લોહાણા બિઝનેસ ડેવલપમેન્ટ કમિટીઃ LIBF એક્સ્પો 2024ઃ 18-22 જાન્યુ. દરમિયાન યોજાશે

નાનજી કાળીદાસ મહેતાના પ્રમુખપદે 1952માં સ્થપાયેલી સંસ્થાએ વિવિધ સીએસઆર સાથે 71 વર્ષ પૂર્ણ કર્યા

અમદાવાદ, 5 જાન્યુઆરી: લોહાણા બિઝનેસ ડેવલપમેન્ટ કમિટીના ઉપક્રમે તા.18થી 21 જાન્યુઆરી 2024 દરમિયાન હેલીપેડ એક્ઝિબિશન સેન્ટર, ગાંધીનગર, ગુજરાત LIBF એક્સ્પો 2024 આયોજન કરવામાં આવશે. LIBF એક્સ્પો 2024 આંતરરાષ્ટ્રીય સહયોગ, નેટવર્કિંગ અને વેપાર અને રોકાણની તકોના અન્વેષણ માટે એક અનોખું મંચ સ્થાપિત કરવા માટે સમર્પિત છે.

કાર્યક્રમમાં મુખ્ય મહાનુભાવો

આ પ્રસંગે લોહાણા સમાજના પ્રમુખ સતીશ વિઠ્ઠલાણીએ જણાવ્યું કે LIBF એક્સ્પો 2024 ટૂંક સમયમાં જ ખાદ્ય અને કૃષિ, રિયલ એસ્ટેટ, બેન્કિંગ અને ફાઇનાન્સ સહિત અન્ય વ્યવસાયોની વિશાળ શ્રેણી માટે નેટવર્કિંગ અને વેપાર માટે ભારતનું મુખ્ય સ્થળ બની જશે. અમારૂં વિઝન 2028 સુધીમાં ભારતના જીડીપી માટે 5 ટ્રિલિયન યુએસ ડોલરના લક્ષ્યમાં યોગદાન આપવાનું છે, જે ભારતની આર્થિક મહાશક્તિ બનવાની કૂચને મજબૂત બનાવે છે.

એક્સ્પોમાં 34 વિવિધ ઉદ્યોગો સક્રિય ભાગ લેશે

LIBF એક્સ્પો 2024 રિયલ એસ્ટેટ, ફાર્મા, એગ્રો, મહિલા ઉદ્યોગ, બેંકિંગ, ફાઇનાન્સ અને વધુમાં 34 વિવિધ ઉદ્યોગોની સક્રિય ભાગીદારીને પ્રદર્શિત કરશે. ક્ષેત્રોની આટલી વિશાળ શ્રેણીનો સમાવેશ એક્સ્પોની વ્યાપક પ્રકૃતિને ઉજાગર કરે છે, જે વિશ્વભરના 30થી વધુ દેશોના ટોચના વ્યાવસાયિકો, ઉદ્યોગપતિઓ અને મહિલાઓ અને સરકારી પ્રતિનિધિઓને એક સાથે આવવા, વિચારોનું આદાન-પ્રદાન કરવા અને સહયોગી તકો શોધવા માટે એક અનોખું મંચ પૂરૂં પાડે છે. યુરો એક્ઝિમ બેંક, વિનમાર્ટ, રવિન ગ્રૂપ, ધર્મદેવ ઈન્ફ્રાસ્ટ્રક્ચર લિ., ઈસ્કોન ગ્રૂપ, માધવાણી ગ્રૂપ જેવી પ્રતિષ્ઠિત કંપનીઓ

ગુજરાતના રાજ્યપાલ અને ઇસરોના પૂર્વ ચેરપર્સન પણ ભાગ લેશે

LIBF એક્સ્પો 2024ને ગુજરાત સરકારના પ્રતિનિધિઓ તરફથી નોંધપાત્ર સમર્થન મળ્યું છે. પ્રતિષ્ઠિત અગ્રણીઓમાં ગુજરાતના રાજ્યપાલ આચાર્ય દેવવ્રત અને ઇસરો (ISRO)ના ભૂતપૂર્વ ચેરપર્સન એ.એસ. કિરણ કુમાર આ કાર્યક્રમમાં સક્રિયપણે ભાગ લેશે.

https://businessgujarat.in/ વેબસાઈટમાં આવતાં news updates મેળવવા માટે નીચેની લિંક ઉપર ક્લિક કરી ફોલો કરો

https://whatsapp.com/channel/0029VaDvQgaDOQIYqUTAu20r

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)