ઈન્ડિયન ઓઈલ રિફાઈનરી ગ્રીન હાઈડ્રોજન બનાવશે

ઇન્ડિયન ઓઇલ કોર્પોરેશન (I&C) પણ ગ્રીન એનર્જી સેક્ટરમાં પ્રવેશ કરવા જઈ રહી છે. દેશની સૌથી મોટી ઓઇલ રિફાઇનરી કંપની લાર્સન એન્ડ ટુબ્રો (L&T) અને રિન્યૂ પાવર સાથે મળીને સંયુક્ત સાહસ હેઠળ દેશમાં ગ્રીન હાઇડ્રોજન પ્લાન્ટ સ્થાપિત કરશે. ઈન્ડિયન ઓઈલ અને એલએન્ડટીએ ગ્રીન હાઈડ્રોજનના ઉત્પાદનમાં ઉપયોગમાં લેવાતા ઈલેક્ટ્રોલાઈઝરના ઉત્પાદન અને વેચાણ માટે એક અલગ જોઈન્ટ વેન્ચર માટે ડીલ કરી છે. વાસ્તવમાં ઈન્ડિયન ઓઈલ, એલએન્ડટી અને રિન્યુ પાવર પોતપોતાના ક્ષેત્રોમાં ટોચની કંપનીઓ છે. નવા સાહસને આ ત્રણેય કંપનીઓની કુશળતાનો લાભ મળશે. એલએન્ડટીને EPC (એન્જિનિયરિંગ, પ્રોક્યોરમેન્ટ અને કન્સ્ટ્રક્શન) પ્રોજેક્ટ્સ ડિઝાઈન કરવા, તૈયાર કરવા અને વિત્તરણમાં મહારથ હાંસિલ કરી છે. ઈન્ડિયન ઓઈલ પેટ્રોલિયમ રિફાઈનિંગમાં કુશળતા સાથે તમામ ઉર્જા સ્ત્રોતોમાં હાજરી ધરાવે છે. જ્યારે રિન્યુ મોટા પાયા પર રિન્યુએબલ એનર્જી એસેટ ડેવલપ કરવા માટે જાણીતી છે.

ગ્રીન હાઇડ્રોજન કેવી રીતે બને છે?

ગ્રીન હાઇડ્રોજન ઉત્પન્ન કરવા માટે ઈલેક્ટ્રોલિસિસ પ્રક્રિયા મારફત પાણીના અણુઓને  હાઈડ્રોજન અને ઓક્સિજનમાં વિભાજીત કરવામાં આવે છે. જો કે, હાઇડ્રોજનના ઉત્પાદનમાં કોલસો અને કુદરતી ગેસનો ઉપયોગ કરવામાં આવે છે, જે નોંધપાત્ર પ્રદૂષણનું કારણ બને છે. જો પુનઃપ્રાપ્ય ઉર્જાનો ઉપયોગ ઉત્પાદનમાં થાય તો તે કાર્બન ઉત્સર્જિત કરતું નથી, તેને ગ્રીન હાઇડ્રોજન કહે છે.

જોઈન્ટ વેન્ચર સરકારની નીતિને સમર્થન આપશે

રિન્યુ પાવરના ચેરમેન અને સીઈઓ સુમંત સિંહાએ જણાવ્યું હતું કે, સૂચિત જોઈન્ટ વેન્ચરનું ટાઈમિંગ મહત્વપૂર્ણ છે. તે ભારત સરકારની તાજેતરમાં જાહેર કરાયેલ ગ્રીન હાઈડ્રોજન નીતિને સમર્થન આપે છે. કેન્દ્ર સરકારે આ વર્ષે ફેબ્રુઆરીમાં ગ્રીન હાઇડ્રોજન પોલિસી જાહેર કરી હતી.