પદમજી પેપરે વર્ષ 2025-26 માટે 18% EBITDA નોંધાવ્યો; રૂ. 110 કરોડનો મૂડી ખર્ચ અને ગ્રીન પહેલ પૂર્ણ કરી

પુણે, 25 મે 2026: પદમજી પેપર પ્રોડક્ટ્સ લિમિટેડે ગયા વર્ષના રૂ. 809.08 કરોડની સરખામણીએ રૂ. 807.88 કરોડ પર સ્થિર આવક જાળવી રાખી છે. કાગળના વેચાણમાં 1,675 મેટ્રિક ટન (MT)ના વધેલા જથ્થાને કારણે આ સ્થિર પ્રદર્શન જળવાયું હતું. મેન્યુફેક્ચરિંગ ખર્ચની બચતનો લાભ સીધો ગ્રાહકો સુધી પહોંચાડવા અને બજારનું મૂલ્ય જાળવી રાખવા માટે, કંપનીએ પ્રતિ મેટ્રિક ટન તેની સરેરાશ વેચાણ કિંમત ઘટાડી છે. મજબૂત ઓપરેશનલ કાર્યક્ષમતાના પીઠબળ સાથે, કંપનીએ બંને નાણાકીય સમયગાળા માટે 18% નો સુસંગત EBITDA માર્જિન જાળવી રાખ્યો છે.

કંપનીએ તેનો રૂ. 110 કરોડનો મૂડી ખર્ચ કાર્યક્રમ સફળતાપૂર્વક પૂર્ણ કર્યો છે. આ રોકાણ સોલાર પાવર પ્લાન્ટ સ્થાપવા, અદ્યતન એએફબીસી બોઈલર ઇન્સ્ટોલ કરવા અને કાર્યક્ષમતા સુધારવા માટે ત્રણ પેપર બનાવવાની મશીનોના મહત્વના ભાગોના આધુનિકીકરણમાં કરવામાં આવ્યું હતું.

સોલાપુર નજીક ભલવાણી ખાતે નવો 15.4 મેગાવોટનો સોલાર પાવર પ્લાન્ટ ડિસેમ્બર 2025માં કાર્યરત કરવામાં આવ્યો હતો. તે કંપનીની વાર્ષિક વીજળીની જરૂરિયાતોના લગભગ 35% પૂરી કરશે, જેનાથી ઉત્પાદન ઉર્જા ખર્ચમાં ઘટાડો થશે અને તેના કાર્બન ફૂટપ્રિન્ટમાં વાર્ષિક અંદાજે 27,000 મેટ્રિક ટનનો ઘટાડો થશે.

અદ્યતન નિયમનકારી આવશ્યકતાઓને લીધે, કંપની હાલમાં મહાડ ખાતે તેના આગામી પ્રોજેક્ટના નિર્માણ માટે નવી પર્યાવરણીય મંજૂરી એન્વાયરમેન્ટલ ક્લિયરન્સ માટે અરજી કરી રહી છે.

કંપની અવરોધ ગુણધર્મો ધરાવતા વિવિધ બાયોડિગ્રેડેબલ અને કમ્પોસ્ટેબલ સ્પેશિયાલિટી પેપર્સના ઉત્પાદન પર ધ્યાન કેન્દ્રિત કરવાનું ચાલુ રાખે છે જેનો ઉપયોગ વિવિધ ખાદ્ય ઉત્પાદનો, ફાર્માસ્યુટિકલ અને અન્ય ઉત્પાદનો, હોસ્પિટલ સપ્લાય, સ્વચ્છતા ક્ષેત્રો, કન્ફેક્શનરી વગેરે માટે ટકાઉ પેકેજિંગ સોલ્યુશન માટે ઇનપુટ તરીકે થાય છે, જેની માગ વૃદ્ધિ ઊંચી છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)