ઇક્વિટી આઉટલૂકઃ સપ્ટેમ્બરમાં SENSEX- NIFTYમાં 6%નો કડાકો, ઓક્ટોબરમાં સુધારાનો આશાવાદ

અમદાવાદ, 1 ઓક્ટોબરઃ સપ્ટેમ્બર મહિનો ભારતીય ઇક્વિટી માટે ભાદરવાના તાપ જેવો રહ્યો. રોકાણ કરો તો મૂડીની મોકાણ, IPOમાં રોકો તો લાગે નહિં, અને લાગે પણ એવાં કે જેમાં લાખના બાર હજાર થઇ જાય. સેકન્ડરી માર્કેટમાં વિદેશી સંસ્થાકિય રોકાણકારોનું વેચાણ દબાણ, વધતી વૈશ્વિક બોન્ડ યીલ્ડ, મોંઘુ CRUDE OIL અને જિયો પોલિટિકલ અનિશ્ચિતતા બજારના સેન્ટિમેન્ટને ખરડી રહ્યા હતા. એટલું જ નહિં, સપ્ટેમ્બર મહિના દરમિયાન NIFTY અને નિફ્ટી500 લગભગ 5-6% ઘટ્યા. સેન્સેક્સે સપ્ટેમ્બરમાં 5.8 ટકા સુધીનો કડાકો નોંધાવ્યો છે. જે આ સાથે આપેલાં ટેબલના આધારે જોઇ શકાય છે.

SENSEXની જાન્યુઆરીથી સપ્ટેમ્બર સુધીની સાપ-સિડી એક નજરે

ઓક્ટોબરમાં શેરબજારોમાં કયા પ્રશ્નોની ઝડી વરસી શકે……

ઓક્ટોબર અને તે પછીના સમયમાં ઇક્વિટીને શું આકાર આપી શકે છે તે સમજવા માટે businessgujarat.in એ અગ્રણી બ્રોકરેજ હાઉસ સાથે કરેલી ચર્ચાના આધારે તૈયાર કરાયેલા રિપોર્ટ અનુસાર સપ્ટેમ્બર મહિનામાં બજારોમાં અનેક અવરોધો રહ્યા છે. ખાસ કરીને સપ્ટેમ્બરની નબળાઈ પાછળ કોઈ એક કારણ નહોતું. પરંતુ વિદેશી સંસ્થાકીય વેચાણ મુખ્ય દબાણોમાંનું એક સૌથી મોટું કારણ રહ્યું હતું. સાથે સાથે ઘરઆંગણે ક્રૂડના ઊંચા ભાવે દેશના આયાત બિલમાં સતત વધારો, રશિયન તેલ ખરીદનારાઓ પર યુએસ ટેરિફની આસપાસના વિકાસ, હોર્મુઝની આસપાસની પરિસ્થિતિ અને પ્રમાણમાં નબળા ચોમાસાની સ્થિતિએ અનિશ્ચિતતામાં વધારો કર્યો છે.

બજાર નિષ્ણાતો માટે આમાંની કેટલીક ચિંતાઓ સપ્ટેમ્બર પછીની છે. સતત વધી રહેલી યુએસ સરકારી બોન્ડ યીલ્ડ વૈશ્વિક રોકાણકારો માટે ઉભરતા બજારના ઇક્વિટીને પ્રમાણમાં ઓછા આકર્ષક બનાવે છે. તે જ સમયે, ભારતને વૈશ્વિક AI મૂડીખર્ચ ચક્રના મુખ્ય લાભાર્થી તરીકે જોવામાં આવતું નથી, જે વિદેશી મૂડીરોકાણ પ્રવાહને નિયંત્રિત રાખી શકે છે.

ઓક્ટોબરમાં ભારતીય શેરબજારો ઉપર કયા કયા પરીબળોની રહેશે અસર

ઓક્ટોબરમાં હજુ પણ સપ્ટેમ્બરની કેટલીક મેક્રો ચિંતાઓનો સામનો કરવો પડી શકે છે પરંતુ એક મહત્વપૂર્ણ પરિબળ કેન્દ્ર સ્થાને પાછું ફરે છે પરંતુ કોર્પોરેટ પરિણામો જોવા માટેનું સૌથી મોટું ટ્રિગર છે. કારણકે પરિણામો આપણને સમજવામાં મદદ કરશે કે કંપનીઓ ક્યાં છે કારણ કે વળતરનો માર્ગ ખૂબ સારો રહ્યો છે. જૂન ક્વાર્ટર માટે, ખૂબ સારા પરિણામો જોયા. નિષ્ણાતોને આશા છે કે તે ચાલુ રહેશે. જોકે નિષ્ણાતો ક્રૂડ અને જિયો પોલિટિકલ ક્રાઇસિસને પણ મહત્વના પરીબળ તરીકે જુએ છે.

શેર બજાર તેની શોર્ટ ટર્મ ચાલ માટે યુએસ-ઈરાન યુદ્ધ કેવી રીતે ઉકેલાય છે તે પ્રત્યે સંવેદનશીલ રહેશે, કારણ કે તેનો સીધો માર્ગ ક્રૂડ-લિંક્ડ ફુગાવા અને ત્યાંથી વૈશ્વિક બોન્ડ યિલ્ડતરફ જાય છે. વધુમાં બજાર નિષ્ણાતો ભારત સહિત રશિયન ક્રૂડના ખરીદદારોને લક્ષ્ય બનાવતા યુએસ ટેરિફની આસપાસના ડેવલોપમેન્ટ ઉપર પણ નજર રાખી રહ્યા છે.

ઘરઆંગણે દિવાળીના તહેવારોની માંગ વપરાશના ટ્રેન્ડનો પ્રારંભિક સંકેત આપી શકે છે. જો કે, ગ્રામીણ આવક પર દુષ્કાળની સ્થિતિની અસરને પણ તેમાં ધ્યાને લેવાની જરૂર રહેશે.

સૌથી મોટો પડકાર એ છે કે કમાણી પર મજબૂત પક્કડ ધરાવતી કંપનીઓ માટે પહેલેથી જ ખર્ચાઓ વધી છે, જે મોટા ઉછાળા માટેના અવકાશને મર્યાદિત કરે છે, જ્યારે સસ્તા સેગમેન્ટમાં ઘણીવાર મજબૂત કમાણી વૃદ્ધિની દૃશ્યતાનો અભાવ હોય છે.

 નાના અને મિડકેપ્સ લાર્જ-કેપ્સ કરતાં વધુ સારી કમાણી વૃદ્ધિ પ્રદાન કરવાનું ચાલુ રાખે તેવી શક્યતા છે. ક્રેડિટ વિસ્તરણ, ગ્રાહક વિવેકાધીન માંગમાં પુનઃપ્રાપ્તિ, ખાનગી મૂડીખર્ચ અને ક્રૂડના ભાવમાં સંભવિત ઘટાડો એ એવા પરિબળો છે જે બજારને ટેકો આપી શકે છે.

પ્રોડક્શન, એનબીએફસી અને હેલ્થકેર સેક્ટર્સ માટે ઉજ્જવળ તકોની સંભાવના

ફ્લેક્સીકેપ પોર્ટફોલિયોમાં સ્થાનિક પ્રોડક્શન, એનબીએફસી અને હેલ્થકેર સેક્ટર્સ ક્ષેત્રે રોકાણ માટેની શક્યતાઓ વધતી રહે તેવી શક્યતા છે. ખાસ કરીને મિડકેપ્સ ખરેખર ખૂબ સારી રીતે વધી રહ્યા છે. નિષ્ણાતોના મતે મિડકેપ્સ અને સ્મોલકેપ્સ ખરેખર યોગ્ય રીતે સ્થિત છે. નિષ્ણાતો એવી પણ સલાહ આપી રહ્યા છે કે, સામાન્ય રીતે બજારના એવા સેગમેન્ટ્સ અથવા ક્ષેત્રોમાં મોટા પૈસા કમાય છે જ્યાં મૂલ્યાંકન સસ્તા હોય છે.

મેગાકેપ્સ, મોટી ખાનગી બેંકો, વીમા, સ્મોલકેપ્સ, સિમેન્ટ અને મકાન સામગ્રી અને પસંદગીની ગ્રાહક કંપનીઓ એવા ક્ષેત્રોમાં શામેલ છે જ્યાં તેઓ તકો જુએ છે. પાવર ટ્રાન્સમિશન અને વિતરણ, નવીનીકરણીય ઉર્જા સાધનો, ઇલેક્ટ્રોનિક્સ, સંરક્ષણ અને ડેટા સેન્ટરોમાં રોકાણ દ્વારા સમર્થિત છે. જો કે, વર્તમાન મૂલ્યાંકનને ધ્યાનમાં રાખીને, તેમનું માનવું છે કે સ્ટોક સ્પેસિફિક એપ્રોચ રોકાણકારો માટે મહત્વપૂર્ણ રહે છે.

(Disclaimer: The information provided here is investment advice only. Investing in the markets is subject to risks and please consult your advisor before investing)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)