બ્રોકર્સનો આશાવાદઃ 2026માં તેજીના કિસ્સામાં સેન્સેક્સ 100000 અને નિફ્ટી 32000નો લક્ષ્યાંક

જો અને તો……. મોટાભાગના બ્રોકરેજ હાઉસ સેન્સેક્સ 95000 અને નિફ્ટી 29000 સુધી સુધરવાનો આશાવાદ ધરાવે છે. મંદીના કેસમાં નિફ્ટી 24000 સુધી ઘટવાની આશંકા પણ ખરી

અમદાવાદ, 31 ડિસેમ્બરઃ વિતિ રહેલા ઇસ્વિસન વર્ષ 2025 દરમિયાન અનેક આરોહ, અવરોહ, પ્રતિકૂળ જિયો પોલિટિકલ પ્રોબ્લેમ્સ અને ભારતીય શેરબજારોના આખલાને તેજીનું ઇન્જેક્શન આપનારા વિદેશી રોકાણકારોની મહદ્અંશે ગેરહાજરી છતાં સ્થાનિક સંસ્થાકિય લેવાલીના ટેકે સેન્સેક્સે વર્ષ દરમિયાન 6000 પોઇન્ટ (8 ટકા)નો સુધારો નોંધાવ્યો છે. જ્યારે નિફ્ટી 2000 પોઇન્ટ (9 ટકા) સુધર્યો છે. વિતેલાં વર્ષના સંક્ષિપ્ત લેખાં- જોખાં વચ્ચે મોટાભાગના અગ્રણી બ્રોકરેજ હાઉસ કન્ડિશનલ તેજીની ચાલ સાથે સેન્સેક્સ 100000 પોઇન્ટ અને નિફ્ટી 32000 પોઇન્ટના લક્ષ્યાંકો હાંસલ કરે તેવો આશાવાદ સેવી રહ્યા છે. સાથે સાથે………………………..જો અને તોની સંભાવના વચ્ચે…………….. સેન્સેક્સ 95000 અને નિફ્ટી 29000 સુધી સુધરવાનો આશાવાદ ધરાવે છે. મંદીના કેસમાં નિફ્ટી 24000 સુધી ઘટવાની આશંકા પણ ખરી

મોર્ગન સ્ટેનલિઃ સેન્સેક્સ 107000 પોઇન્ટ થઇ શકે

સેન્સેક્સ ડિસેમ્બર 2026ના વર્ષાન્ત સુધીમાં 107000 પોઇન્ટની સપાટીએ આંબી શકે છે. જે 30 ડિસેમ્બર-25ના 84675.08 પોઇન્ટના બંધ લેવલથી 26 ટકાનો જંગી સુધારાનો આશાવાદ દર્શાવે છે. ધારોકે સેન્સેક્સ 12 ટકા વધે તો પણ સેન્સેક્સ 95000 પોઇન્ટની સપાટી ક્રોસ કરી શકે તેવો આશાવાદ છે. જોકે, તેના મંદી કેસમાં, 2026ના અંત સુધીમાં સેન્સેક્સ 10 ટકા ઘટીને 76,000 સુધી પણ પહોંચી શકે તેવી આશંકા વ્યક્ત કરાઇ છે.

નોમુરા:નિફ્ટી 29300 સુધી સુધરી શકે

2026 દરમિયાન ભારતીય શેરબજારો માટે સાવધાનીનું વલણ દર્શાવવા સાથે બ્રોકરેજ ફર્મે નિફ્ટી માટે હાલના લેવલથી 23 ટકા એટલે કે 29300 પોઇન્ટનો લક્ષ્યાંક દર્શાવ્યો છે. વૈશ્વિક બજારો સામે 14 મહિનાના નબળા પ્રદર્શન પછી ભારતનું મૂલ્યાંકન પ્રીમિયમ હવે સામાન્ય થઈ ગયું છે, જે લાંબા ગાળાના રોકાણકારો માટે વધુ વાજબી પ્રવેશ બિંદુ પ્રદાન કરે છે જ્યારે ઇક્વિટીમાં વ્યાપક પુનઃપ્રાપ્તિ માટે પાયો નાખે છે.

ગોલ્ડમેન સૅક્સ: નિફ્ટી 2026 અંત સુધીમાં 29000 સુધી સુધરવાનો આશાવાદ

૨૦૨૫માં ઉભરતા બજારોમાં પાછળ રહેલું ભારત હવે સૌથી સ્થિતિસ્થાપક વૃદ્ધિ વાર્તાઓમાંની એક તરીકે ફરી ઉભરી શકે છે, જેમાં 2026ના અંત સુધીમાં નિફ્ટી 12 ટકા વધીને 29000 સુધી પહોંચવાની ધારણા છે.

કોટક સિક્યોરિટીઝ: તેજીના કિસ્સામાં નિફ્ટી વર્તમાન સ્તરથી 23.5 ટકા વધીને આગામી વર્ષના અંત સુધીમાં 32000 સુધી પહોંચવાની અપેક્ષા રાખે છે. બેઝ કેસમાં, 2026માં નિફ્ટી 12 ટકાથી વધીને 29120 પોઇન્ટ સુધી સુધરી શકે છે. જોકે, તેના બેર કેસના ભાગ રૂપે, 1 ટકાથી વધુ ઘટીને 26208 પોઇન્ટ પર પહોંચે તેવું માને છે.

એક્સિસ સિક્યોરિટીઝ: ઉપરમાં 29500 અને નીચામાં 24000ની રેન્જ જોવા મળી શકે નિફ્ટીમાં

ડિસેમ્બર 2026 માં બેન્ચમાર્ક ઇન્ડેક્સ નિફ્ટી 8 ટકાથી વધુ વધીને 28,100 પર પહોંચવાની શક્યતા છે. નિફ્ટી માટે તેનો બુલ કેસ અંદાજ 29,500 (14 ટકા) છે, જ્યારે બેર કેસ અંદાજ 24,000 (7 ટકા) છે. “આગામી અઠવાડિયામાં, બજાર ટેરિફ, RBI નાણાકીય નીતિ, US ફેડ મીટિંગના પરિણામો અને અન્ય ઉચ્ચ-આવર્તન સૂચકાંકો પર ભારત-યુએસએ વાટાઘાટોમાં વિકાસ પર નજીકથી નજર રહેશે.

એમ્કે ગ્લોબલ: નિફ્ટી 29000 પોઇન્ટસ સુધી સુધરવાનો આશાવાદ

ડિસેમ્બર 2026 સુધીમાં નિફ્ટી 12 ટકા વધીને 29,000 સુધી પહોંચવાનો અંદાજ છે, જેમાં વિવેકાધીન વપરાશમાં સંભવિત વધારો, ભારતીય રિઝર્વ બેંક તરફથી લિક્વિડિટી સપોર્ટ અને ભારત-યુએસ વેપાર કરારની અપેક્ષાઓ છે. બ્રોકરેજ ફાઇનાન્શિયલ્સ, સ્ટેપલ્સ, IT અને ટેલિકોમ પર ઓછું વજન ધરાવે છે. PSU ધિરાણકર્તાઓ અને NBFCs તરફથી વધતી સ્પર્ધા વચ્ચે મોટી બેંકોને મૂલ્યાંકન દબાણનો સામનો કરવો પડી રહ્યો છે. IT ક્ષેત્ર, જ્યારે વધુ વાજબી મૂલ્યવાન છે, ત્યારે વૈશ્વિક ટેકનોલોજી ખર્ચ સ્થિર થતાં CY26 સુધીમાં જ સતત રિકવરી જોવાની અપેક્ષા છે.

HSBC: સેન્સેક્સ 11 ટકા વધી 94000 થવાનો આશાવાદ

HSBC એ 24 સપ્ટેમ્બરના રોજ ભારતીય ઇક્વિટીને “તટસ્થ” થી “ઓવરવેઇટ” માં અપગ્રેડ કરવા સાથે જણાવ્યું હતું કે, ભારતીય શેરબજારો આકર્ષક દેખાઈ રહ્યા છે. 2026ના અંત સુધીમાં સેન્સેક્સ લગભગ 11 ટકા વધીને 94,000 થવાની અપેક્ષા છે. જાન્યુઆરીમાં ભારતીય ઇક્વિટીને ડાઉનગ્રેડ કર્યાના આઠ મહિના પછી આ અપગ્રેડ કરવામાં આવ્યું હતું.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)