RBIએ દેશભરની 150 NBFCના લાયસન્સ કેન્સલ કરી નાંખીને સપાટો બોલાવ્યો

અમદાવાદ, 18 મે : રિઝર્વ બેન્ક ઓફ ઇન્ડિયાએ દેશભરમાંથી એકી સાથે 150થી વધુ નોન બેન્કિંગ ફાઇનાન્સ કંપનીઓ (એનબીએફસી)ના લાયસન્સ રદ્ કરી દીધા છે. કેન્દ્રીય બેંક દ્વારા આ કડક કાર્યવાહી RBI અધિનિયમ, ૧૯૩૪ ની કલમ ૪૫-IA (૬) હેઠળ કરવામાં આવી છે.

લાયસન્સ રદ્દ કરાયેલી આ કંપનીઓ કોઈપણ નાણાકીય વ્યવસાય અથવા ધિરાણ વ્યવસાય કરી શકશે નહીં. વધુમાં, 7 અન્ય કંપનીઓએ સ્વેચ્છાએ તેમના લાઇસન્સ પરત કર્યા છે. રિઝર્વ બેંકની આ કાર્યવાહીથી પ્રભાવિત મોટાભાગની કંપનીઓ પશ્ચિમ બંગાળ અને દિલ્હી સ્થિત છે. તેલંગાણા, કર્ણાટક, તમિલનાડુ, બિહાર, હરિયાણા, મધ્યપ્રદેશ અને રાજસ્થાન જેવા રાજ્યોની કંપનીઓનો પણ સમાવેશ થાય છે. કોલકાતાની અકિન વિનકોમ, એડમાયર એક્સચેન્જ અને દિલ્હીની ગોલ સિક્યોરિટીઝ જેવી ઘણી જાણીતી કંપનીઓને પણ બ્લેકલિસ્ટ કરવામાં આવી છે.

રિઝર્વ બેંકના જણાવ્યા અનુસાર, અશોક વિનિયોગ અને ગુરુ કૃપા ફિનવેસ્ટ સહિત ચાર કંપનીઓએ સ્વેચ્છાએ તેમના લાઇસન્સ પરત કરી દીધા છે, જેનાથી તેમના વ્યવસાયો બંધ થઈ ગયા છે. દરમિયાન, આરઆર  હોલ્ડિંગ્સ અને અંજલિ કેપફિન જેવી કંપનીઓને હવે રિઝર્વ બેંકની નોંધણીની જરૂર નથી કારણ કે તેઓ અનરજિસ્ટર્ડ કોર ઇન્વેસ્ટમેન્ટ કંપનીઓ (CIC) ની શ્રેણીમાં આવે છે. વધુમાં, એચડીએફસી હોલ્ડિંગ્સ લિમિટેડનું લાઇસન્સ પણ રદ કરવામાં આવ્યું છે કારણ કે મર્જર પછી તેનું સ્વતંત્ર કાનૂની અસ્તિત્વ નથી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)