બિગબ્લોક કન્સ્ટ્રક્શનની પેટા કંપની સ્ટારબિગબ્લોકને IPO લોન્ચ કરવા માટે શેર હોલ્ડર્સની મંજૂરી મળી

અમદાવાદ, 18 જૂન: એરેટેડ ઓટોક્લેવ્ડ કોંક્રિટ (AAC) બ્લોક્સ, બ્રિક્સ અને પેનલ્સના ઉત્પાદક બિગબ્લોક કન્સ્ટ્રક્શન લિમિટેડ (BSE: 540061)ની સંપૂર્ણ માલિકીની પેટાકંપની, સ્ટારબિગબ્લોક બિલ્ડિંગ મટિરિયલ લિમિટેડને પ્રારંભિક જાહેર ઓફર (IPO) દ્વારા ભંડોળ એકત્ર કરવા માટે શેરધારકોની મંજૂરી મળી છે. IPOનો ઉદ્દેશ શેરધારકોના મૂલ્યને અનલૉક કરવાનો, વિસ્તરણ માટે ગ્રોથ કેપિટલ એકત્ર કરવાનો અને બિગબ્લોક કન્સ્ટ્રક્શન લિમિટેડના એકંદર મૂલ્યાંકનને સંભવિત રીતે વધારવાનો છે.

13 જૂન, 2025ના રોજ યોજાયેલી કંપનીની એક્સ્ટ્રાઓર્ડિનરી જનરલ મિટિંગ (EGM)માં આ દરખાસ્તને મંજૂરી આપવામાં આવી હતી. IPO દરખાસ્ત જરૂરી નિયમનકારી મંજૂરીઓ, પ્રવર્તમાન બજાર પરિસ્થિતિઓ અને અન્ય લાગુ મંજૂરીઓને આધીન છે.

બિગબ્લોક કન્સ્ટ્રક્શન લિમિટેડના ડિરેક્ટર અને ચીફ ફાઇનાન્શિયલ ઓફિસર મોહિત સાબૂએ જણાવ્યું હતું કે, IPO સ્ટારબિગબ્લોક બિલ્ડિંગ મટિરિયલ્સ લિમિટેડને મૂડી બજારોમાં પ્રવેશ મેળવવા, વિસ્તરણના આગામી તબક્કાને આગળ વધારવા અને સમગ્ર ભારતમાં તેની માર્કેટ પોઝિશનને મજબૂત બનાવવા સક્ષમ બનાવશે.

2015માં સ્થાપિત, BIGBLOC કન્સ્ટ્રક્શન લિમિટેડ ભારતમાં સૌથી મોટા અને એકમાત્ર લિસ્ટેડ AAC બ્લોક ઉત્પાદકોમાંનું એક છે, જે ગુજરાત (ખેડા, ઉમરગાંવ, કપડવંજ) અને મહારાષ્ટ્ર (વાડા)માં આવેલા પ્લાન્ટ્સમાં 1.3 મિલિયન CBM વાર્ષિક ક્ષમતા ધરાવે છે. નાણાકીય વર્ષ 25 માટે, BigBloc કન્સ્ટ્રક્શન્સ લિમિટેડે કામગીરીમાંથી રૂ. 224.6 કરોડની આવક નોંધાવી હતી.

સ્ટારબિગબ્લોક બિલ્ડીંગ મટિરિયલ લિમિટેડ હાલમાં અમદાવાદ નજીક ખેડામાં ઉત્પાદન એકમ ચલાવે છે, જેની સ્થાપિત ક્ષમતા વાર્ષિક 250,000 ઘન મીટર છે. આ પ્લાન્ટ અસરકારક રીતે વ્યાપક બજારને પૂરી પાડે છે, જે ગુજરાતના મુખ્ય ભાગોને આવરી લે છે અને રાજસ્થાનના ઉદયપુર અને મધ્યપ્રદેશના ઇન્દોર સુધી તેની પહોંચને વિસ્તરે છે.

મે 2024માં, સ્ટારબિગબ્લોક બિલ્ડીંગ મટિરિયલ લિમિટેડના બોર્ડ ઓફ ડિરેક્ટર્સે જરૂરી મંજૂરીઓ અને પ્રવર્તમાન બજાર પરિસ્થિતિઓને આધીન, SME IPO અથવા પ્રેફરન્શિયલ ઇશ્યૂ દ્વારા ભંડોળ એકત્ર કરવાના પ્રસ્તાવને મંજૂરી આપી હતી. કંપની આગામી 4-5 વર્ષમાં તેની ઉત્પાદન ક્ષમતા વર્તમાન 250,000 ક્યુબિક મીટર પ્રતિ વર્ષથી વધારીને 1.2 મિલિયન ક્યુબિક મીટર પ્રતિ વર્ષ સુધી વધારવાનો લક્ષ્યાંક ધરાવે છે. તેના ડેવલોપમેન્ટ રોડમેપના ભાગ રૂપે, કંપની નાણાકીય વર્ષ 27-28 સુધીમાં રૂ. 428 કરોડની આવકનું લક્ષ્ય રાખે છે, જેમાં અંદાજિત એબિટા રૂ. 125 કરોડ અને ચોખ્ખો નફો રૂ. 80 કરોડનો છે.

ફેબ્રુઆરી 2025ની શરૂઆતમાં, કંપનીએ મધ્ય ભારતમાં AAC બ્લોક્સ વ્યવસાયના વિસ્તરણના હેતુથી ઠાસરા નંબર 382, ​​387, 389/2, ગ્રામ નિમરાની, તહેસીલ કસરાવાડ, જિલ્લો – ખરગોન, મધ્ય પ્રદેશ ખાતે આશરે 57,500 ચોરસ મીટર જમીન સંપાદિત કરી હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)