ઇશ્યુ દ્વારા ₹6,400 કરોડથી વધુ રકમ એકત્ર કરવા જઈ રહી છે, જેનાથી પ્રાઇમરી માર્કેટમાં ધમધમાટ જળવાઈ રહેશે.

હોરાઇઝન ઇન્ડસ્ટ્રિયલ પાર્ક્સ: તા. 17 ઓગસ્ટે આઇપીઓ ખૂલશે (ફ્રેશ આઇપીઓ)

હોરાઇઝન ઇન્ડસ્ટ્રિયલ પાર્ક્સ તેનો ₹2,600 કરોડનો IPO 17 ઓગસ્ટે ખોલશે. ₹2,600 કરોડનો આ ઇશ્યુ સંપૂર્ણપણે નવો ઇશ્યુ (Fresh Issue) છે અને તેની પ્રાઇસ બેન્ડ ₹57 થી ₹60 પ્રતિ શેર નક્કી કરવામાં આવી છે. કંપની આ રકમનો ઉપયોગ પોતાના કરજ (ચુકવણી) માટે કરશે. 

લલિતા જ્વેલરી માર્ટ 17 ઓગસ્ટે તેનો ₹1,700 કરોડનો ઇશ્યુ લોન્ચ કરશે

પ્રાઇસ બેન્ડ ₹190 થી ₹201 પ્રતિ શેર રાખવામાં આવી છે. તેના ₹1,700 કરોડના ઇશ્યુમાં ₹1,200 કરોડ સુધીનો ફ્રેશ ઇશ્યુ અને ₹500 કરોડ સુધીનો OFS સામેલ છે.

શંકેશ જ્વેલર્સ (Shankesh Jewellers) 18 ઓગસ્ટે રૂ. 367 કરોડનો આઇપીઓ લોન્ચ કરશે

₹367 કરોડના ઇશ્યુની પ્રાઇસ બેન્ડ ₹88 થી ₹93 પ્રતિ શેર છે. આ IPO માં 2.95 કરોડ સુધીના ઇક્વિટી શેરનો ફ્રેશ ઇશ્યુ અને 1 કરોડ સુધીના ઇક્વિટી શેરનો OFS છે.

સનશાઇન પિક્ચર્સ 18 ઓગસ્ટે રૂ. 282 કરોડ એકત્ર કરવા માટે આઇપીઓ લોન્ચ કરશે

₹282 કરોડની ઓફર માટે પ્રાઇસ બેન્ડ ₹342 થી ₹360 નક્કી કરવામાં આવી છે. તેમાં 48 લાખ ઇક્વિટી શેરનો ફ્રેશ ઇશ્યુ અને 30.37 લાખ ઇક્વિટી શેરનો OFS છે, જેથી કુલ ઓફર સાઇઝ 78.37 લાખ શેર થાય છે.

ગાજા અલ્ટરનેટિવ એસેટ મેનેજમેન્ટ 19 ઓગસ્ટે તેનો ₹550 કરોડનો IPO લોન્ચ કરશે

₹550 કરોડના IPO માટે ₹152 થી ₹160 પ્રતિ શેરની પ્રાઇસ બેન્ડ નક્કી કરાઈ છે. તેમાં ₹450 કરોડ સુધીનો ફ્રેશ ઇશ્યુ અને ₹100 કરોડ સુધીનો OFS છે

ટેમ્પસેન્સ ઇન્સ્ટ્રુમેન્ટ્સ (Tempsens Instruments) તેનો ઇશ્યુ 20 ઓગસ્ટે ખોલશે

₹95 કરોડનો ફ્રેશ ઇશ્યુ અને 1.85 કરોડ શેરનો OFS રજૂ કરશે.

ઓગમોન્ટ એન્ટરપ્રાઇઝિસ (Augmont Enterprises) 21 ઓગસ્ટે ₹825 કરોડનો IPO લાવશે

₹825 કરોડનો IPO એ ₹620 કરોડના ફ્રેશ ઇશ્યુ અને ₹205 કરોડના OFS નો સમન્વય છે.

ટેમ્પસેન્સ ઇન્સ્ટ્રુમેન્ટ્સ અને ઓગમોન્ટ એન્ટરપ્રાઇઝિસની પ્રાઇસ બેન્ડ અનુક્રમે સોમવાર અને મંગળવારે જાહેર કરવામાં આવશે.આ ઉપરાંત, એર ફ્રેટ ફોરવર્ડિંગ અને લોજિસ્ટિક્સ કંપની સ્કાયવેઝ એર સર્વિસિસ (Skyways Air Services) 24 ઓગસ્ટે તેનો ₹583 કરોડનો IPO લોન્ચ કરવાની તૈયારીમાં છે, જે આગામી સપ્તાહ પછી પણ પ્રાઇમરી માર્કેટની આ ગતિવિધિને ચાલુ રાખશે.

તારીખવાર IPO લોન્ચિંગનું શેડ્યૂલ

આ સપ્તાહે લિસ્ટિંગ માટે લાઇનમાં ઊભેલા આઇપીઓ

મોલ્બિયો ડાયગ્નોસ્ટિક્સ અને ધૂત ટ્રાન્સમિશન 17 ઓગસ્ટે NSE અને BSE પર લિસ્ટ થશે. મિલ્કી મિસ્ટ ડેરી ફૂડ 18 ઓગસ્ટના રોજ લિસ્ટ થશે.શિપ્રોકેટ અને આયર્ન ઉત્પાદક બિહારી લાલ એન્જિનિયરિંગ 19 ઓગસ્ટના રોજ D-સ્ટ્રીટ પર લિસ્ટ થવાની ધારણા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)