Nifty 50 EPS વર્ષાન્તે બમણી થશે: મોતિલાલ ઓસવાલની એસેટ એલોકેશન પર સલાહ
![](https://businessgujarat.in/wp-content/uploads/2022/08/image001-1024x182.jpg)
મોતિલાલ ઓસ્વાલ પ્રાઈવેટ વેલ્થ રોકાણકારોને વર્તમાન સંજોગોમાં કયાં કેટલુ રોકાણ કરવુ જોઈએ તેની માહિતી આપતો વેબિનાર યોજ્યો હતો. જેમાં મલ્ટી એસેટ સ્ટ્રેટર્જી પર ભાર મૂકવામાં આવ્યો હતો. તેમાં એવી પણ ચર્ચા કરાઇ હતી કે, વિવિધ ઈન્વેસ્ટમેન્ટ ઈન્સ્ટ્રુમેન્ટમાં મળતા રિટર્ન મારફત વેલ્થ ક્રિએટ કરી શકાય છે. સાથે રિટાયરમેન્ટ માટે નિયમ આધારિત મલ્ટી એસેટ સ્ટ્રેટર્જી અપનાવી પારંપારિક ફિક્સ ઈનકમનો શ્રેષ્ઠ વિકલ્પ ઉભો કરી શકે છે. દેશનો જીડીપી ગ્રોથ વર્તમાન તમામ પરિબળોને ધ્યાનમાં લેતાં પોઝિટીવ જણાઈ રહ્યો છે. જે ઓવરઓલ માર્કેટ માટે શુભ સંકેત છે. નિફ્ટી-50ની શેરદીઠ કમાણી નાણાકીય વર્ષ 2019-20માં 465 સામે બમણી વધી 2023-24માં 997 થવાનો અંદાજ છે. વધુમાં લોકોની ઘરેલુ બચતો પણ આગામી આઠ વર્ષમાં ચારગણી વધવાનો આશાવાદ મોતિલાલ ઓસ્વાલ પ્રાઈવેટ વેલ્થે વ્યક્ત કર્યો છે.
વાર્ષિક ધોરણે સોનામાં 8 ટકા, ASAPમાં 1 ટકા અ નિફ્ટીમાં 2 ટકા રિટર્ન
- વાર્ષિક ધોરણે સોનામાં 8 ટકા, ASAP (Alpha Strategist Advantage Portfolio) 1% અને નિફ્ટીમાં 2 ટકા રિટર્ન પ્રાપ્ત થયુ છે. જો કે, વિવિધ સેન્ટ્રલ બેન્કો દ્વારા વ્યાજદરમાં વધારો કરવામાં આવતાં સોનાની ચમક ઝાંખી પડી છે. જેનો લાભ ઈક્વિટી માર્કેટને મળશે. ઈક્વિટીમાં આગામી વર્ષ સુધી બમણુ રિટર્ન મળવાની શક્યતા વચ્ચે રોકાણકારોએ પોતાના પોર્ટફોલિયોમાં એસેટ એલોકેશનનું મહત્વ સમજવુ અત્યંત જરૂરી છે.
એસેટ એલોકેશનમાં કઈ બાબત ધ્યાનમાં રાખવી જોઈએ
- જિયોપોલિટિકલ ટેન્શન અને વૈશ્વિક પડકારો વચ્ચે આગામી મધ્યમ ગાળા સુધી માર્કેટમાં વોલેટિલિટી રહેશે.
- રોકાણકારોએ એસેટ એલોકેશનમાં લાંબા ગાળાના જોખમ આધારિત લક્ષ્યાંકોને ધ્યાનમાં રાખતાં મોટા ફેરફારો ટાળવા જોઈએ.
- બાહ્ય જોખમો અને તેમની સંભવિત અસરને જોતાં, અસ્પષ્ટ રોકાણ કરવાથી બજારની અસ્થિરતા દૂર કરવામાં મદદ મળી શકે છે.
ઇકોનોમિ અને માર્કેટ ગ્રોથના માર્ગેઃ આશિષ શંકર
મોતિલાલ ઓસ્વાલ પ્રાઈવેટ વેલ્થના એમડી અને સીઈઓ આશિષ શંકરે જણાવ્યુ હતુ કે, ભારતીય ઇકોનોમિ અને બજાર બંને ટર્નઅરાઉન્ડ મોડ પર છે. વર્તમાન પરિબળોને લીધે ભારતીય ઈક્વિટી બજારમાં ટકાઉ ગ્રોથ જોવા મળશે. અલ્ટ્રા હાઈ નેટવર્થ ધરાવતા લોકો (UHNW)ની સંખ્યા 2025 સુધી 95 ટકા વૃદ્ધિ સાથે 11198 થવાનો અંદાજ છે. 2020માં 6884 હતી. માથાદીઠ આવક અને બચતમાં વધારો થતાં ખર્ચ પણ 2030 સુધી આઠ ગણો વધશે. 2030માં ઇકોનોમિ 6 લાખ કરોડ ડોલરે પહોંચશે.
Alpha Strategist Advantage Portfolio કેવો હોવો જોઇએ
Indian Equity (passive index funds) | 20% |
US Equities (S&P 500 indexfunds) | 20% |
Gold (ગોલ્ડ ફંડ) | 20 |
Debt (મેચ્યોરિટી ફંડ) | 20% |
Cash (Arbitrage funds) | 20% |
1990થી 2022 દરમિયાન ASAP portfolioનો ગ્રોથ રેટ સોનામાં 11.7 ટકા, ડેટમાં 8.3 ટકા, ઈન્ડિયન ઈક્વિટીમાં 13.8 ટકા અને યુએસ ઈક્વિટીઝમાં 13 ટકા રહ્યો હતો. ASAP પોર્ટફોલિયો દર વર્ષે કેલેન્ડર વર્ષના અંતે એવી રીતે સંતુલિત કરવામાં આવે છે કે તમામ એસેટ ક્લાસનું આગામી વર્ષની શરૂઆતમાં સમાન વેઇટેજ હોય છે. ટોચના પરફોર્મિંગ એસેટ ક્લાસમાંથી નફો એનપીએમાં વહેંચવામાં આવે છે.
ASAP નિશ્ચિત અને ચોક્કસ આવક મેળવવામાં મદદરૂપ થાય છે
ASAP એ તમામ જોખમોને કવર કરે છે અને નિશ્ચિત આવક મેળવવાનો શ્રેષ્ઠ વિકલ્પ છે. ASAP પાછળનો તર્ક એ છે કે આસપાસના ટ્રેન્ડ-અફવાઓથી દૂર લાંબા ગાળા માટે સ્થિર સતત રિટર્ન જનરેટ કરવા માટે તમામ એસેટ ક્લાસમાં નિયમ-આધારિત એક્સપોઝર કરે છે. -નિતિન શાંભાગ, હેડ ઈન્વેસ્ટમેન્ટ પ્રોડક્ટ્સ, Motilal Oswal Private Wealth