RIL: રિલાયન્સ રિટેલ શેર કેપિટલ ઘટાડશે, શેરહોલ્ડર્સને શેરદીઠ રૂ. 1,362 ચૂકવશે

નવી દિલ્હી, 9 જુલાઇઃ મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝ (RIL)ના બોર્ડે તેની પેટા કંપની રિલાયન્સ રિટેલની ઇક્વિટી શેર મૂડીને તેના પ્રમોટર અને હોલ્ડિંગ કંપની સિવાયના શેરધારકોની સંખ્યા ઘટાડવાની દરખાસ્તને મંજૂરી આપી છે. કંપનીના બોર્ડ ઓફ ડિરેક્ટર્સે તેના પ્રમોટર અને હોલ્ડિંગ કંપની, એટલે કે, રિલાયન્સ રિટેલ વેન્ચર્સ લિમિટેડ સિવાયના શેરધારકોની સંખ્યા ઘટાડવા ઇક્વિટી શેર મૂડી ઘટાડવાની દરખાસ્તને મંજૂરી આપી છે. આવા શેરધારકો દ્વારા રાખવામાં આવેલા આ શેરો રદ થઈ જશે અને મૂડી ઘટાડા માટે શેરધારકોને પ્રતિ શેર રૂ. 1,362 ચૂકવવામાં આવશે. RILએ જણાવ્યું હતું કે, ચૂકવણી બે પ્રતિષ્ઠિત સ્વતંત્ર રજિસ્ટર્ડ વેલ્યુઅર્સ પાસેથી મેળવેલા મૂલ્યાંકનના આધારે નક્કી કરવામાં આવી છે. કંપની આ હેતુ માટે તેના શેરધારકોને નોટિસ મોકલશે. આરઆઈએલના આ પગલાથી અનલિસ્ટેડ માર્કેટમાં રિલાયન્સ રિટેલના સ્ટોકમાં રોકાણ કરનારાઓને અસર થશે જ્યાં શેરનો ભાવ રૂ. 2,700 છે.

રિલાયન્સ રિટેલ લિમિટેડ એ RILની સ્ટેપ-ડાઉન પેટાકંપની છે. રિલાયન્સ રિટેલ વેન્ચર્સ લિમિટેડ (RRVL)ના સબસ્ક્રાઇબ કરેલા ઇક્વિટી શેરના 85.06% RIL પાસે છે જે બદલામાં રિલાયન્સ રિટેલ લિમિટેડ (RRL)ના સબસ્ક્રાઇબ કરેલા ઇક્વિટી શેરના 99.93% ધરાવે છે 2006માં તેની શરૂઆતથી, રિલાયન્સ રિટેલ (RRVL સહિત)નો સતત ગ્રોથ થઈ રહ્યો છે. જે દેશનું સૌથી મોટું રિટેલ ગ્રૂપ તરીકે ઉભરી આવ્યુ છે. અગાઉ 2020માં, RRVNLએ વૈશ્વિક ખાનગી ઇક્વિટી ફંડ્સમાંથી 10.09% હિસ્સા માટે કુલ રૂ. 47,265 કરોડનું ભંડોળ એકત્ર કર્યું હતું, જે કંપનીનું મૂલ્ય રૂ. 4.2 લાખ કરોડ કરતાં વધુ હતું. માર્કી રોકાણકારોની યાદીમાં સિલ્વર લેક, KKR, મુબાદલા, અબુ ધાબી ઇન્વેસ્ટમેન્ટ ઓથોરિટી, GIC, TPG, જનરલ એટલાન્ટિક અને સાઉદી અરેબિયાના પબ્લિક ઇન્વેસ્ટમેન્ટ ફંડનો સમાવેશ થાય છે. વૈશ્વિક બ્રોકરેજ બર્નસ્ટીને રિલાયન્સ રિટેલમાં RILનો હિસ્સો $111 અબજનો એન્ટરપ્રાઇઝ મૂલ્યાંકન કર્યો છે. રિલાયન્સે અગાઉ તેના શેરધારકો માટે મૂલ્ય અનલોક કરવા માટે Jio અને રિટેલ બંનેને લિસ્ટેડ કરવાની યોજનાનો સંકેત આપ્યો હતો.