MARKET LENS: સેલ ઇન મે એન્ડ ગો અવે….?? નિફ્ટી માટે રેઝિસ્ટન્સ લેવલ્સ 22319- 22399- 22469 પોઈન્ટ

અમદાવાદ, 9 મેઃ

પશ્ચિમી શેરબજારો માટે અંગ્રેજીમાં એવી કહેવત છે કે, SELL IN MAY AND GO AWAY અર્થાત્ મે માસમાં પ્રોફીટ બુકિંગ કરો અને બજાર ઘટે તેની રાહ જુઓ. જોકે, ભારતીય શેરબજારોની તાસીર અલગ છે. પરંતુ વૈશ્વિક શેરબજારોને મહ્દઅંશે ફોલો કરે છે. તેથી રોકાણકારો, ટ્રેડર્સ અને સ્પેક્યુલેટર્સે સાવચેતી વર્તવી હિતાવહ ગણાય.

ટેકનિકલ નિષ્ણાતોના મત અનુસાર બજાર હજુ પણ રાઇઝિંગ ચેનલના લોઅર એન્ડ પર (22,150 ની આસપાસ મૂકવામાં આવ્યું છે) ઉપર મજબૂત રીતે પક્કડ ધરાવે છે, જે તાત્કાલિક ગાળામાં નિફ્ટી માટે મુખ્ય સપોર્ટ તરીકે કામ કરી શકે છે. વાસ્તવમાં, ઇન્ડેક્સ દિવસ દરમિયાન ઘટી ગયો હતો, પરંતુ પાછળથી બાઉન્સ બેક થયો હતો અને 50-ડે EMA 22,243 ઉપર બંધ થયો હતો. આથી, ઇન્ડેક્સ સપોર્ટ (22,150) સ્તરોથી ઉપર મજબૂત થવાની સંભાવના છે અને આગામી દિવસોમાં 22,400-22,500ના સ્તરે રેઝિસ્ટન્સનો સામનો કરી શકે છે, પરંતુ જો તે ઉપરોક્ત સપોર્ટ તોડે તો ઘટાડો 22,000 પોઇન્ટ સુધી લંબાવી શકે છે. 8 મેના રોજ, BSE સેન્સેક્સ 45 પોઈન્ટ ઘટીને 73,466 પર હતો, જ્યારે નિફ્ટી 50 22,302.5 પર યથાવત હતો અને નાની બુલિશ કેન્ડલસ્ટિક પેટર્નની રચના કરી હતી. ડેઇલી ચાર્ટ, રિબાઉન્ડની શક્યતા દર્શાવે છે.

ટેકનિકલ એનાલિસિસ અનુસાર નિફ્ટી માટે રેઝિસ્ટન્સ લેવલ્સ 22319- 22399- 22469 પોઈન્ટ ધ્યાનમાં રાખવા જ્યારે સપોર્ટ લેવલ્સ 22215- 22172- 22102 પોઈન્ટ ધ્યાનમાં રાખવાની સલાહ મળી રહી છે.

સ્ટોક્સ ટૂ વોચઃ કિર્લોસ્કર એન્જિનિયરીંગ, ટાટાપાવર, લાર્સન, એસકેએફઇન્ડિયા, એનએચપીસી, પીએફસી, રિલાયન્સ, કેનબેન્ક, એચડીએફસીબેન્ક, બીએસઇ, ભેલ, ભારતફોર્જ

સેક્ટર્સ ટૂ વોચઃ ઓઇલ- એનર્જી, ગ્રીન એનર્જી, કન્સ્ટ્રક્શન, કન્ઝ્યુમર ડ્યુરેબલ્સ, આઇટી- ટેકનોલોજી

બેન્ક નિફ્ટી માટે રેઝિસ્ટન્સ લેવલ્સ 48055- 48262- 48404

બેંક નિફ્ટીએ સતત છઠ્ઠા સેશનમાં ઘટાડાની ચાલ સાથે 264 પોઈન્ટ ઘટીને 48,021 બંધ આપ્યું છે. અને ડેઇલી ચાર્ટ પર નાની બેરીશ કેન્ડલસ્ટિક પેટર્ન બનાવી છે. ઇન્ડેક્સે 61.8 ટકા ફિબોનાકી રીટ્રેસમેન્ટ (લગભગ 47850) પર ટેકો લીધો છે અને ઇન્ટ્રાડે રિકવરી દર્શાવી છે. બેંક નિફ્ટી ઈન્ડેક્સ માટે રેઝિસ્ટન્સ લેવલ્સ 48055- 48262- 48404 અને સપોર્ટ લેવલ્સ 47890- 47802- 47660 પોઇન્ટની સપાટીઓ ધ્યાનમાં રાખવાની સલાહ મળી રહી છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)