બોન્ડ માર્કેટમાં અદાણીનું પુનરાગમન, ડીલના કદ કરતાં 7ગણા $2.9 બિલિયનના ઑર્ડર મેળવ્યા

અમદાવાદ, 6 માર્ચઃ અદાણી ગ્રૂપના પ્રથમ પબ્લીક બોન્ડના વેચાણમાં ભારે માંગ જોવા મળી રહી છે. ગ્રુપે $409 મિલિયનની 18 વર્ષની મેચ્યોરિટી સાથે સિનિયર સિક્યોર્ડ બોન્ડ્સ માટે લગભગ $2.9 બિલિયનના ઑર્ડર મેળવ્યા છે. જે ડીલના કદ કરતાં લગભગ સાત ગણા વધારે છે. 

અદાણી જૂથના સૌર ઉર્જા એકમ અદાણી ગ્રીન એનર્જી (AGEL) અને અદાણી ગ્રીન એનર્જી લિમિટેડ ગ્રુપ 1 તરીકે ઓળખાતી સંયુક્ત કંપનીઓએ 18 વર્ષની પાકતી મુદત સાથે $409 મિલિયન (અંદાજે ₹3391.76 કરોડ) લોન પર હસ્તાક્ષર કર્યા છે. સિનિયર સિક્યોર્ડ બોન્ડ્સ માટે $2.9 બિલિયન (અંદાજે ₹240.49 બિલિયન), જે સોદાના કદ કરતાં લગભગ સાત ગણું છે.

ક્રેડિટસાઇટ્સના વિશ્લેષકોએ નોંધ્યું હતું કે એશિયન યુએસ ડૉલર બોન્ડ માર્કેટમાં અને ભારતીય રિન્યુએબલ ઇન્ફ્રાસ્ટ્રક્ચર ક્રેડિટના ઉત્સાહને જોતાં બોન્ડ્સની મજબૂત માંગની શક્યતા છે. યુકેના વિખ્યાત એસેટ મેનેજમેન્ટના ક્રેડિટ એનાલિસ્ટ્સનું માનવુ છે કે, તે ફરીવાર એક ઇન્વેસ્ટમેન્ટ ગ્રેડ કંપની બનવાના છેલ્લા તબક્કામાં છે. નોમુરા હોલ્ડિંગ્સના વિશ્લેષક એરિક લિયુ નવા બોન્ડ્સ પર લગભગ 6.825% ‘વાજબી મૂલ્ય’ ગણાવે છે.

બ્લૂમબર્ગે પ્રકાશિત કરેલા એક અહેવાલમાં જણાવાયું છે કે અદાણી ખરેખર 7.125% ના પ્રારંભિક માર્કેટિંગ સ્તર સાથે પ્રીમિયમ ઓફર કરી રહી છે, પરંતુ મજબૂત માંગના કારણે કિંમતો વધુ મજબૂત બની છે.

અદાણી ગ્રૂપે GQG પાર્ટનર્સ સહિત અનેક રોકાણકારો પાસેથી ભારે રોકાણ મેળવ્યું હતું. સિમેન્ટ કંપનીઓને હસ્તગત કરવા માટે US$3.5 બિલિયન (અંદાજે ₹290.25 બિલિયન)ની લોન રિફાઇનાન્સ કરી હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)