Gold Rates: ઈઝરાયલ-હમાસ યુદ્ધ વચ્ચે સોના-ચાંદી બજારમાં તેજી, સોનું આ સપ્તાહે 3 ટકા વધ્યુ

અમદાવાદ, 13 ઓક્ટોબરઃ વૈશ્વિક સ્તરે ઈઝરાયલ-હમાસ વચ્ચે વણસી રહેલી જિઓ પોલિટિકલ ક્રાઈસિસ વચ્ચે કિંમતી ધાતુ બજારમાં તેજી જોવા મળી છે. ગ્લોબલ સ્પોટ ગોલ્ડ માટે આ સપ્તાહ છેલ્લા સાત માસનું સર્વશ્રેષ્ઠ સપ્તાહ રહ્યું છે. સ્પોટ ગોલ્ડ 3 ટકા વધ્યું છે. જ્યારે સ્પોટ ચાંદી પણ વૈશ્વિક સ્તરે વધી 22.53 ડોલર પ્રતિ ઔંશ થઈ છે.

આર્થિક કટોકટીમાં સોના-ચાંદીની ચમક વધે છે. ઈઝરાયલ-હમાસ વચ્ચેના યુદ્ધના પગલે સોનામાં હેજિંગ વધ્યું છે. સ્થાનિક બજારમાં સોનાનો ભાવ છેલ્લા એક સપ્તાહમાં 10 ગ્રામ દીઠ રૂ. 1800 વધી 60600 પર ક્વોટ થઈ રહ્યો છે. ચાંદીની કિંમત રૂ. 500 વધી આજે કિલોદીઠ રૂ. 71 હજાર આસપાસ હતી.