TTF અમદાવાદ-2026માં ટ્રેડ વિઝિટર્સમાં 10%ના વધારા સાથે ત્રણ દિવસમાં 16,500થી વધુ ટ્રાવેલ પ્રોફેશનલ્સએ મુલાકાત લીધી

ગાંધીનગર, 9 ઓગસ્ટ 2026: ગાંધીનગરના મહાત્મા મંદિર કન્વેન્શન એન્ડ એક્ઝિબિશન સેન્ટર ખાતે યોજાયેલ TTF અમદાવાદ-2026નું સફળતાપૂર્વક સમાપન થયું હતું. 6થી 8 ઓગસ્ટ દરમિયાન યોજાયેલા ત્રણ દિવસીય ટ્રાવેલ ટ્રેડ શોમાં અગાઉની આવૃત્તિની સરખામણીએ ટ્રેડ વિઝિટર્સની સંખ્યામાં 10%નો વધારો નોંધાયો હતો. આ વૃદ્ધિ આગામી તહેવારો અને શિયાળાની ટ્રાવેલ સિઝનને લઈને ટ્રાવેલ ઉદ્યોગમાં મજબૂત માંગ અને સકારાત્મક બિઝનેસ સેન્ટિમેન્ટના સંકેત આપી રહી છે.

TTF અમદાવાદ-2026માં 27 ભારતીય રાજ્યો અને કેન્દ્રશાસિત પ્રદેશો તથા 10 દેશોના 900થી વધુ એક્ઝિબિટર્સએ ભાગ લીધો હતો. ત્રણ દિવસ દરમિયાન 16,500થી વધુ મુલાકાતીઓએ મુલાકાત લીધી હતી. 

ફેરફેસ્ટ મીડિયા દ્વારા આયોજિત અને TTF શ્રેણીના સૌથી મોટા શો એવા TTF અમદાવાદ-2026માં દેશ-વિદેશના ટૂરિઝમ બોર્ડ, ટ્રાવેલ કંપનીઓ, હૉસ્પિટાલિટી બ્રાન્ડ્સ, એરલાઇન્સ, પ્રવાસન સ્થળો, DMCs અને ટ્રાવેલ ટેક્નોલોજી પ્રોવાઇડર્સ એક જ મંચ પર આવ્યા હતા.

TTF અમદાવાદ-2026નું ઉદ્ઘાટન મુખ્ય અતિથિ ગુજરાતના મુખ્યમંત્રી ભૂપેન્દ્રભાઈ પટેલના હસ્તે કરાયું હતું. આ પ્રસંગે ગુજરાતના નાયબ મુખ્યમંત્રી હર્ષ સંઘવી, ઉત્તરાખંડના પ્રવાસન, જાહેર બાંધકામ, સિંચાઈ, સંસ્કૃતિ, ગ્રામ્ય વિકાસ અને લઘુ સિંચાઈ મંત્રી સતપાલ મહારાજ, ગોવાના પ્રવાસન તથા ઇન્ફોર્મેશન ટેક્નોલોજી, ઇલેક્ટ્રોનિક્સ એન્ડ કમ્યુનિકેશન્સ, પ્રિન્ટિંગ એન્ડ સ્ટેશનરી મંત્રી રોહન એ. ખોન્ટે તથા ગુજરાત સરકારના પ્રવાસન વિભાગના સચિવ કુલદીપ આર્ય, IAS વિશિષ્ટ અતિથિ તરીકે ઉપસ્થિત રહ્યા હતા.

આ ફેરમાં ટ્રાવેલ એજન્ટ્સ, ટૂર ઑપરેટર્સ, બાયર્સ અને ટ્રાવેલ કંપનીઓ વચ્ચે સીધા બિઝનેસ કનેક્શન અને ચર્ચાઓ થઈ હતી. ટ્રેડ વિઝિટર્સમાં 10%નો વધારો એ વાતનો સંકેત છે કે બજારમાં માત્ર મુલાકાતીઓની સંખ્યા જ નહીં, પરંતુ આગામી ટ્રાવેલ સિઝન માટેની બાયિંગ ઇન્ટેન્ટ અને બિઝનેસ ડિમાન્ડ પણ મજબૂત છે.

ફેરફેસ્ટ મીડિયાના ચેરમેન અને CEO સંજીવ અગરવાલએ જણાવ્યું હતું કે, TTF અમદાવાદ-2026નું સમાપન એવોર્ડ્સ સેરેમની સાથે થયું હતું. વિવિધ કેટેગરીમાં શ્રેષ્ઠ પ્રેઝન્ટેશન, નવીનતા અને મુલાકાતીઓ સાથે અસરકારક સંવાદ માટે એક્ઝિબિટર્સ અને સહભાગીઓને સન્માનિત કરવામાં આવ્યા હતા.

TTF અમદાવાદ હવે TTF શ્રેણીનો સૌથી મોટો શો બની ગયો છે. અન્ય કોઈપણ TTF આવૃત્તિની સરખામણીએ અમદાવાદમાં બમણાથી વધુ એક્ઝિબિશન સ્પેસનો ઉપયોગ થાય છે અને સૌથી વધુ એક્ઝિબિટર્સ અહીં ભાગ લે છે. પશ્ચિમ ભારતની ટ્રાવેલ ટ્રેડ સુધી સૌથી કેન્દ્રિત અને અસરકારક પહોંચ પૂરી પાડતા TTF અમદાવાદે દેશ-વિદેશના ડેસ્ટિનેશન્સ, ટૂરિઝમ બોર્ડ્સ અને ટ્રાવેલ બ્રાન્ડ્સ માટે પીક ટ્રાવેલ સિઝન પહેલાં બિઝનેસ, નેટવર્કિંગ અને માર્કેટ એક્સપાન્શનનું મહત્વપૂર્ણ પ્લેટફોર્મ ઊભું કર્યું છે.

ઇઝરાયેલને ફીચર કન્ટ્રી તરીકે રજૂ કરવામાં આવ્યું હતું. આ ઉપરાંત વિયેતનામ, શ્રીલંકા, UAE, નેપાળ, અમેરિકા, ચીન, થાઇલેન્ડ અને ભૂટાન સહિતના આંતરરાષ્ટ્રીય ડેસ્ટિનેશન્સે પણ ભાગ લીધો હતો. વિદેશી ડેસ્ટિનેશન્સની આ ભાગીદારી પશ્ચિમ ભારતના વધતા આઉટબાઉન્ડ ટ્રાવેલ માર્કેટનું મહત્વ દર્શાવે છે. આ ફેરમાં Holiday Mechanic, The Travel Nexus, Travelplug, Evoke Experiences, Radisson Hotel Group, Sayaji Hotels, Sarovar Hotels, ZANA Luxury Escapes, Maitri Visa & Travel Services, Treat Hotels & Resorts, Booking Junction, Wyndham Hotels & Resorts અને Shankus Waterpark & Resort સહિતની અનેક ખાનગી કંપનીઓએ ભાગ લીધો હતો. આ ઉપરાંત OTOAI, TAAFI, ADTOI, ETAA, IATO, GTC, IATTE, ABTO, TOAI, TIA, NIMA, TAG, TOSG, SATA, GTAA, TAHAT, PTAHA, SGTCA, TAAS, ATAA, RAAG, VTAA, TAAPI, TOAK, TAAB, JTAA અને Jain Travel Agents Association સહિતના અગ્રણી ટ્રાવેલ અને ટૂરિઝમ એસોસિએશનોનો સહયોગ મળ્યો હતો.

TTF અમદાવાદ-2026માં ગુજરાત ટૂરિઝમ હોસ્ટ સ્ટેટ રહ્યું હતું. ગોવા, ઉત્તરાખંડ, ઓડિશા, રાજસ્થાન, કેરળ, જમ્મુ-કાશ્મીર, લદ્દાખ, પંજાબ, છત્તીસગઢ, મધ્યપ્રદેશ અને કર્ણાટક પાર્ટનર સ્ટેટ્સ તરીકે જોડાયા હતા, જ્યારે પશ્ચિમ બંગાળ, તેલંગાના, તમિલનાડુ, આસામ, દિલ્હી અને મેઘાલયે ફીચર સ્ટેટ્સ તરીકે પોતાની પ્રવાસન ક્ષમતાઓ રજૂ કરી હતી. આ રીતે ભારતના વિવિધ પ્રદેશોની પ્રવાસન વિવિધતા એક જ છત હેઠળ જોવા મળી હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)