NSE ઉપર ઝાયડસ લાઇફસાયન્સિસના લિસ્ટિંગના 25માં વર્ષની ઉજવણી

મુંબઇ, 6 મેઃ નેશનલ સ્ટોક એક્સચેન્જ ઓફ ઇન્ડિયા (NSE) ઉપર ઝાયડસ લાઇફસાયન્સિસના લિસ્ટિંગના 25માં વર્ષની ઉજવણીના ભાગરૂપે મુંબઇમાં બીકેસી ખાતે 2 મેના રોજ બેલ રિંગિંગ સમારોહનું આયોજન કરાયું હતું. આ પ્રસંગે ઝાયડસ લાઇફસાયન્સિસના ચેરમેન પંકજ આર. પટેલ, મેનેજિંગ ડિરેક્ટર ડો. શર્વિંલ પટેલ, એક્ઝિક્યુટિવ ડિરેક્ટર ગણેશ નાયક અને સીએફઓ નીતિન પારેખ સહિતના વરિષ્ઠિત અધિકારીઓ સહિત સિનિયર એક્ઝિક્યુટિવ્સ ઉપસ્થિત રહ્યાં હતાં. એનએસઇના એમડી અને સીઇઓ આશિષકુમાર ચૌહાણ અને ચીફ બિઝનેસ ડેવલપમેન્ટ ઓફિસર શ્રીરામ કૃષ્ણ જેવાં મહાનુભાવો પણ હાજર રહ્યા હતા.

છેલ્લાં 24 વર્ષમાં કંપનીનું વેચાણ રૂ. 478 કરોડથી 17 ટકા સીએજીઆર સાથે વધીને રૂ. 19,022 કરોડ થયું છે, ઓપરેટિંગ પ્રોફિટ 20 ટકા સીએજીઆર સાથે રૂ. 70 કરોડથી વધીને રૂ. 5,384 કરોડ તથા પ્રોફિટ આફ્ટર ટેક્સ 21 ટકા સીએજીઆર સાથે રૂ. 38 કરોડથી વધીને રૂ. 3,860 કરોડ થયો છે. (31 માર્ચ, 2000થી 31 માર્ચ, 2024 સુધીનો સમયગાળો). કંપનીના આઇપીઓમાં રૂ. 1 લાખનું રોકાણ વધીને 30 એપ્રિલ, 2025 સુધીમાં રૂ. 60 લાખ થયું છે (ડિવિડન્ડ અને બાયબેક સહિત), જે રોકાણના લગભગ 60 ગણું છે અને 19 ટકા સીએજીઆર સૂચવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)