જર્મન ગ્રીન સ્ટીલ અને પાવરે IPO માટે DRHP દાખલ કર્યુ

અમદાવાદ, 2 જુલાઇ: ગુજરાત સ્થિત જર્મન ગ્રીન સ્ટીલ અને પાવર લિમિટેડે પ્રારંભિક જાહેર ઓફર (IPO) દ્વારા ભંડોળ એકત્ર કરવા માટે SEBI સમક્ષ તેનું ડ્રાફ્ટ રેડ હેરિંગ પ્રોસ્પેક્ટસ (DRHP) દાખલ કર્યું છે. રૂ. 10/-ની મૂળ કિંમત ધરાવતો આ IPO રૂ. 450 કરોડ સુધીના નવા શેર અને ઇનામુલહક શમસુલહક ઇરાકી દ્વારા 10,00,000 ઇક્વિટી શેર અને અબ્દુલહક શમસુલહક ઇરાકી દ્વારા 10,00,000 ઇક્વિટી શેર ઓફર ફોર સેલનું મિશ્રણ છે.

ગુજરાતના કચ્છના સામખિયાળી ખાતે તેની ઉત્પાદન સુવિધાના વિસ્તરણ અને હાઇબ્રિડ પવન અને સૌર ઊર્જા પ્લાન્ટ (“પ્રોજેક્ટ”) માટે તેમ જ કંપનીની મૂડી ખર્ચ જરૂરિયાતોને ભંડોળ પૂરું પાડવા માટે તેના નવા ઇશ્યૂમાંથી રૂ. 325.21 કરોડની સુધીની રકમનો સમાવેશ થાય છે.  કંપની દ્વારા લેવામાં આવેલા ચોક્કસ બાકી ઉધારના સંપૂર્ણ અથવા આંશિક રીતે પૂર્વ ચુકવણી અથવા ચુકવણી માટે રૂ. 55.01 કરોડ અને સામાન્ય કોર્પોરેટ હેતુઓ પૂરા કરવા ઈશ્યૂથી મેળવેલી રકમનો ઉપયોગ કરાશે.

DRHP માં ઉલ્લેખિત CARE રિપોર્ટ અનુસાર, જર્મન ગ્રીન સ્ટીલ અને પાવર સંકલિત આયર્ન અને સ્ટીલ ઉત્પાદક છે જે મુખ્યત્વે ભારતના પશ્ચિમી ક્ષેત્રમાં કાર્યરત છે, ગુજરાતમાં હાજરી ધરાવે છે અને TMX બાર્સ પર મુખ્ય ધ્યાન કેન્દ્રિત કરે છે. તેના ઉત્પાદન પોર્ટફોલિયોમાં મુખ્યત્વે TMT બાર્સ, MS બિલેટ્સ અને સ્પોન્જ આયર્નનો સમાવેશ થાય છે. તેની TMT બાર ઉત્પાદન ક્ષમતા 8 mm થી 40 mm સુધીની છે. તે માને છે કે તેણે ગુજરાત રાજ્યમાં TMT બાર્સ માટે “જર્મન TMT” ને એક લોકપ્રિય બ્રાન્ડ તરીકે વિકસાવ્યું છે.

જર્મન ગ્રીન સ્ટીલ અને પાવરની કામગીરીમાંથી આવક નાણાકીય વર્ષ 2022 માં રૂ. 892.25 કરોડથી વધીને નાણાકીય વર્ષ 2024માં રૂ. 1,129.78 કરોડ થઈ છે. EBITDA નાણાકીય વર્ષ 2022 માં રૂ. 39.15 કરોડથી વધીને નાણાકીય વર્ષ 2024 માં રૂ. 80.11 કરોડ થઈ છે, જેમાં EBITDA માર્જિન નાણાકીય વર્ષ 2022 માં 4.39% થી વધીને નાણાકીય વર્ષ 2024 માં 7.09% થયું છે જે મજબૂત કાર્યકારી કામગીરી દર્શાવે છે. કર પછીનો નફો નાણાકીય વર્ષ 2022 માં રૂ. 34.16 કરોડથી વધીને નાણાકીય વર્ષ 2024 માં 10.43% ના CAGR પર વધીને રૂ. 41.67 કરોડ થયો. ૩૧ ડિસેમ્બર, ૨૦૨૪ ના રોજ પૂરા થયેલા નવ મહિનાના સમયગાળા માટે, કામગીરીમાંથી આવક, EBITDA અને કર પછીનો નફો અનુક્રમે ₹૯૭૯.૭૯ કરોડ, રૂ. ૬૮.૧૮ કરોડ અને ₹૩૨.૦૭ કરોડ રહ્યો.

સિસ્ટેમેટિક્સ કોર્પોરેટ સર્વિસીસ અને એમ્કે ગ્લોબલ ફાઇનાન્શિયલ સર્વિસીસ એકમાત્ર બુક-રનિંગ લીડ મેનેજર છે અને બિગશેર સર્વિસીસ પ્રાઇવેટ ઓફરના રજિસ્ટ્રાર છે. ઇક્વિટી શેર BSE અને NSE પર લિસ્ટેડ થવાનો પ્રસ્તાવ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)