સાઈનપોસ્ટ ઈન્ડિયાના સીએફઓ તરીકે નરેન સુગ્ગુલાની નિયુક્તિ

મુંબઈ, 29 સપ્ટેમ્બર: ભારતમાં ડિજિટલ મીડિયા એસેટ્સમાં અગ્રણી સાઈનપોસ્ટ ઈન્ડિયા લિમિટેડે નરેન સુગ્ગુલાની તેના ચીફ ફાઇનાન્સિયલ ઓફીસર (CFO) તરીકે નિમણૂકની જાહેરાત કરી છે. નરેન સફળ ટ્રેક રેકોર્ડ સાથે અનુભવી ફાઇનાન્સ એક્ઝિક્યુટિવ છે. તેઓ તાજેતરમાં રિલાયન્સ રિટેલમાં ફાયનાન્સ હેડ – ફાર્મા (Netmeds) તરીકે કામ કરતા હતા. રિટેલ, ફાર્મા અને એફએમસીજી ઉદ્યોગોમાં ભારત અને વિદેશમાં સમૃદ્ધ ફાઇનાન્સ અનુભવ સાથે, નરેન સુગ્ગુલાએ IIM લખનૌમાંથી MBA કર્યું છે અને રિલાયન્સ રિટેલ, સિપ્લા, એમેઝોન અને મોન્ડેલેઝ ઇન્ટરનેશનલ સહિત અગ્રણી સંસ્થાઓ સાથે કામ કર્યું છે. તેમની કારકિર્દી દરમિયાન, નરેને તીક્ષ્ણ વિશ્લેષણાત્મક કૌશલ્યો અને ટીમોમાં સહયોગ અને નવીનતાને પ્રોત્સાહન આપવાની ક્ષમતાનું મિશ્રણ દર્શાવ્યું છે.

નરેનની વિશ્લેષણાત્મક માનસિકતા અને આયોજન, તેમની અસાધારણ નાણાકીય કુશળતા અને નેતૃત્વ સાથે મળીને, સાઈનપોસ્ટ ઈન્ડિયાની વૃદ્ધિ યોજનાઓને સમર્થન આપવામાં મુખ્ય ભૂમિકા ભજવશે. મને વિશ્વાસ છે કે તે અમારી વૃદ્ધિમાં નોંધપાત્ર યોગદાન આપશે તેમ સાઈનપોસ્ટ ઈન્ડિયા લિમિટેડના ચેરમેન અને મેનેજિંગ ડિરેક્ટર શ્રીપદ અષ્ટેકરે જણાવ્યું હતું. સાઈનપોસ્ટ ઈન્ડિયા સમગ્ર ભારતમાં એરપોર્ટ, મેટ્રો, ટ્રાન્ઝિટ અને સ્ટ્રીટ ફર્નિચર પર વ્યાપક ડિજિટલ આઉટ ઑફ હોમ (DOOH) મીડિયા સોલ્યુશન્સ ઑફર કરે છે.

સાઈનપોસ્ટ ઈન્ડિયા 100થી વધુ સંસ્થાઓને સેવા આપે છે

સાઈનપોસ્ટ ઈન્ડિયા લિમિટેડ ફર્નિચર, પરિવહન, સાર્વજનિક સાયકલ શેરિંગ અને ઇન્ટરનેટ ટ્રાફિક મોનિટરિંગ સિસ્ટમ સહિતના મોટા પાયે જાહેર લક્ષી પ્રોજેક્ટ અમલમાં મૂકવાનો બહોળો અનુભવ ધરાવે છે. કંપની 11 ઓફિસોના નેટવર્ક દ્વારા 100 થી વધુ સંસ્થાઓને સેવા આપે છે. તેણે ABBYS, EMVIES, KYORIUS, Dragon of Asia અને Global Digital Signage Awards સહિત 150+ પુરસ્કારો સાથે રાષ્ટ્રીય અને આંતરરાષ્ટ્રીય એમ બંને રીતે ઓળખ મેળવી છે. સાઈનપોસ્ટ ઈન્ડિયાની ગ્રુપ કંપની, EFlag Analytics પ્રાઈવેટ લિમિટેડે ઈમેજ એનાલિસિસ દ્વારા ટ્રાફિક એક્સપોઝરને માપવા માટે કમ્પ્યુટર વિઝન-આધારિત આર્ટિફિશિયલ ઈન્ટેલિજન્સ-મશીન લર્નિંગ (AI-ML) પ્લેટફોર્મ વિકસાવ્યું છે.