L&Tનો Q1 ચોખ્ખો નફો 12% વધી રૂ. 2786 કરોડ

અમદાવાદ, 24 જુલાઇઃ એન્જિનિયરિંગ અને કન્સ્ટ્રક્શન કંપની લાર્સન એન્ડ ટુબ્રો (L&T) એ જૂન 2024 ના રોજ પૂરા થયેલા ક્વાર્ટરમાં રૂ. 2,786 કરોડનો કોન્સોલિડેટેડ ચોખ્ખો નફો નોંધાવ્યો હતો, જે ગયા વર્ષના સમાન ક્વાર્ટરમાં રૂ. 2,493 કરોડની સરખામણીએ 12 ટકા વધુ છે. 24 જુલાઈએ L&Tનો શેર 0.45 ટકા ઘટીને રૂ. 3,522 પર બંધ રહ્યો હતો. કામગીરીમાંથી આવક 15 ટકા વધીને Q1FY25માં રૂ. 55,120 કરોડ થઈ છે જે અગાઉના વર્ષના સમાન ગાળામાં રૂ. 47,882 કરોડ હતી. કંપનીએ જણાવ્યું હતું કે 31 માર્ચ, 2024 ના રોજ પૂરા થયેલા ક્વાર્ટરમાં ઓર્ડરનો પ્રવાહ રૂ. 70,936 કરોડ હતો, જે મજબૂત ઓર્ડરિંગને કારણે પાછલા વર્ષના સમાન ક્વાર્ટરની તુલનામાં 8 ટકાની વૃદ્ધિ નોંધાવે છે.

આંતરરાષ્ટ્રીય ઓર્ડર્સ રૂ. 32,598 કરોડના હતા, જે કુલ ઓર્ડરના પ્રવાહના 46 ટકા હતા. 30 જૂન, 2024ના રોજ ગ્રુપની કોન્સોલિડેટેડ ઓર્ડર બુક રૂ. 490,881 કરોડ છે, જેમાં આંતરરાષ્ટ્રીય ઓર્ડરનો હિસ્સો 38 ટકા છે, એમ L&Tએ જણાવ્યું હતું. રૂ. 4,75,809 કરોડની ઓર્ડર બુક 30 જૂન, 2023ના રોજ રૂ. 4,12,648 કરોડ અને 30 જૂન, 2022ના રોજ રૂ. 3,63,448 કરોડ કરતાં 20 ટકાની વૃદ્ધિ દર્શાવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)