Sebiનો બોમ્બે ડાઇંગ-પ્રમોટર્સ સહિત 10 યુનિટ પર પ્રતિબંધ, રૂ. 15.75 કરોડ પેનલ્ટી પણ ફટકારી

મુંબઈઃ સેબીએ બોમ્બે ડાઇંગ એન્ડ મેન્યુફેક્ચરિંગ કંપની લિમિટેડ (BDMCL) અને તેના પ્રમોટર્સ – નુસ્લી એન વાડિયા, નેસ વાડિયા અને જહાંગીર વાડિયા સહિત 10 કંપનીઓને સિક્યોરિટી માર્કેટમાંથી બે વર્ષ સુધી સસ્પેન્ડ કરી છે. તદુપરાંત કંપનીના ફાઈનાન્સિયલ સ્ટેટમેન્ટ ખોટી રીતે રજૂ કરવા બદલ રૂ. 15.75 કરોડની પેનલ્ટી પણ ફટકારી છે.

સેબી દ્વારા પ્રતિબંધિત અને પેનલ્ટી ફટકારવામાં આવેલી અન્ય કંપનીઓમાં વાડિયા ગ્રૂપની એક કંપની સ્કેલ સર્વિસિઝ લિ. અને તેના તત્કાલીન ડિરેક્ટર્સ ડીએસ ગાગરત, એનએચ દાતનવાલા શૈલેષ કર્ણિક, આર ચંદ્રશેખરન અને દુર્ગેશ મહેતા, જેઓ બોમ્બે ડાઈંગના સંયુક્ત મેનેજિંગ ડિરેક્ટર અને મુખ્ય નાણાકીય અધિકારી હતા.

સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ શુક્રવારે પસાર કરેલા તેના આદેશમાં જણાવ્યું હતું કે, તેઓને 45 દિવસની અંદર પેનલ્ટી ચૂકવવાનો નિર્દેશ આપવામાં આવ્યો છે. અમુક ફરિયાદોના આધારે, સેબીએ નાણાકીય વર્ષ 2011-12 થી નાણાકીય વર્ષ 2018-19 સુધીના સમયગાળા માટે બોમ્બે ડાઈંગ એન્ડ મેન્યુફેક્ચરિંગ કંપની લિમિટેડ (BDMCL)ની બાબતોની વિગતવાર તપાસ હાથ ધરી હતી.

સેબીએ તપાસમાં શોધી કાઢ્યું હતું કે આ સંસ્થાઓ BDMCLના ફાઈનાન્સિયલ સ્ટેટમેન્ટ્સની ખોટી રજૂઆતની છેતરપિંડીમાં સંડોવાયેલી હતી, જેમાં BDMCL દ્વારા નાણાકીય વર્ષ 2011-12 થી 2017-18 દરમિયાન સ્કેલને ફ્લેટના કથિત વેચાણ (એમઓયુ દ્વારા) દ્વારા રૂ. 2,492.94 કરોડ અને રૂ. 1,302.20 કરોડનો નફામાં વધારો થયો હતો. Scalનું શેરહોલ્ડિંગ માળખું ઇરાદાપૂર્વક એવી રીતે ડિઝાઇન કરવામાં આવ્યું હતું કે BDMCL સીધો માત્ર 19 ટકા હિસ્સો ધરાવતો હોવા છતાં, Scalના અન્ય શેરધારકોમાં તેના પરોક્ષ હોલ્ડિંગ દ્વારા, BDMCL સમગ્ર શેર મૂડી પર સંપૂર્ણ નિયંત્રણનો ઉપયોગ કરવા સક્ષમ હતું.

કોને કેટલી પેનલ્ટી