ધમધમાટઃ સપ્તાહ દરમિયાન 14 IPOના લિસ્ટિંગ સાથે 6 6 SME ની એન્ટ્રી

આ સપ્તાહે મેઇનબોર્ડના 8 અને એસએમઇના 6 આઇપીઓનું લિસ્ટિંગ

અમદાવાદ, 25 ડિસેમ્બરઃ આ સપ્તાહે પ્રાઇમરી માર્કેટમાં 14 આઇપીઓના લિસ્ટિંગથી ધમધમતું જોવા મળશે. સોમવારે ક્રિસમસ હોલિડે હોવાથી પાંચ દિવસના કેલેન્ડર વર્ષ 2023ના છેલ્લા ટ્રેડિંગ વીક દરમિયાન હેવી વોલેટિલિટી રહેશે. મેઇનબોર્ડમાં 8 આઇપીઓ લિસ્ટિંગ થવા જઇ રહ્યા છે. તેમાંથી મોતીસંન્સ જ્વેલર્સ, હેપ્પી ફોર્જિંગ્સ, આઝાદ એન્જિનિયરીંગ ઇશ્યૂ પ્રોસેસ દરમિયાન રોકાણકારોમાં હોટ ફેવરીટ રહ્યા હતા. એસએમઇ સેગ્મેન્ટમાં પણ છ આઇપીઓનું લિસ્ટિંગ થવા જઇ રહ્યું છે. મેઈનબોર્ડ સેગમેન્ટમાં કોઈ નવા IPO લાઇન અપ થશે નહીં, પરંતુ તમામ ક્રિયા SME સેગમેન્ટમાં જોવા મળશે.

IPO અને લિસ્ટિંગમાં, તમામની નજર મેઇનબોર્ડ સેગમેન્ટમાં આવતા સપ્તાહમાં નિર્ધારિત લિસ્ટિંગ પર રહેશે, જોકે SME સેગમેન્ટમાં વધુ કાર્યવાહી થશે.

26 ડિસેમ્બરે મેઇનબોર્ડમાં ત્રણ લિસ્ટિંગ થશે – મોતીસંસ જ્વેલર્સ, મુથૂટ માઇક્રોફિન અને સૂરજ એસ્ટેટ ડેવલપર્સ. અને એક SME સેગમેન્ટમાં સહારા મેરીટાઇમ હશે. મોતીસંસ જ્વેલર્સ જયપુર સ્થિત ગોલ્ડ જ્વેલરી નિર્માતા કંપનીમાં બ્લોકબસ્ટર લિસ્ટિંગની ધારણા પ્રાઇમરી માર્કેટ નિષ્ણાતો જણાવે છે. ગ્રે માર્કેટમાં રૂ. 55ની ઇશ્યૂ કિંમત કરતાં કંપનીના IPO શેર 100 ટકાથી વધુ પ્રીમિયમ પર ઉપલબ્ધ છે. મુથૂટ માઇક્રોફિન અને મુંબઇ સ્થિત રિયલ્ટી કંપની સૂરજ એસ્ટેટ ડેવલપર્સ સિંગલ ડિજિટમાં લિસ્ટિંગ પ્રીમિયમ જોવા મળી શકે છે. મુથૂટ માઈક્રોફિન આઈપીઓ 18-20 ડિસેમ્બર દરમિયાન 11.52 વખત અને સૂરજ એસ્ટેટ ડેવલપર્સનો 15.65 વખત સબસ્ક્રાઈબ થયો હતો.

27 ડિસેમ્બરે મેઇનબોર્ડમાં હેપ્પી ફોર્જિંગ્સ, આરબીઝેડ જ્વેલર્સ અને ક્રેડો બ્રાન્ડ્સ માર્કેટિંગ – મેઈનબોર્ડ સેગમેન્ટમાં બોર્સ પર પદાર્પણ કરશે, જ્યારે એસએમઈ સેગમેન્ટમાં બે આઇપીઓ શાંતિ સ્પિંટેક્સ, અને ઇલેક્ટ્રો ફોર્સ લિસ્ટેડ થવાની શક્યતા છે. હેપ્પી ફોર્જિંગ્સ અને ક્રેડો બ્રાન્ડ્સ માર્કેટિંગ (મુફ્તી મેન્સવેર) ગ્રે માર્કેટમાં ઇશ્યૂ પ્રાઇસ સામે 45 ટકા પ્રિમિયમ ધરાવતાં હોવાનું ગ્રે માર્કેટના સૂત્રો જણાવે છે. પરંતુ RBZ જ્વેલર્સમાં ગ્રે માર્કેટમાં કોઈ પ્રીમિયમ નહિં હોવાનું જણાવે છે. હેપ્પી ફોર્જિંગનો આઈપીઓ 82 વખત, ક્રેડો બ્રાન્ડ્સ માર્કેટિંગનો 51.85 વખત અને RBZ જ્વેલર્સનો 16.86 વખત સબ્સ્ક્રાઇબ થયો હતો.

28 ડિસેમ્બરે તેલંગાણા સ્થિત એન્જિનિયર્ડ પ્રિસિઝન ફોર્જ અને મશીન્ડ કમ્પોનન્ટ્સ નિર્માતા આઝાદ એન્જિનિયરિંગ 80.6 ગણા સબ્સ્ક્રિપ્શન સાથે લિસ્ટિંગ કરશે. ગ્રે માર્કેટમાં આ ઇશ્યૂ પણ હોટ ફેવરીટ રહેવા સાથે ઇશ્યૂ પ્રાઇસ કરતાં 75 ટકા પ્રિમિયમ નોંધાવ્યું હતું.

29 ડિસેમ્બરે ફાર્માસ્યુટિકલ કંપની ઇનોવા કેપટૅબનો આઇપીઓ 26 ડિસેમ્બરે બંધ કરશે, તે પણ 29 ડિસેમ્બરના રોજ શેરબજારોમાં ડેબ્યૂ કરશે. હકીકતમાં, મેઇનબોર્ડ સેગમેન્ટમાં આ છેલ્લો IPO અને લિસ્ટિંગ હશે. ગ્રે માર્કેટમાં 20-30 ટકા પ્રીમિયમ આસપાસ બોલાતું હોવાનું મનાય છે.

29 ડિસેમ્બરે SME સેગમેન્ટમાંથી ટ્રાઇડેન્ટ ટેકલેબ્સ, સુપ્રીમ પાવર ઇક્વિપમેન્ટ અને ઇન્ડિફ્રા લિસ્ટિંગ થશે, તેમના IPOની અંતિમ તારીખ 26 ડિસેમ્બર હશે.

બિઝનેસ ગુજરાત વેબસાઈટમાં આવતાં news updates મેળવવા માટે નીચેની લિંક ઉપર ક્લિક કરી ફોલો કરો

https://whatsapp.com/channel/0029VaDvQgaDOQIYqUTAu20r

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)