મસાલાની માગ આગામી દાયકામાં વાર્ષિક 6.5 ટકાના દરે વધશે, ભારત માટે વિશાળ તકોઃ WSO
- 4 અબજ ડોલરના મસાલા નિકાસ થયા છેલ્લા બે વર્ષમાં
- 15 ટકા હિસ્સો નિકાસ થાય છે મસાલાના કુલ ઉત્પાદનના
- 10-15 ટકાના દરે વધી રહ્યું છે બ્રાન્ડેડ મસાલા બજાર
મુંબઈ: ભારતીય મસાલાની નિકાસ છેલ્લા 2 વર્ષમાં 4 બિલિયન યુએસ ડૉલરને વટાવી ગઈ છે, જેમાં 180થી વધુ દેશોને આવરી લેવામાં આવ્યા છે. મસાલાની નિકાસમાં લગભગ 10% ફાળો છે. કૃષિ નિકાસ અને બાગાયત ક્ષેત્રની લગભગ 40% નિકાસ થાય છે. ભારતમાંથી કુલ મસાલા ઉત્પાદનના માત્ર 15% જ નિકાસ થાય છે. “આંતરરાષ્ટ્રીય વ્યાપાર અનુમાન મુજબ, મસાલાની માંગ આગામી દાયકામાં 6.5% ના CAGR પર વધવાની તૈયારીમાં છે, જે નિકાસ માટેની વિશાળ તકો મળવાનો આશાવાદ મસાલા બોર્ડના સચિવ ડી સાથિયાને વ્યક્ત કર્યો છે.
ડી સાથિયાને વર્લ્ડ સ્પાઈસ ઓર્ગેનાઈઝેશન (WSO), ઓલ ઈન્ડિયા સ્પાઈસ એક્સપોર્ટર્સ ફોરમ (AISEF) માટે મુંબઈમાં યોજાયેલી 2-દિવસીય રાષ્ટ્રીય મસાલા પરિષદ 2022માં આ અંગે જણાવ્યું હતું. કોન્ફરન્સમાં 100 ખેડૂતો સહિત 300 થી વધુ પ્રતિનિધિઓની હાજરી જોવા મળી હતી, જેમાં અન્ય મુખ્ય સરકારી અને ઉદ્યોગના હિસ્સેદારો પણ સામેલ હતા. વર્લ્ડ સ્પાઈસ ઓર્ગેનાઈઝેશન દ્વારા GIZ અને IDH-ધ સસ્ટેનેબલ ટ્રેડ ઈનિશિએટીવના સહયોગથી આયોજિત આ એક-પ્રથમ પ્રકારની કોન્ફરન્સ હતી.
મસાલા અને રસોઈની હર્બ્સ પર કોડેક્સ કમિટી (CCSCH) દ્વારા મસાલા માટે સુમેળભર્યા વૈશ્વિક ધોરણો વિકસાવવાથી વિશ્વભરમાં મસાલાનો વેપાર કરવો સરળ બનશે. મસાલા ઉદ્યોગને આંતરરાષ્ટ્રીય બજાર પ્રથાઓ અને પસંદગીઓ સાથે સુસંગત રહેવા માટે વિકસિત થવાની જરૂર છે.
ખેડૂતોએ સપ્લાય ચેઈન મજબૂત બનાવવાની જરૂર
કોન્ફરન્સ દરમિયાન કેટલાક નિષ્ણાતોએ જણાવ્યું હતું કે ખેડૂત ઉત્પાદક સંસ્થાઓની ભાગીદારી દ્વારા સપ્લાય ચેઈનને મજબૂત બનાવવી જોઈએ અને જીઆઈ નોંધણી વધારવી જોઈએ (હાલમાં 26 જીઆઈ નોંધાયેલ છે અને મસાલા માટે નોંધાયેલા 26 જીઆઈ ઉપરાંત 18 જીઆઈ અરજીઓ દાખલ કરવામાં આવી છે.
વર્લ્ડ સ્પાઈસ ઓર્ગેનાઈઝેશનના ચેરમેન રામકુમાર મેનને જણાવ્યું હતું કે, હાલમાં, બ્રાન્ડેડ મસાલા બજાર 10-15%ના દરે વૃદ્ધિ કરી રહ્યું છે, જે અસંગઠિત સેગમેન્ટના કિસ્સામાં 7-10% છે. આ કોન્ફરન્સ દ્વારા , અમે ખેડૂતોને ખાદ્ય સુરક્ષા અને ગુણવત્તાના ધોરણોનો સંદેશો પહોંચાડવા માગીએ છીએ અને તેમને ખેડૂત ઉત્પાદક સંગઠનોની મદદથી બજારના બહેતર જોડાણો સ્થાપિત કરવામાં મદદ કરવી છે.
ખેડૂતો પ્રત્યે ઉદ્યોગની ભૂમિકા પર ટિપ્પણી કરતાં, વધુમાં ઉમેર્યું હતુ કે, “ઉદ્યોગના તમામ હિતધારકોએ ખેડૂતોને સ્વચ્છતા, ટકાઉ જંતુનાશક વપરાશના ધોરણો અને અન્ય ફાયદાકારક કૃષિ વ્યવહારો વિશે શિક્ષિત કરવા માટે એકસાથે આવવું જોઈએ. અસરકારક સંચારની સુવિધા માટે વિક્રેતાઓ અને ઉત્પાદકો વચ્ચે તાલમેલ મજબૂત કરવાની જરૂર છે.
