TCS Q2 પરિણામો: ચોખ્ખો નફો 4% વધી ₹13884 કરોડ

AI આવક $3 બિલિયનને વટાવી ગઈ; $9.6 બિલિયનના નવા ડીલ્સ મળ્યા

અમદાવાદ, 8 ઓક્ટોબરઃ ટાટા કન્સલટન્સી સર્વિસિસે (TCS) જુલાઈ-સપ્ટેમ્બર ક્વાર્ટર દરમિયાન $3.1 બિલિયનની વાર્ષિક AI આવક નોંધાવી હતી, જે તેની કુલ આવકના 10 ટકાથી વધુ છે; AI-આધારિત ટ્રાન્સફોર્મેશન સેવાઓની માંગમાં સતત વધારો જોવા મળ્યો છે. આ ક્વાર્ટર દરમિયાન કંપનીનું કુલ કોન્ટ્રાક્ટ મૂલ્ય (TCV) $9.6 બિલિયન રહ્યું હતું.

ભારતની સૌથી મોટી IT સેવા કંપની, ટાટા કન્સલ્ટન્સી સર્વિસીસ (TCS) એ ગુરુવારે નાણાકીય વર્ષ 2027 (FY27) ના બીજા ક્વાર્ટર માટે તેના કોન્સોલિડેટ ચોખ્ખા નફામાં 4 ટકાનો ક્રમિક વધારો નોંધાવ્યો હતો. નફો અગાઉના ક્વાર્ટરના ₹13,349 કરોડથી વધીને ₹13,884 કરોડ થયો છે. પ્રથમ ક્વાર્ટરમાં ચોખ્ખો નફો ₹13,849 કરોડથી નજીવો વધ્યો હતો.

કંપનીની કામગીરીમાંથી થતી કોન્સોલિડેટ આવક ક્વાર્ટર-દર-ક્વાર્ટર ધોરણે 1.3 ટકા વધીને ₹73,188 કરોડ થઈ છે (અગાઉ ₹72,275 કરોડ હતી), વાર્ષિક ધોરણે આવકમાં 11.2 ટકાનો વધારો થયો છે.

TCSએ ₹17,553 કરોડનો ઓપરેટિંગ નફો નોંધાવ્યો, જે અગાઉના ક્વાર્ટરના ₹17,317 કરોડની સરખામણીમાં 1.4 ટકા વધુ છે. તેનો ઓપરેટિંગ માર્જિન 24 ટકા રહ્યો હતો, જે અગાઉના ક્વાર્ટરની સરખામણીમાં લગભગ યથાવત છે, જ્યારે ચોખ્ખો નફાનો માર્જિન 19 ટકા રહ્યો હતો.

TCSએ પ્રતિ શેર ₹12ના ડિવિડન્ડની જાહેરાત કરી છે અને 14 ઓક્ટોબર, 2026ને રેકોર્ડ તારીખ તરીકે નક્કી કરી છે. ડિવિડન્ડની ચુકવણી 30 ઓક્ટોબર, 2026ના રોજ કરવામાં આવશે.

ચાલુ કેલેન્ડર વર્ષમાં શેર 36 ટકા તૂટ્યો

કમાણી (earnings) અંગેની જાહેરાત પહેલાં, ગુરુવારે TCSના શેર 0.21 ટકા ઘટીને રૂ. 2,076 પર બંધ થયા હતા. નિફ્ટી 50માં આવેલા 15 ટકાના ઘટાડાની સરખામણીએ, આ વર્ષે અત્યાર સુધીમાં આ શેરમાં 35.7 ટકાનો ઘટાડો નોંધાયો છે. કંપનીનું માર્કેટ કેપિટલાઇઝેશન આશરે રૂ. 7.51 લાખ કરોડ હતું.

(Disclaimer: The information provided here is investment advice only. Investing in the markets is subject to risks and please consult your advisor before investing)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)