Gautam Adani નવા બિઝનેસમાં ઝંપલાવશે, Uber સાથે સુપર એપ, ઈવી કારને વેગ આપવા ભાગીદારી કરવાની યોજના

અમદાવાદ, 26 ફેબ્રુઆરીઃ દેશના ટોચના ધનિક-બિઝનેસ ટાયકૂન ગૌતમ અદાણી ઈલેક્ટ્રિક પેસેન્જર વ્હિકલ્સમાં પ્રવેશ કરવા માગે છે. જેના માટે તેઓ ઉબર સાથે ભાગીદારી કરવા જઈ રહ્યા છે. ગૌતમ અદાણી અને ઉબરના સીઈઓ Dara Khosrowshahi વચ્ચે એક બેઠકમાં અદાણી ગ્રુપની ઈવી કાર અને રાઈડિંગ પ્લેટફોર્મ માટે વ્યૂહાત્મક ભાગીદારી કરવાના વિષય પર ચર્ચા થઈ હતી.

લગભગ ત્રણ દાયકામાં કોમોડિટી ટ્રેડિંગ અને ફૂડ પ્રોડક્ટ્સથી માંડી પાવર, માઇનિંગ, પોર્ટ્સ અને એરપોર્ટ સુધી અદાણી ગ્રુપ વિસ્તર્યુ છે. હવે અદાણી એક ઉભરતા ક્ષેત્ર પર દાવ લગાવી રહી છે જે તેના મહત્વાકાંક્ષી ફોરવર્ડ-લુકિંગ ગ્રીન એનર્જી એન્ટરપ્રાઇઝ સાથે જોડાણ કરવા ઉપરાંત ગ્રાહકોને સુપર એપ વડે લક્ષ્ય બનાવવા માગે છે.

આ સહયોગનો હેતુ ગ્રુપની સુપર એપ અદાણી વનના ટ્રેક્શનમાં વધારો કરવાનો છે. 2022માં શરૂ કરાયેલ અદાણી વન, બુકિંગ ફ્લાઇટ્સ, વેકેશન પેકેજો, એરપોર્ટ સેવાઓ સહિતની સેવાઓની શ્રેણી પૂરી પાડે છે અને ઉબર સાથે જોડાઈ ટેક્સી બુકિંગમાં વધુ મદદ મળી શકે છે.

X પર બંને વ્યાપારી નેતાઓએ ભારતીય વિકાસની વાર્તા અને તેમના વિઝન પર તેમની ચર્ચાઓની પ્રશંસા કરી હતી. વધુમાં, ઉબેરના વડાએ ભારતમાં EV ટ્રાન્ઝિશનને વેગ આપવા માટે મોબિલિટી સર્વિસ પ્રોવાઈડરની પ્રતિબદ્ધતા દર્શાવી હતી.

બસ, કોચ અને ટ્રક જેવા ઈલેક્ટ્રિક કોમર્શિયલ વાહનોમાં પહેલેથી હાજરી ધરાવતી અદાણી ઈલેક્ટ્રિક પેસેન્જર વાહનોમાં પ્રવેશ કરવાની યોજના ધરાવે છે. વધુમાં, ઉબેર સાથે જોડાણ માત્ર સમૂહને તેની રમતને વધુ મજબૂત બનાવવામાં મદદ કરશે.

કાર ઉત્પાદક ન હોવા છતાં, તે તેના બંદરો અને એરપોર્ટ કામગીરી માટે નોંધપાત્ર આંતરિક જરૂરિયાતો ધરાવે છે. ટૂંકમાં, અદાણી વાહનો ખરીદશે, તેનું બ્રાન્ડિંગ કરશે અને ઉબરના કાફલામાં સામેલ કરશે. રાઇડ હેલિંગ પ્લેટફોર્મ 2040 પહેલા પોતાને ઝીરો કાર્બન મોબિલિટી પ્લેટફોર્મમાં રૂપાંતરિત કરશે. તેનો હેતુ સમગ્ર વિશ્વમાં ઇલેક્ટ્રિક વાહનો સાથે તેના હાલના કાફલાને ઈવીમાં બદલવાનો છે.

ઉલ્લેખનીય છે, અદાણી ગ્રુપે સરકાર દ્વારા બહાર પાડવામાં આવેલા ટેન્ડરમાં 3,600 ઈલેક્ટ્રિક બસો માટે બીડ ભર્યા છે. ઉબર સાથે ભાગીદારીનું પગલું અદાણી ગ્રુપને આગામી દસ વર્ષમાં એનર્જી ટ્રાન્ઝિશન સહિતના ઉદ્યોગોમાં $100 અબજનું રોકાણ કરવાની યોજનામાં મદદરૂપ સાબિત થશે.