SBI દ્વારા યસ બેન્કમાં હિસ્સો હળવો કરવાના અહેવાલો ખોટા, શેરમાં ગાબડું

અમદાવાદ, 8 ફેબ્રુઆરીઃ દેશની ટોચની સરકારી બેન્ક સ્ટેટ બેન્ક ઓફ ઈન્ડિયાએ યસ બેન્કમાંથી હિસ્સો હળવો કરવાના અહેવાલ મુદ્દે સ્પષ્ટતા આપતાં અહેવાલોને ખોટા ઠેરવ્યા છે. આજે સવારે એક મીડિયા રિપોર્ટ્સમાં જણાવાયું હતું કે, એસબીઆઈ યસ બેન્કમાંથી પોતાનો તમામ હિસ્સો બ્લોક ડીલ મારફત વેચવાની તૈયારીમાં છે.

અહેવાલોના પગલે યસ બેન્કનો શેર 32.74ની વાર્ષિક ટોચ નોંધાવ્યા બાદ સતત ઘટી 28.87ની ઈન્ટ્રા ડે બોટમે પહોંચ્યો હતો. અંતે 0.67 ટકાના નજીવા સુધારા સાથે 30.03ના સ્તરે બંધ રહ્યો હતો.

એક્સચેન્જ સાથેની વાતચીતમાં એસબીઆઈએ જણાવ્યું હતું કે, આ અહેવાલો વાસ્તવમાં ખોટા છે. એસબીઆઈ બ્લોકડીલ મારફત યસ બેન્ક દ્વારા રૂ. 5000-7000 કરોડની કિંમતના શેર્સ વેચશે, એવા અહેવાલો સવારે જાહેર થયા હતા. જો કે, યસ બેન્કે પણ એક્સચેન્જ ફાઈલિંગ જણાવ્યું હતું કે, બેન્ક સ્પષ્ટતા કરવા માંગે છે કે સમાચાર સટ્ટાકીય લાગે છે. બેન્ક આ સમાચારને લગતી કોઈપણ વાટાઘાટોમાં સામેલ નથી. તેથી, બેન્ક આ લેખ અને તેની અસર પર ટિપ્પણી કરવામાં અસમર્થ છે.”

જુલાઈ 2022માં, યસ બેન્કના બોર્ડે પુનર્નિર્માણ યોજનામાંથી બહાર નીકળવાનો પ્રસ્તાવ મૂક્યો હતો. માર્ચ 2020માં આ યોજના હેઠળ, SBIની આગેવાની હેઠળની આઠ બેન્કોએ હિસ્સો હસ્તગત કર્યો હતો. ડિસેમ્બર 2023 સુધીમાં, SBI પાસે 26.13%, HDFC લિમિટેડ પાસે 3% અને ICICI બેન્ક પાસે યસ બેન્કમાં 2.61% ઇક્વિટી હોલ્ડિંગ છે.

માર્ચ 2020માં, RBI એ યસ બેન્કનો કબજો લીધો, SBIના ભૂતપૂર્વ CFO પ્રશાંત કુમારને બેન્કની નાણાકીય મુશ્કેલીઓને કારણે એડમિનિસ્ટ્રેટર તરીકે નિયુક્ત કર્યા, જેમાં બેડ લોન અને મૂડી એકત્ર કરવામાં પડકારોનો સમાવેશ થાય છે. 2020માં બેન્કની નાણાકીય સ્થિતિમાં ઘટાડા માટે ગવર્નન્સના મુદ્દાઓએ વધુ ફાળો આપ્યો છે.

FY24ના Q3માં, યસ બેન્ક રૂ. 231 કરોડનો ચોખ્ખો નફો નોંધાવ્યો હતો, જે 4.4 ગણો વધારો અને QoQમાં 2.8%નો વધારો દર્શાવે છે. ચોખ્ખી વ્યાજ આવક (NII) 2.3% YoY અને 4.8% QoQ વધીને Rs 2,017 કરોડ થઈ. ક્વાર્ટર માટે નેટ ઈન્ટરેસ્ટ માર્જિન (NIM) 2.4% હતું.