SKFએ ગ્લોબલ AI આધારિત બિઝનેસ ટ્રાન્સફોર્મેશન કોન્ટ્રાક્ટ TCSને આપ્યો

ગોથેનબર્ગ | મુંબઈ, 28 મે: ટાટા કન્સલ્ટન્સી સર્વિસીસે (TCS) (BSE: 532540, NSE: TCS) SKF સાથે તેની વૈશ્વિક કામગીરીમાં ઇન્ટેલિજન્ટ ટ્રાન્સફોર્મેશનને વધુ વેગ આપવા માટે વ્યૂહાત્મક ભાગીદારી કરી છે. આ સહયોગ દ્વારા TCS, SKFને ફ્યુચર-રેડી ડિજિટલ એન્ટરપ્રાઇઝ ઊભા કરવામાં મદદ કરશે અને આર્ટિફિશિયલ ઇન્ટેલિજન્સ (એઆઈ)નો ઉપયોગ કરીને ઔદ્યોગિક ઉત્પાદન વ્યવસાયને નવી દિશા આપશે.

આ કરારના ભાગરૂપે TCS વિશ્વભરમાં SKF માટે એપ્લિકેશન્સ, ઇન્ફ્રાસ્ટ્રક્ચર, ડેટા, એન્ડ-યૂઝર સર્વિસીસ, સિક્યોરિટી અને કનેક્ટિવિટી સહિતના ક્ષેત્રોમાં એન્ડ-ટુ-એન્ડ મેનેજ્ડ સર્વિસીસ પૂરી પાડશે. ઉત્પાદન ક્ષેત્ર અને આઈટીમાં પોતાની ગહન નિપુણતા સાથે એઆઈ આધારિત એજન્ટિક વર્કફ્લોઝને જોડીને TCS વૈશ્વિક ટેક્નોલોજી માળખાને આધુનિક અને સરળ બનાવશે. આ કાર્યક્રમ અંતર્ગત કામગીરીનું સ્ટાન્ડર્ડાઇઝેશન કરવામાં આવશે, ડોમેન આધારિત ટેક્નોલોજી આર્કિટેક્ચરને વધુ મજબૂત બનાવવામાં આવશે, મુખ્ય ઇન્ફ્રાસ્ટ્રક્ચરને આધુનિક બનાવાશે અને નેક્સ્ટ-જનરેશન એન્ટરપ્રાઇઝ રિસોર્સ પ્લાનિંગ (ઈઆરપી) પ્લેટફોર્મની ડિઝાઇન તથા અમલીકરણની પ્રક્રિયાને વધુ ઝડપી બનાવવામાં આવશે.

SKFના સીઈઓ રિકાર્ડ ગુસ્તાફસને જણાવ્યું હતું કે, TCS જેવા ભાગીદાર સાથે અમે માત્ર ટેક્નોલોજીનું આધુનિકીકરણ જ નથી કરી રહ્યા, પરંતુ કામગીરી અને એઆઈ માટે એવો મજબૂત પાયો પણ ઊભો કરી રહ્યા છીએ જે અમારા સમગ્ર ઉદ્યોગમાં ચોકસાઈ અને ગ્રાહક મૂલ્યના નવા ધોરણો સ્થાપિત કરશે.

ટાટા કન્સલ્ટન્સી સર્વિસીસના મેનેજિંગ ડિરેક્ટર અને સીઈઓ કે. કૃથિવાસને જણાવ્યું હતું કે, અમે મળીને ડેટા આધારિત ઇન્ટેલિજન્સ અને એઆઈનો ઉપયોગ કરીને એવી ચપળ સંસ્થા ઊભી કરી રહ્યા છીએ, જે ટેક્નોલોજી તથા બજારમાં થતા ફેરફારોને ઝડપથી સ્વીકારી શકે, તેમજ લાંબા ગાળાની ટકાઉ વૃદ્ધિ અને સ્પર્ધાત્મકતાને પણ સમર્થન આપી શકે.

SKF સાથેની આ નવી ભાગીદારી નોર્ડિક ક્ષેત્રમાં TCSની મજબૂત હાજરીને વધુ મજબૂત બનાવે છે, જ્યાં કંપની 1991થી કામગીરી કરી રહી છે. હાલમાં TCSના 20,000થી વધુ કર્મચારીઓ સ્વીડન, ફિનલેન્ડ, નોર્વે અને ડેનમાર્કની અગ્રણી સંસ્થાઓ માટે કામ કરી રહ્યા છે અને વિવિધ ક્ષેત્રોની અગ્રણી કંપનીઓમાં વૃદ્ધિ તથા પરિવર્તનને આગળ ધપાવે છે. TCS છેલ્લા ત્રણ દાયકાથી વધુ સમયથી સ્વીડનમાં સક્રિય છે અને સ્ટોકહોમ, ગોથેનબર્ગ તથા માલ્મોમાં તેની ઓફિસો આવેલી છે. સ્ટોકહોમ સ્થિત TCS Pace Studio™ તેના ગ્રાહકોને ગ્લોબલ ઇનોવેશન ઇકોસિસ્ટમ સુધી વિશિષ્ટ પહોંચ પ્રદાન કરે છે. સ્વતંત્ર ટોપ એમ્પ્લોયર્સ ઇન્સ્ટિટ્યૂટ દ્વારા TCSને સતત 14 વર્ષથી યુરોપમાં “ટોપ એમ્પ્લોયર” તરીકે માન્યતા આપવામાં આવી છે અને 2026માં તેને સ્વીડનમાં પ્રથમ ક્રમે સ્થાન મળ્યું હતું.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)