લોઢા ફિલાન્થ્રોપી ફાઉન્ડેશન હવે મેક્રોટેક ડેવલપર્સના નોંધપાત્ર શેરહોલ્ડર બનશે

અમદાવાદ, 30 ઓક્ટોબર: ભારતની સૌથી મોટી રિયલ એસ્ટેટ કંપનીઓમાંની એક – લોઢા ગ્રુપના માલિકો / પ્રમોટરો, અભિષેક લોઢા અને પરિવારે જાહેરાત કરી છે કે દિવાળીના શુભ અવસર પર તેઓ લિસ્ટેડ કંપની મેક્રોટેક ડેવલપર્સ લિમિટેડ (લોઢા / MDL)માં તેમના શેરહોલ્ડિંગનો નોંધપાત્ર હિસ્સો લોઢા ફિલાન્થ્રોપી ફાઉન્ડેશન (LPF) માં ટ્રાન્સફર થશે. LPF એક બિન-લાભકારી સંસ્થા છે જે તેની તમામ આવક અને સંપત્તિનો ઉપયોગ ફક્ત રાષ્ટ્રીય અને સામાજિક ઉત્થાન માટે કરે છે. LPF પાસે ~રૂ. 20,000 કરોડ (US$2.5 બિલિયન) નું પ્રારંભિક ભંડોળ હશે. LPF ની વર્તમાન પહેલોમાં નીચેનાનો સમાવેશ થાય છે:

લોઢા ઉન્નતિ – મહિલાઓનું આર્થિક સશક્તિકરણ આર્થિક અને સામાજિક બંને રીતે મહત્વપૂર્ણ છે એવી વિચારધારા દ્વારા પ્રેરિત ભારતના કાર્યદળમાં મહિલાઓની સહભાગિતા વધારવા પર ધ્યાન કેન્દ્રિત કરે છે. આ કાર્યક્રમ મહિલા કર્મચારીઓ માટે અનુકૂળ પરિસ્થિતિઓ બનાવવા માટે મોટી સંખ્યામાં કોર્પોરેટ સાથે કામ કરે છે.
ઇન્સ્ટિટ્યૂટ ઑફ એપ્લાઇડ મેથેમેટિક્સ (IAM) – ટોરોન્ટો (કેનેડા) ના ફિલ્ડ્સ ઇન્સ્ટિટ્યૂટના પગલે વિકસિત થયેલ, IAM ઉચ્ચ ગુણવત્તાયુક્ત સંશોધન કરવા અને ભારતને ગાણિતિક સંશોધનમાં અગ્રણી શક્તિ બનવા સક્ષમ બનાવવા માટે ભારતીય તેમજ બિન-ભારતીય મૂળના ટોચના ગાણિતિક બૌદ્ધિકોને પ્રોત્સાહિત કરવા પર કેન્દ્રિત છે.
લોઢા જીનિયસ પ્રોગ્રામ – જીનિયસ પ્રોગ્રામ સમગ્ર ભારતમાંથી તેજસ્વી બાળકોને, તેમની આવકની પૃષ્ઠભૂમિને ધ્યાનમાં લીધા વિના મદદ કરવા પર ધ્યાન કેન્દ્રિત કરે છે, જે નાણાકીય, માર્ગદર્શન, માળખાકીય સંરચના, તેમજ અદ્યતન શિક્ષણ સહિતની તેમની મુખ્ય આવશ્યકતાઓને પૂર્ણ કરીને તેમની સંપૂર્ણ ક્ષમતા પ્રાપ્ત કરવા પર ધ્યાન કેન્દ્રિત કરે છે.
ન્યાયમૂર્તિ ગુમાનમલ લોઢા સ્કોલર્સ પ્રોગ્રામ – સ્વર્ગસ્થ મુખ્ય ન્યાયાધીશ ગુમાન મલ લોઢાના વારસાથી પ્રેરિત થઈને, અમારો સ્કોલર્સ પ્રોગ્રામ પ્રતિભાશાળી ભારતીય વિદ્યાર્થીઓને તેમના અંડરગ્રેજ્યુએટ અને પોસ્ટ-ગ્રેજ્યુએટ પ્રોગ્રામ્સ માટે ટોચની વૈશ્વિક સંસ્થાઓમાં અભ્યાસને સમર્થન આપે છે. આ પ્રોગ્રામ ટ્યુશન તેમજ આકસ્મિક ખર્ચને આવરી લેતા લાયકાત ધરાવતા સ્કૉલરને દર વર્ષે 100,000 US ડોલર સુધીની શિષ્યવૃત્તિ આપે છે. આ કાર્યક્રમ હાર્વર્ડ યુનિવર્સિટીમાં શરૂ કરવામાં આવ્યો છે, અને આગામી થોડા વર્ષોમાં 10 ટોચની વૈશ્વિક સંસ્થાઓ સાથે ભાગીદારી કરવાની વધુ યોજના ધરાવે છે.
લોઢા-RMI નેટ ઝીરો એક્સિલેરેટર –લોઢાએ રોકી માઉન્ટેન ઇન્સ્ટિટ્યૂટ, યુએસએ (RMI) સાથે ભાગીદારી કરી છે. આ ભાગીદારીના પરિણામે, લોઢાએ સ્કોપ 1 અને સ્કોપ 2 ઉત્સર્જન પર નેટ ઝીરો ઉત્સર્જન હાંસલ કર્યું છે અને સ્કોપ 3 ઉત્સર્જનમાં નોંધપાત્ર ઘટાડા પર સક્રિયપણે કામ કરી રહ્યું છે.
ચંદ્રેશ લોઢા મેમોરિયલ સ્કૂલ્સ – ફાઉન્ડેશન લગભગ 10,000 વિદ્યાર્થીઓને ચારિત્ર્ય વિકાસ પર વિશેષ ધ્યાન કેન્દ્રિત કરીને ઉચ્ચ ગુણવત્તાયુક્ત શિક્ષણ પ્રદાન કરે છે. લગભગ 50% વિદ્યાર્થીઓને શિષ્યવૃત્તિ આપવામાં આવે છે અથવા સાવ નજીવી ફી લેવામાં આવે છે.
સીતાબેન શાહ મંદિરો –ફાઉન્ડેશને ઘણા મંદિરો ખોલ્યા છે અને યુવા પેઢીમાં આપણા વારસાના જ્ઞાનને સુધારવાની પહેલને સમર્થન આપે છે.

લોઢા ગ્રૂપના MD અને CEO અભિષેક લોઢાએ જણાવ્યું હતું કે “લગભગ 100 વર્ષ પહેલાં, ટાટા પરિવારે તેમના એન્ટરપ્રાઇઝમાં તેમના શેરહોલ્ડિંગનો મોટો હિસ્સો ટાટા ટ્રસ્ટ્સને આપ્યો હતો. લોઢા ફિલાન્થ્રોપી ફાઉન્ડેશન (LPF), હવે ભારતની સૌથી મોટી રિયલ એસ્ટેટ કંપનીઓમાંની એક, મેક્રોટેક ડેવલપર્સ લિમિટેડ (લોઢા / MDL)ની ~1/5મી માલિકી ધરાવશે. લોઢા ફિલાન્થ્રોપિક ફાઉન્ડેશન તમામ 1.5 અબજ ભારતીયોના સપનાનું પ્રતિનિધિત્વ કરે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)