સેન્સેક્સ- નિફ્ટી ઐતિહાસિક ટોચે બંધ, નિફ્ટી માટે 23500 મહત્વની પ્રતિકારક
અમદાવાદ, 13 જૂનઃ નિફ્ટી અને સેન્સેક્સે 13 જૂનના રોજ રેકોર્ડ બંધ ઊંચાઈએ સત્રનો અંત કર્યો હતો. બંધ સમયે, સેન્સેક્સ 204 પોઈન્ટ અથવા 0.3 ટકા વધીને 76,810 પર અને નિફ્ટી 76 પોઈન્ટ વધીને 23,398 પર હતો. દિવસની શરૂઆતમાં, નિફ્ટીએ ઇન્ટ્રા-ડે 23,481ની તાજી ઊંચી સપાટી બનાવી હતી. સેન્સેક્સ 0.8 ટકા વધીને 77,145ની ઈન્ટ્રાડે હાઈ પર પહોંચ્યો હતો. એફએમસીજી, એનર્જી અને બેન્કિંગ શેરોએ સુધારાની આગેવાની લીધી હતી. નિફ્ટી બેંક અને પ્રાઇવેટ બેંકની સાથે PSU બેંક ઇન્ડેક્સમાં જોકે સાધારણ ઘટાડાની ચાલ જોવા મળી હતી.
બેંક નિફ્ટીના ચાર્ટ સૂચવે છે કે તેને 49,800 પર સપોર્ટ મળી શકે છે, ત્યારબાદ 49,600 અને 49,500. જો ઇન્ડેક્સ આગળ વધે છે, તો 50,100 રેઝિસ્ટન્સ જોવા મળી શકે. ત્યારબાદ 50,300 અને 50,500ની સપાટી પણ રેઝિસ્ટન્સ તરીકે વર્તી શકે તેવું ટેકનિકલ નિષ્ણાતો જણાવી રહ્યા છે.
નિફ્ટી 23,400-23,500 ઝોનમાં તીવ્ર રેઝિસ્ટન્સનો સામનો કરી રહી રહ્યો છે, એમ એન્જલ વનના રિસર્ચ હેડ સમીત ચવ્હાણે જણાવ્યું હતું. વિવિધ સેક્ટોરલ્સ પૈકી એફએમસીજી 0.7 ટકા નીચે, સૌથી ખરાબ પ્રદર્શન કરનાર હતો. પછીની લાઇનમાં નિફ્ટી એનર્જી ઇન્ડેક્સ હતો. બીજી બાજુ નિફ્ટી રિયલ્ટી, આઈટી અને ફાર્મા 2 ટકા સુધી ઉછળ્યા હતા. યુએસના ફેડરલ રિઝર્વે સતત સાતમી બેઠકમાં વ્યાજ દરોને 5.25-5.5 ટકા પર યથાવત રાખ્યા બાદ આ વાત આવી છે, જ્યારે ફુગાવો મે મહિનામાં થોડો ઘટીને 3.3 ટકા થયો હતો. ભારતમાં, કન્ઝ્યુમર પ્રાઇસ ઇન્ડેક્સ (CPI) ફુગાવો એપ્રિલમાં 4.8 ટકાથી મે મહિનામાં થોડો ઘટીને 4.75 ટકા થયો હતો. VIX અથવા વોલેટિલિટી ઇન્ડેક્સ પણ 5 ટકાથી વધુ ઘટીને 13.6 થયો હતો.
મહેતા ઇન્વેસ્ટમેન્ટ ઇન્ટરમીડિયેટ્સના ટેકનિકલ અને ડેરિવેટિવ્ઝ રિસર્ચ હેડ હૃષિકેશ યેદવેએ જણાવ્યું હતું કે, નિફ્ટી 23,500ની નીચે રહેતો હોવાથી પ્રોફિટ બુકિંગ શક્ય છે.” જો નિફ્ટી 23,500થી ઉપર રહેશે તો તેજી 23,700-23,800 ના સ્તર સુધી લંબાવી શકે છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
