Sensex 30 ટ્રેડિંગ સેશનમાં ફરી પાછો નવી રેકોર્ડ ટોચે, Nifty50 22330ની સર્વોચ્ચ ટોચે

અમદાવાદ, 1 માર્ચઃ ચાલુ કેલેન્ડર વર્ષમાં ભારતીય શેરબજારો તેજીથી આગળ વધી રહ્યા છે. 16 જાન્યુઆરીએ 73427ની રેકોર્ડ ટોચ નોંધાવ્યા બાદ સેન્સેક્સ માત્ર 30 ટ્રેડિંગ સેશનમાં ફરી પાછો 73686.07ની નવી ઐતિહાસિક ટોચે પહોંચ્યો છે. નિફ્ટી50એ પણ 22330.85ની સર્વોચ્ચ ટોચ નોંધાવ્યા બાદ 344.55 પોઈન્ટના ઉછાળે ટ્રેડ થઈ રહ્યો છે.

સેન્સેક્સમાં આજે 1100 પોઈન્ટથી વધુ અને નિફ્ટી 350 પોઈન્ટથી વધુનો ઉછાળો નોંધાવ્યા પાછળનું કારણ દેશના મજબૂત જીડીપી આંકડા છે. બેન્કિંગ અને પીએસયુ શેરોમાં ફરી પાછી તેજી ઉપરાંત આઈટી અને હેલ્થકેર સિવાયના તમામ સેક્ટરોલ ઈન્ડેક્સમાં સુધારાના કારણે સેન્સેક્સ અને નિફ્ટીમાં આકર્ષક ઉછાળો જોવા મળ્યો છે.

આજે શેરબજારમાં ઉછાળાના પાંચ પરિબળો

3. અમેરિકી ફુગાવોમાં ઘટાડોઃ અમેરિકાએ ગુરૂવારે ફુગાવામાં ઘટાડો નોંધાયો હોવાના અહેવાલો જારી કરતાં S&P 500 અને નાસડેક રેકોર્ડ ટોચે બંધ રહ્યા હતા. વૈશ્વિક બજારોમાં સકારાત્મક માહોલની અસર ભારતીય શેરબજારો પર જોવા મળી છે.

4. ફેડ રિઝર્વ દ્વારા રેટમાં ઘટાડોઃ અમેરિકી ફુગાવો નબળો પડતાં અમેરિકી ફેડ રિઝર્વ દ્વારા વ્યાજદરોમાં ઘટાડો થવાનો આશાવાદ પ્રબળ બન્યો છે. યુએસ ટ્રેઝરી યીલ્ડ ઘટવાની શક્યતાઓ વચ્ચે રોકાણકારો બોન્ડ્સ અને કરન્સી માર્કેટમાંથી ઈક્વિટી અને અન્ય એસેટ્સમાં રોકાણ શિફ્ટ કરી શકે છે.

5. ભાજપની જીતની સંભાવનાઃ વિવિધ ન્યૂઝ મીડિયા અને એજન્સીઓ દ્વારા હાથ ધરાયેલા સર્વેમાં લોકસભા ચૂંટણીમાં ભાજપની જીત નિશ્ચિત થઈ છે. જેના પગલે ઈન્ફ્રાસ્ટ્રક્ચર અને ડિજિટલ સેગમેન્ટમાં ગ્રોથની સંભાવના વધી છે. સર્વિસ અને ઔદ્યોગિક સેક્ટર મજબૂત ગ્રોથ સાથે વેગવાન બન્યા છે. માર્કેટને આશા છે કે, ચાલુ નાણાકીય વર્ષના અંતે નિફ્ટી50 16થી 20 ટકાના દરે વધશે.