મ્યુચ્યુઅલ ફંડ્સઃ સ્મોલ કેપ અને મીડ-કેપ સ્ટોક્સ કરતાં લાર્જ કેપ સ્ટોક્સની પસંદગી કરવી જોઈએ

ભારતીય રોકાણકારોએ જોખમ ઘટાડવા પર અને સ્મોલ અને મીડકેપ સ્ટોક્સ કરતાં લાર્જ કેપ સ્ટોક્સ પસંદ કરવા પર ધ્યાન આપવું જોઈએ. ઇક્વિટીઝ, ખાસ કરીને મજબૂત આવકની સંભાવના ધરાવતા ક્ષેત્રો, સતત વિકાસની તકો રજૂ કરે છે.

ભારતીય સ્ટોક માર્કેટ સતત પ્રીમિયમ આપી રહ્યું છે, ખાસ કરીને તેના મજબૂત મેક્રોઇકોનોમિક ફંડામેન્ટલ્સ અને તેના કોર્પોરેટ અર્નિંગની સ્થિતિસ્થાપકતાના પગલે. છેલ્લા કેટલાક વર્ષોમાં અર્નિંગ ગ્રોથ 20 ટકા કરતા વધુ રહ્યો છે અને આગામી સમયમાં પણ તે યથાવત રહે તેવી અપેક્ષા છે. સ્મોલ કેપ અને મીડ-કેપ સેગમેન્ટ્સમાં વેલ્યુએશન્સ થોડાક ખેંચાયેલા છે એટલે માર્કેટ બ્રેથ તંદુરસ્ત રહી છે અને નોર્મલાઇઝેશન અપેક્ષિત છે. આ રિકેલિબ્રેશનથી આગામી સમયમાં લાર્જ કેપ સ્ટોક્સમાં હજુ વધુ લાભ અને આઉટપર્ફોર્મન્સ જોવા મળી શકે છે. બીજું એક પાસું એ છે કે માર્કેટ બ્રેથ નોંધપાત્ર રીતે વધી છે અને લાર્જ કેપ્સ, મીડ કેપ્સ અને સ્મોલ કેપ્સ સારું પ્રદર્શન કરી રહ્યા છે ત્યારે સ્મોલ અને મીડ કેપના વેલ્યુએશન્સ વધ્યા છે અને તે સામાન્ય થઈ શકે છે પરંતુ લાર્જ કેપ્સ તેની ઐતિહાસિક સરેરાશથી થોડા જ ઉપર છે. 2024ના બાકીના સમયગાળા માટે લાર્જ કેપ્સમાં રોકાણ માટે આ સ્થિતિ ખૂબ સારી જણાય છે.

માળખાકીય સુધારા, સરકારની આગેવાની હેઠળ મૂડી ખર્ચ અને વધી રહેલા ખાનગી ક્ષેત્રના મૂડી ખર્ચના પગલે ભારત વિશ્વના સૌથી ઝડપથી વિકસી રહેલા અને સૌથી પ્રોમિસિંગ માર્કેટ્સ પૈકીના એક તરીકે ઊભરી આવ્યું છે. ભારતમાં કોવિડ પછીની રિકવરી સરકારના મજબૂત ખર્ચના પગલે થઈ છે પરંતુ હવે અમે એવા તબક્કામાં પ્રવેશી રહ્યા છીએ જ્યાં ખાનગી મૂડી ખર્ચ આગેવાની કરશે અને દેશના અર્થતંત્રને આગળ લઈ જશે. ભારતની મેક્રોઇકોનોમિક સ્થિરતા તેની તાજેતરની સફળતાનો એક પાયાનો પથ્થર રહી છે. સ્થિર ફુગાવો, નિયંત્રિત વ્યાજ દરો અને સ્થિર ચલણ ભારતને આકર્ષક રોકાણ સ્થળ બનાવે છે, ખાસ કરીને અન્ય ઊભરતા બજારોની સરખામણીમાં.

મ્યુચ્યુઅલ ફંડ એસઆઈપીના મહત્વપૂર્ણ યોગદાન દ્વારા સ્થાનિક સ્તરે નાણાંનો પ્રવાહ ઉચ્ચ સ્તરે ટકી રહ્યો છે ત્યારે ફોરેન ઇન્સ્ટિટ્યૂશનલ ઇન્વેસ્ટર (એફઆઈઆઈ)નો પ્રવાહ તાજેતરના વર્ષોમાં નોંધપાત્ર આઉટફ્લો પછી ફરીથી વધી રહ્યો છે. વાસ્તવમાં ઇમર્જિંગ માર્કેટ્સ (ઈએમ)માં ભારતનું વેઇટેજ પહેલી વખત ચીનથી વધી ગયું છે.

ખાનગી ક્ષેત્રની બેંકો આ વૃદ્ધિને ટેકો આપવામાં મહત્વપૂર્ણ ભૂમિકા ભજવે તેવી સંભાવના

આગળ જતા રોકાણ માટેની મુખ્ય થીમ્સ સ્થાનિક ઉત્પાદન, વિવેકાધીન ખર્ચ અને ડિજિટલ રહેશે. આ બધા ક્ષેત્રો ભારતના લાંબા સમયની વૃદ્ધિની ગાથાનો અભિન્ન ભાગ છે. સુધરેલી બેલેન્સ શીટ અને મજબૂત ફંડામેન્ટલ્સના પગલે ખાનગી ક્ષેત્રની બેંકો આ વૃદ્ધિને ટેકો આપવામાં મહત્વપૂર્ણ ભૂમિકા ભજવે તેવી સંભાવના છે.

વૈશ્વિક અર્થતંત્ર આડે અવરોધો જોવા મળી શકે છે પરંતુ ભારત તેની મજબૂતાઈનો લાભ લેવા માટે સારી સ્થિતિમાં છે. સંતુલિત અથવા ઇક્વિટીઝ, ફિક્સ્ડ ઇન્કમ અને સોના સહિતની વિવિધ એસેટ્સમાં રોકાણનો અભિગમ 2024ના માર્કેટ ડાયનેમિક્સમાં આગળ વધવા માટે સલાહભર્યો છે. આ વ્યૂહરચના સંભવિત જોખમો સામે બફર જાળવી રાખવા સાથે વૃદ્ધિમાં એક્સપોઝર સુનિશ્ચિત કરે છે. લાંબા ગાળાના રોકાણકારો માટે ભવિષ્ય આશાસ્પદ જણાય છે અને ભારતની માળખાકીય વૃદ્ધિની ગાથા યથાવત રહે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)