NTPC ગ્રીન એનર્જીનો આઇપીઓ 19 નવેમ્બરે ખૂલશે, પ્રાઇસબેન્ડ રૂ. 102-108

અમદાવાદ, 15 નવેમ્બર: NTPC ગ્રીન એનર્જી, NTPCની સંપૂર્ણ માલિકીની પેટાકંપની, એક ‘મહારત્ન’ કેન્દ્રીય જાહેર ક્ષેત્રની એન્ટરપ્રાઇઝ, એ તેની પ્રથમ પ્રારંભિક જાહેર ઓફર માટે રૂ. 10/- મૂળ કિંમતના ઈક્વિટી શૅર માટે શેર દીઠ રૂ. 102/- થી રૂ. 108/-ની પ્રાઇસ બેન્ડ નક્કી કરી છે. કંપનીની પ્રારંભિક જાહેર ઓફર (“IPO” અથવા “Offer”) મંગળવાર, નવેમ્બર 19, 2024, સબસ્ક્રિપ્શન માટે ખૂલશે અને શુક્રવાર, 22 નવેમ્બર, 2024 ના રોજ બંધ થશે. રોકાણકારો ઓછામાં ઓછા 138 ઇક્વિટી શેર માટે બિડ કરી શકે છે અને ત્યારબાદ 138 ઇક્વિટી શેરના ગુણાંકમાં બિડ ભરવાની રહેશે. IPO સંપૂર્ણપણે રૂ. 10,000 કરોડ સુધીનો નવો ઈશ્યુ છે જેમાં કોઈ ઓફર ફોર સેલ સામેલ નથી. કંપનીએ તેના કર્મચારીઓ માટે રૂ. 200 કરોડના મૂલ્યના શૅર અનામત રાખ્યા છે. લાયક કર્મચારીઓને IPOમાં પ્રતિ શેર રૂ. 5 નું ડિસ્કાઉન્ટ અંતિમ ઈશ્યૂ કિંમત પર મળશે. વધુમાં, શેરધારકો માટે રૂ. 1,000 કરોડના મૂલ્યના શેર આરક્ષિત છે. આ ઑફર બુક-બિલ્ડિંગ પ્રક્રિયા દ્વારા કરવામાં આવી રહી છે, જેમાં ક્વૉલિફાઈડ ઈન્સ્ટીટ્યુશનવ ખરીદદારોને પ્રમાણસર ધોરણે ફાળવણી માટે ચોખ્ખી ઑફરનો 75%, બિન-સંસ્થાકીય રોકાણકારોને માટે નેટ ઑફરના 15% અને નેટ ઓફરના 10% છૂટક વ્યક્તિગત બિડર્સને ફાળવણી માટે ઉપલબ્ધ છે.

ઇશ્યૂ યોજવા માટેના મુખ્ય હેતુઓ એક નજરે

કંપની તેના તાજા ભરણામાંથી મેળવેલી રકમનો ઉપયોગ તેની સંપૂર્ણ માલિકીની પેટાકંપની, NTPC રિન્યુએબલ એનર્જી (NREL) માં રોકાણ કરવા માટે કરવામાં આવશે, પુનઃચુકવણી/પૂર્વચુકવણી માટે, સંપૂર્ણ અથવા NREL અને સામાન્ય દ્વારા મેળવેલ ચોક્કસ બાકી ઉધારની ચૂકવણી માટે અને કોર્પોરેટ હેતુઓ પૂરા કરવા માટે ઉપયોગમાં લેવાશે.

કંપનીની કામગીરી અને ઇતિહાસ એક નજરે

NTPC ગ્રીન એનર્જીએ 30 સપ્ટેમ્બર, 2024 સુધીની ઓપરેટિંગ ક્ષમતા અને નાણાકીય 2024માં વીજ ઉત્પાદનની દ્રષ્ટિએ સૌથી મોટી રિન્યુએબલ એનર્જી જાહેર ક્ષેત્રની એન્ટરપ્રાઇઝ છે (હાઇડ્રો સિવાય) છ કરતાં વધુ રાજ્યોમાં બહુવિધ સ્થળોએ હાજરી સાથે પવન ઉર્જા અસ્કયામતો જે સ્થાન-વિશિષ્ટ જનરેશન વેરિએબિલિટીના જોખમને ઘટાડવામાં મદદ કરે છે. તેની ઓપરેશનલ ક્ષમતા 30 સપ્ટેમ્બર, 2024 સુધીમાં છ (6) રાજ્યોમાં 3,220 મેગાવોટ સૌર પ્રોજેક્ટ્સ અને 100 MWs પવન પ્રોજેક્ટ્સ હતી. 30 સપ્ટેમ્બર, 2024 સુધીમાં, તેના “પોર્ટફોલિયો”માં 16,896 MWsનો સમાવેશ થાય છે જેમાં 3,320 MWs ઓપરેટિંગ પ્રોજેક્ટ્સ અને 13,576 MWsનો કોન્ટ્રાક્ટનો ઓર્ડર અપાયો છે. પાઈપલાઈન હેઠળની તેની ક્ષમતા તેના પોર્ટફોલિયો સાથે મળીને 26,071 MWsની છે. તેમાં 41 સૌર પ્રોજેક્ટ્સ અને 11 પવન પ્રોજેક્ટ્સમાં 17 ઑફટેકર્સ હતા.

કંપનીની નાણાકીય કામગીરી એક નજરે

NTPC ગ્રીન એનર્જીની કામગીરીમાંથી આવક નાણાકીય વર્ષ 2022માં રૂ. 910.42 કરોડથી વધીને રૂ. 1,962.60 કરોડ થઈ છે, જે નાણાકીય વર્ષ 2024માં (પુનઃ નિર્ધારિત ધોરણે) રૂ. 1,962.60 કરોડ થઈ છે. તેનું ઓપરેટિંગ EBITDA નાણાકીય વર્ષ 2022 માં રૂ. 794.89 કરોડ (વિશેષ હેતુના આધારે) થી 48.23% ના CAGR પર વધીને નાણાકીય વર્ષ 2024 માં રૂ. 1,746.47 કરોડ થયું છે (પુનઃસ્થાપિત ધોરણે). તેનો કર પછીનો નફો નાણાકીય વર્ષ 2022 માં રૂ. 94.74 કરોડ (વિશેષ હેતુના આધારે) થી 90.75% ના CAGRથી વધીને નાણાકીય વર્ષ 2024માં (પુનઃસ્થાપિત ધોરણે) રૂ. 344.72 કરોડ થયો છે. સપ્ટેમ્બર 30,2024 ના રોજ પૂરા થયેલા છ મહિનામાં, કામગીરીમાંથી આવક રૂ. 1082 કરોડ અને કર પછીનો નફો રૂ. 175.30 કરોડ રહ્યો હતો.

લીડ મેનેજર્સઃ IDBI કેપિટલ માર્કેટ્સ એન્ડ સિક્યોરિટીઝ, HDFC બેંક, IIFL કેપિટલ સર્વિસ, અને નુવામા વેલ્થ મેનેજમેન્ટ બુક-રનિંગ લીડ મેનેજર્સ છે અને KFin ટેક્નોલોજીસ ઑફરના રજિસ્ટ્રાર છે.

લિસ્ટિંગઃ બીએસઇ, એનએસઇ

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)