IIFL ફિનટેક ફંડ ટ્રેન્ડલાઇનમાં $1.8 મિલિયનનું રોકાણ કર્યુ

મુંબઈ

ફાઇનાન્શિયલ સર્વિસિસ IIFL ગ્રુપની અર્લી સ્ટેજ ઈન્વેસ્ટિંગ વ્હિકલ IIFL ફિનટેક ફંડે ટ્રેન્ડલાઇનમાં $1.8 મિલિયનનું રોકાણ કર્યું છે. સિરીઝ A ઈન્વેસ્ટમેન્ટ રાઉન્ડ અંતર્ગત ટ્રેડર્સ અ ઈન્વેસ્ટર્સ માટેના સૌથી મોટા એનાલિટિક્સ પ્લેટફોર્મ ટ્રેન્ડલાઈન (Trendlyne)માં બીજી વખત રોકાણ કરી કંપનીનો નોંધપાત્ર હિસ્સો હસ્તગત કર્યો છે.

ટ્રેન્ડલાઈન છેલ્લા 12 મહિનામાં તેની વેબસાઈટ અને મોબાઈલ એપ પર 35 કરોડથી વધુ પેજ- સ્ક્રિન વ્યૂસ સાથે રેપિડ ગ્રોથ કરી રહી છે. ICICI Securities, Kotak Securities, 5Paisa, Motilal Oswal, IIFL Securities, SBI Capital, Edelweiss સહિત તેના ગ્રાહકો છે.

IIFL ફાઈનાન્સ અને IIFL સિક્યોરિટીઝે ભેગા મળી ફિનટેક્ સ્ટાર્ટઅપ્સને ફંડિંગ પૂરુ પાડવાના હેતુ સાથે ઓગસ્ટ 2021માં IIFL Fintech ફંડની સ્થાપના કરી હતી. જેમાં 100 કરોડનું ફંડ વિવિધ ફિનટેક્ સ્ટાર્ટઅપ્સમાં કરવાની જોગવાઈ છે.

મોટા રિટેલ ઇન્ટરફેસ સાથે નાણાકીય સેવાઓનું જૂથ ખર્ચ-અસરકારક તકનીકોની મદદથી છેલ્લી માઇલ ક્રેડિટ ઓફર કરવાનું લક્ષ્ય રાખે છે. ફંડે લીગેલિટી, ફિનબોક્સ, ટ્રેન્ડલીન, ડેટાસુત્રમ, મલ્ટીપ્લ, ફિનારકીન, ટ્રસ્ટચેકર, ઇઝી રીવર્ડ્ઝ અને ઓપન ફાઇનાન્સિયલ ટેક્નોલોજીમાં રોકાણ કરી ચૂક્યું છે.

ફંડ એ IIFL ગ્રુપ દ્વારા 2020 માં શરૂ કરવામાં આવેલ #IIFLDisrupt પ્રોગ્રામનું વિસ્તરણ છે જેનો ઉદ્દેશ્ય સોલ્યુશન ઓરિએન્ટેડ ફિનટેક્સને નાણાકીય, માર્ગદર્શન અને બિઝનેસ સપોર્ટ આપવાનો છે.