ઘરેલું દેવાનું સ્તર GDPના 40%ની વિક્રમી સપાટીએ, બચત ઘટી 5% થઇ ગઇ

અમદાવાદ, 12 એપ્રિલઃ ભારતના ઘરગથ્થુ (ઘરેલું) દેવાનું  સ્તર ડિસેમ્બર 2023 (Q3FY24) સુધીમાં GDPના 40 ટકાના વિક્રમી ઉચ્ચ સ્તરે પહોંચ્યું હોવાના અહેવાલ છે, જ્યારે ચોખ્ખી નાણાકીય બચત ઘટીને GDPના આશરે 5 ટકા થઈ ગઈ છે.

ઘરેલું દેવાની અંદર, અનસિક્યોર્ડ પર્સનલ લોનમાં સૌથી ઝડપી વૃદ્ધિ જોવા મળી છે, ત્યારબાદ સિક્યોર્ડ લોન્સ, કૃષિ લોન અને વ્યવસાયિક લોનનો સમાવેશ થાય છે. ગયા મહિને બહાર પાડવામાં આવેલા મોતીલાલ ઓસ્વાલના અહેવાલ મુજબ.પાછલા વર્ષના પ્રથમ નવ મહિના દરમિયાન, પરિવારોની કુલ નાણાકીય બચત 2022-23ના સમાન સમયગાળામાં 10.5 ટકાથી GDPના 10.8 ટકા પર થોડો વધારો જોવા મળી હતી. જો કે, નાણાકીય જવાબદારીઓ પણ જીડીપીના 5.5 ટકાથી પ્રમાણસર વધીને જીડીપીના 5.8 ટકા થઈ ગઈ છે. 2022-23માં ઘરોની વાર્ષિક ઉધાર જીડીપીના 5.8 ટકા થઈ ગઈ.

પરિવારોની કુલ બચત જીડીપીના 18.4 ટકાના છ વર્ષની નીચી સપાટીએ પહોંચી ગઈ હતી. રિપોર્ટમાં ભાર મૂકવામાં આવ્યો છે કે ભારતની ગ્રોસ ડોમેસ્ટિક સેવિંગ્સ (જીડીએસ) ઘટીને જીડીપીના 30.2 ટકા થઈ છે, જે 2013-14 અને 2018-19 વચ્ચે જોવા મળેલી 31-32 ટકાની રેન્જ કરતાં ઓછી છે, જે પરિવારોની ચોખ્ખી નાણાકીય બચતમાં જંગી ઘટાડો દર્શાવે છે. આ વલણ ઘરેલુ ચોખ્ખી નાણાકીય બચત (HHNFS) માટે સંભવિત જોખમ ઊભું કરે છે, જે ઘરની કુલ નાણાકીય બચત અને નાણાકીય જવાબદારીઓ વચ્ચેના સંતુલન પર આધારિત છે.

પરીવારોની આવકમાં વૃદ્ધિ ધીમી રહી છે અને ઘરગથ્થુ ચોખ્ખી નાણાકીય બચત જીડીપીના લગભગ 5 ટકાના ઐતિહાસિક નીચા સ્તરે પહોંચવાની અપેક્ષા છે, તે આશ્ચર્યજનક છે કે ખાનગી વપરાશ અને ઘરગથ્થુ રોકાણ વૃદ્ધિ બંને 2023-24માં નોંધપાત્ર રીતે નબળું પડ્યું છે.

સપ્ટેમ્બર 2023ના ભારતીય રિઝર્વ બેંક (RBI) ના ડેટા દર્શાવે છે કે પરિવારોની ચોખ્ખી નાણાકીય બચત દાયકાઓમાં સૌથી નીચી હતી, જે FY22માં 7.2 ટકાની સરખામણીએ FY23માં કુલ સ્થાનિક ઉત્પાદન (GDP) ના 5.1 ટકા પર પહોંચી ગઈ હતી. દરમિયાન, પરિવારોની વાર્ષિક નાણાકીય જવાબદારીઓ FY23માં GDPના 5.8 ટકા વધી હતી, જે FY22માં 3.8 ટકા હતી. પરીવારો ઘરો અને વાહનો જેવી વાસ્તવિક સંપત્તિ ખરીદવા માટે લોન લઈ રહ્યા છે.

FY25 માટેની આગાહીમાં જણાવાયું છે કે સામાન્ય ચૂંટણીઓ પછી કોર્પોરેટ રોકાણમાં વધારો થઈ શકે તેવો આશાવાદ છે. એવો અંદાજ છે કે નાણાકીય વર્ષ 2025માં નાણાકીય વર્ષ 2024ની સરખામણીમાં વાસ્તવિક રોકાણ ધીમી ગતિએ વધશે. ઘરગથ્થુ ચોખ્ખી નાણાકીય બચત (FY25-S2)માં કોઈ ફેરફાર નહીં થાય તેમ ધારીને, આવકમાં સુધારો આવતા વર્ષે ખાનગી ખર્ચ (વપરાશ અને રોકાણને જોડીને)માં વધુ વૃદ્ધિ થઈ શકે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)