એમ્બેસી REITએ REIT ટ્રસ્ટ લેવલ પર ₹1,000 કરોડનું બેંક ફાઇનાન્સ મેળવ્યું
બેંગાલુરુ, ભારત, 25 સપ્ટેમ્બર, 2026: ભારતની પ્રથમ લિસ્ટેડ REIT અને એરિયાની દ્રષ્ટિએ એશિયામાં સૌથી મોટી ઓફિસ REIT એમ્બેસી ઑફિસ પાર્ક્સ REIT (NSE: EMBASSY / BSE: 542602) (‘એમ્બેસી REIT’)એ આજે જાહેરાત કરી હતી કે, કંપનીએ ત્રણ વર્ષના ફ્લોટિંગ-રેટ નૉન-કન્વર્ટિબ્લ ડિબેન્ચર્સ (“NCDs”) ઇશ્યૂ કરીને ₹1,000 કરોડનું ફંડ એકત્ર કર્યું છે. આ NCDsને એક અગ્રણી યુરોપિયન બહુરાષ્ટ્રીય બેંકે સંપૂર્ણપણે સબસ્ક્રાઇબ કર્યો છે.
આ નાણાકીય વ્યવહાર કોઈ પણ શીડ્યુલ્ડ કમર્શિયલ બેંક દ્વારા ભારતીય REITને ટ્રસ્ટ લેવલ પર આપેલું પ્રથમ ધિરાણ છે. આ વ્યવહાર જૂન, 2026માં રિઝર્વ બેંક ઓફ ઇન્ડિયા દ્વારા જાહેર એ માળખા પછી થયો છે, જેમાં કમર્શિયલ બેંકોને REITsને ધિરાણ કરવાની સંમતિ આપવામાં આવલી હતી. NCDsની કિંમત સંમત થયેલા ત્રણ મહિનાના MIBOR OIS બેન્ચમાર્ક પર 150 બેસિસ પોઇન્ટના સ્પ્રેડ પર નક્કી થઈ છે, જેથી પ્રારંભિક કૂપન રેટ 6.97 ટકા થાય છે.
એમ્બેસી REITના ચીફ એક્ઝિક્યુટિવ ઓફિસર અમિત શેટ્ટીએ કહ્યું હતું, “આ ₹1,000 કરોડનું ફંડ મેળવવું એમ્બેસી REIT અને ભારતના REIT બજારના વિકાસ માટે એક મહત્વપૂર્ણ સીમાચિહ્ન છે. SEBI અને RBI પાસેથી સતત મળતા નિયનકારક ટેકાએ REITs માટે લાંબા ગાળાનું ફંડ મેળવવાની પ્રક્રિયા મજબૂત કરી છે.
નાણાકીય વ્યવહારની મુખ્ય બાબતો
| એમ્બેસી REIT સીરિઝ XVIII NCDs મારફતે ₹1,000 કરોડનું ફંડ ઊભું કર્યું | પ્રાથમિક કૂપન રેટ 6.97 ટકા સાથે ત્રણ વર્ષની મુદ્દત |
| ત્રણ મહિનાના MIBOR OIS બેન્ચમાર્ક પર 150 બેસિસ પોઇન્ટ પર કિંમત | બેન્ચમાર્કમાં ફેરફાર મુજબ દર ત્રણ મહિને કૂપન રેટનું રિસેટિંગ |
| અગ્રણી યુરોપિયન બહુરાષ્ટ્રીય બેંક દ્વારા સંપૂર્ણ સબસ્ક્રાઇબ | RBIના નવા REIT ધિરાણ માળખા અંતર્ગત કોઈ પણ શીડ્યુલ્ડ કમર્શિયસલ બેંક દ્વારા ભારતીય REIને ટ્રસ્ટ લેવલે આપેલું પ્રથમ ધિરાણ |
(Disclaimer: The information provided here is investment advice only. Investing in the markets is subject to risks and please consult your advisor before investing)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો. વધુમાં અત્રે પ્રગટ થયેલા કોઇપણ સમાચાર કે વિગતો સાથે businessgujarat.in અંશતઃ કે સંપુર્સણપણે સહમત નથી.)
