અદાણી પાવર: કર પછીનો નફો ૬૪%ની મજબૂતાઇથી વધીને રુ.૪,૨૭૧ કરોડ થયો
અમદાવાદ, 30 એપ્રિલ: થર્મલ પાવર જનરેટર અને અદાણી પોર્ટફોલિયો કંપનીઓનો એક ભાગ અદાણી પાવર લિ. (APL) એ ૩૧ માર્ચ ૨૦૨૬ ના રોજ પૂરા થયેલા નાણાકીય વર્ષના છેલ્લા ત્રીમાસી અને સમગ્ર વર્ષના નાણાકીય પરિણામો જાહેર કર્યા છે. વીજ ખરીદી કરાર હેઠળ હવે ૯૫% ઓપરેટિંગ ક્ષમતા આવરી લેવામાં આવી છે. નાણા વર્ષના આખરી ત્રિમાસીમાં વાર્ષિક ધોરણે કર પછીનો નફો ૬૪%ની મજબૂતાઇથી વધીને રુ.૪,૨૭૧ કરોડ થયો છે. સમાન ગાળામાં એબિડટા વાર્ષિક ધોરણે ૨૭%ની સંગીન વૃધ્ધિ સાથે રુ. 6,498 કરોડ નોંધાયો છે. આ ગાળામાં વાર્ષિક ધોરણે ૧૦%ની મજબૂત વૃદ્ધિ સાથે આવક રૂ. ૧૫,૯૮૯ કરોડ થઇ છે.
અદાણી પાવર લિ.ના સીઈઓ એસ બી ખયાલિયાએ પરિણામો વિષે જણાવ્યું હતું કે વિશ્વ ઊર્જાના ભાવમાં બીજા આંચકામાંથી જેમ જેમ પસાર થઈ રહ્યું છે, તે સ્થિતિમાં ભારતના ઊર્જા પુરવઠાની સુરક્ષા અને સાર્વભૌમત્વ ખૂબ જ મહત્વનું બની જાય છે. અદાણી પાવર તેના ચાલુ ૨૩.૭ ગીગાવોટ ક્ષમતા વિસ્તરણમાં સતત નોંધપાત્ર સીમાચિહ્નો પાર કરી રહ્યું છે તે સાથે વધતી માંગના વાતાવરણમાં મજબૂત નફાકારકતા અને સ્વસ્થ રોકડ પ્રવાહ પેદા કરીને લાંબા ગાળાના વીજ ખરીદી કરારો કરી રહ્યું છે.
નાણા વર્ષ-૨૬ ના આખરી ત્રિમાસીમાં ભારતભરમાં વીજળીની માંગમાં સુધારાની શરૂઆત થઇ છે જેમાં ઉનાળાના આગમન સાથે ગત વર્ષના સરખા ગાળાના ૪૧૫ અબજ યુનિટની તુલનામાં નાણા વર્ષ-૨૬ના આ ગાળામાં માંગ ૧.૬% વધીને ૪૨૨ અબજ યુનિટે પહોંચી હતી. પૂરા વર્ષમાં માંગમાં ૦.૮% નો વધારો થયો, જે ગત વર્ષમાં ૧,૬૯૫ અબજ યુનિટ હતો. હવામાન-પ્રેરિત માંગમાં ફેરફારને કારણે IEX ડે અહેડ માર્કેટમાં સરેરાશ માર્કેટ ક્લિયરિંગ ભાવ નાણાકીય વર્ષ ૨૬ના અંતિમ ત્રિમાસીમાં ૧૨.૪% ઘટીને પ્રતિ kWh રૂ. ૩.૮૮ અને સમગ્ર વર્ષ દરમિયાન ૧૩.૭% ઘટીને પ્રતિ kWh રૂ. ૩.૮૫ થયો હતો.
આખરી ત્રિમાસીના ગાળામાં મહારાષ્ટ્ર ડિસ્કોમ દ્વારા ડિઝાઇન, બિલ્ડ, ફાઇનાન્સ, માલિકી અને સંચાલન [“DBFOO”] મોડ હેઠળ ૧,૬00 મેગાવોટનો લાંબા ગાળાનો નવો વીજ ખરીદી કરાર કરવામાં આવ્યો છે. નબળી વેપારી માંગ વચ્ચે પણ આ ગાળામાં ૨૭.૨ અબજ યુનિટનું એકીકૃત પાવર વેચાણ વોલ્યુમ નોંધાયું છે. જે ગત વર્ષના સમાન ગાળામાં ૨૬.૪ અબજ યુનિટ હતું
નાણા વર્ષ-૨૬ના છેલ્લા ત્રિમાસીમાં એકીકૃત સતત કુલ આવક રૂ. ૧૫,૦૫૯ કરોડ થઇ હતી. ગત વર્ષના સરખા ગાળામાં તે રૂ. ૧૪,૫૨૨ કરોડ હતી. નાણા વર્ષ-૨૬ના છેલ્લા ત્રિમાસીમાં એકીકૃત મજબૂત સતત એબિડટા રૂ. ૫,૫૭૩ કરોડ નોંધાયો હતો., જે ગત વર્ષના સમાન ગાળામાં રૂ. ૫,૦૯૮ કરોડની તુલનાએ ૯% વધુ છે.
ઓછા કર ખર્ચની જોગવાઈને પગલે સમાન ગાળામાં કર બાદના એકીકૃત નફામાં ૬૪%નો આકર્ષક વધારો થતાં રુ. ૪,૨૭૧ કરોડ થયો છે.જે ગત નાણા વર્ષના સમાન સમયમાં રૂ. ૨,૫૯૯ કરોડ હતો.
સમગ્ર નાણાકીય વર્ષ ૨૬માં વાર્ષિક વીજ ઉત્પાદન ૧૦૫ અબજ યુનિટ સુધી પહોંચ્યું છે. આ સાથે માંગમાં સુધારો થતાં અને ઉચ્ચ અસરકારક સંચાલન ક્ષમતાને કારણે વર્ષ દરમિયાન એકીકૃત વીજ વેચાણનું વોલ્યુમ ૩.૪% વધીને ૯૯.૧૫ અબજ યુનિટ થયું છે. જે ગત નાણાકીય વર્ષમાં ૯૫.૮૮ અબજ યુનિટ હતું.
પૂરા નાણાકીય વર્ષમાં નીચા વેપારી દરોને કારણે એકીકૃત સતત કુલ આવક રૂ. ૫૫,૫૮૩ કરોડ થઈ હતી. જે ગત નાણાકીય વર્ષમાં રૂ. ૫૬,૪૭૩ કરોડ હતી. વર્ષાંતે મજબૂત એકીકૃત સતત એબિડટા રૂ. ૨૧,૨૮૫ કરોડ નોંધાયો હતો. જે ગત નાણાકીય વર્ષ-૨૫માં રૂ. ૨૧,૫૭૫ કરોડ હતો. આ તફાવત કાર્યક્ષમ સંચાલન અને સુધારેલા ટેરિફ મિશ્રણને કારણે ઓછી વેપારી પ્રાપ્તિને સરભર કરે છે.
નાણાકીય વર્ષ-૨૫માં કર બાદના રૂ.૧૨,૭૫૦ કરોડ નફાની તુલનામાં નાણા વર્ષ-૨૬માં કર બાદનો સંગીન એકીકૃત નફો રૂ. ૧૨,૯૭૧ કરોડથી વધુ નોંધાયો છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)
