ક્વેસ્ટ ગ્લોબલે ઓઈલ અને ગેસ એન્જિનિયરિંગ ક્ષેત્રને વધુ મજબૂત બનાવ્યું

અમદાવાદ, 22 એપ્રિલઃ  ક્વેસ્ટ ગ્લોબલે આજે જાહેરાત કરી છે કે ઓઈલ અને ગેસ ક્ષેત્રમાં ઈન્ટિગ્રેટેડ એસેટ પરફોર્મન્સ એન્જિનિયરિંગ માટે વડોદરામાં સ્થાપિત તેના સમર્પિત એન્જિનિયરિંગ સેન્ટરનો પ્રભાવ સતત વધી રહ્યો છે. આ વિકાસ ગુજરાતને વૈશ્વિક ઊર્જા એન્જિનિયરિંગ ટેલેન્ટ માટેના એક મહત્વપૂર્ણ કેન્દ્ર તરીકે વધુ મજબૂત બનાવે છે.

જાન્યુઆરી 2026થી કાર્યરત આ વડોદરા સેન્ટર વૈશ્વિક ઊર્જા ગ્રાહકો માટે અદ્યતન એન્જિનિયરિંગ ઉકેલો પ્રદાન કરે છે. આ ઉકેલો એસેટ ઇન્ટિગ્રિટી, વિશ્વસનીયતા અને વિશ્વભરના જટિલ એનર્જી ઇન્ફ્રાસ્ટ્રક્ચર પર પર્ફોર્મન્સ ઓપ્ટિમાઇઝેશન પર કેન્દ્રિત છે. આ સેન્ટર ગ્રાહકોને તેમની કામગીરી વધુ અસરકારક બનાવવા, એસેટ ઉપલબ્ધતા વધારવા અને સમગ્ર જીવનચક્ર દરમિયાનના મેઇન્ટેનન્સ ખર્ચ ઘટાડવામાં મહત્વપૂર્ણ ભૂમિકા ભજવે છે.

ભારતના અગત્યના રિફાઈનિંગ અને પેટ્રોકેમિકલ હબ પૈકીના એક એવા વડોદરામાં સ્થિત આ સેન્ટર ગુજરાતની મજબૂત ઔદ્યોગિક પરંપરા અને સશક્ત એન્જિનિયરિંગ ઇકોસિસ્ટમનો લાભ લે છે. ઓઈલ અને ગેસ, રિફાઈનિંગ અને પેટ્રોકેમિકલ ક્ષેત્ર સાથેના પ્રદેશના લાંબા સમયથી ચાલતા જોડાણને કારણે ક્વેસ્ટ ગ્લોબલ માટે વિશિષ્ટ જ્ઞાન ધરાવતી નિષ્ણાંત ટીમો ઊભી કરવી શક્ય બની છે. આ ટીમો ટેકનિકલી જટિલ, સુરક્ષા માટે અત્યંત મહત્વપૂર્ણ અને વૈશ્વિક સ્તરે વિતરિત ઊર્જા પ્રોજેક્ટ્સ પર કામ કરે છે.

વડોદરામાંથી, ક્વેસ્ટ ગ્લોબલની એન્જિનિયરિંગ ટીમો એનર્જી વેલ્યુ ચેઇનના અપસ્ટ્રીમ, મીડસ્ટ્રીમ અને ડાઉનસ્ટ્રીમ તમામ ક્ષેત્રોમાં નીચે મુજબના ઉકેલો પ્રદાન કરે છે:

• એસેટ ઇન્ટિગ્રિટી મેનેજમેન્ટ, જે ઓફશોર અને ઓનશોર એનર્જી ઇન્ફ્રાસ્ટ્રક્ચર માટે જરૂરી છે
• રિલાયેબિલિટી એન્જિનિયરિંગ અને પ્રીડિક્ટિવ મેઇન્ટેનન્સ પ્રોગ્રામ્સ
• રિફાઈનરી અને પેટ્રોકેમિકલ એસેટ્સનું લાઇફસાયકલ ઓપ્ટિમાઇઝેશન
• જટિલ ઔદ્યોગિક સિસ્ટમ્સ માટે કાર્યક્ષમતા સુધારણા ઉકેલો

આ તમામ ક્ષમતાઓ વૈશ્વિક ઊર્જા એસેટ્સને સપોર્ટ કરે છે, જેમાં ઓફશોર ઉત્પાદન, ઓનશોર કામગીરી અને રિફાઈનિંગ તથા પેટ્રોકેમિકલ સુવિધાઓનો સમાવેશ થાય છે.