સ્મોલકેપ- મિડકેપમાં 4 ટકા આસપાસ સુધારોઃ રોકાણકારોની શેરબજારોમાં વાપસીનો સંકેત, સેન્સેક્સ એપ્રિલમાં 2121 પોઇન્ટના સુધારા સાથે 61000ની સપાટી ક્રોસ

એપ્રિલમાં આઇટી અને ટેકનોલોજીને સિવાય તમામ સેક્ટોરલ્સમાં સુધારો

જોકે, 63583 પોઇન્ટની સર્વોચ્ચ સપાટીથી સેન્સેક્સ હજી 2471 પોઇન્ટ દૂર

રિયાલ્ટીમાં 15 ટકા ઉછાળોઃ ઓટો, પીએસયુ, કેપિટલ ગુડ્સમાં ગુડ રિટર્ન્સ

અમદાવાદ, 1 મેઃ એપ્રિલ માસમાં સેન્સેક્સે 2121 પોઇન્ટનો સંગીન સુધારો નોંધવવા સાથે 61000 પોઇન્ટની સાયકોલોજિકલ તેમજ ટેકનિકલી રેઝિસ્ટન્સ સપાટી ક્રોસ કરી લીધી છે. બીજી તરફ નેશનલ સ્ટોક એક્સચેન્જનો નિફ્ટી-50 પણ 18000 પોઇન્ટની મહત્વની સપાટી પાર કરવામાં સફળ રહ્યો છે. તેની સાથે સાથે બેન્કેક્સ કે જેના આધારે માર્કેટની મુખ્ય ચાલ પારખી શકાય છે તેમાં પણ 6.41 ટકાનો ઉછાળો નોંધાયો છે. તદ્ઉપરાંત સામાન્ય અને નાના રોકાણકારોના માર્કેટ ઇન્વોલ્વમેન્ટનો સંકેત આપતાં સ્મોલકેપ અને મિડકેપ ઇન્ડેક્સમાં પણ 4 ટકાની વૃદ્ધિ જોવા મળી છે. જે દર્શાવે છે કે, માર્કેટમાં ઇન્વેસ્ટર્સ ઇન્વોલ્વમેન્ટ વાયા વેલ્યૂ બાઇંગ વધી રહ્યું છે.

જોકે, આઇટી અને ટેકનોલોજી ઇન્ડેક્સમાં માર્ચ પછી એપ્રિલમાં ઘટાડાની આગેકૂચ જારી રહેવા સાથે બન્ને ઇન્ડાઇસિસમાં 4 ટકાનું કરેક્શન આગળ વધ્યું છે.

નિફ્ટી માટે 16747થી 16827 મહત્વનો સપોર્ટ ઝોન બની ગયો છે. સુધારાની ચાલમાં 18135, 18252 અને 18888ના રેઝિસ્ટન્સ ધ્યાને રાખો

સેન્સેક્સ માટે સપોર્ટ ઝોન 56147થી 57084નો ગણવો. રેસીસ્ટન્સ લેવલો 61682 (ફેબ્રુ.ટોપ) અને 63583(ડિસે.ટોપ)

મે માસ માટેની ચાલ વિશે એવી અંગ્રેજ કહેવત છે કે, સેલ ઇન મે એન્ડ ગો અવે….. પરંતુ સમયાંતરે કહેવત અને તેના અર્થ બદલાતાં રહેતાં હોય છે. તેને ધ્યાનમાં લેતાં એવું કહી શકાય કે, બાય ઇન મે એન્ડ હોલ્ડ ટીલ જુલાઇ (અર્થાત્ મે માસમાં જે રોકાણકારોને ખરીદી કરવાની રહી ગઇ હોય તેમણે નીચા ભાવના શેર્સમાં અભ્યાસ, અનુભવ, આવડત અને નિષ્ણાતની સલાહ અનુસાર ખરીદી કરીને જુલાઇ સુધી હોલ્ડ કરી રાખવા જોઇએ) જેથી સારું રિટર્ન મળી શકે.

sensex ડિસેમ્બરની ઓલટાઇમ હાઇથી એપ્રિલ એન્ડ સુધીની ચાલ એક નજરે

સ્મોલ ઇન્વેસ્ટર્સ માટે મહત્વના સ્મોલકેપ- મિડકેપ્સમાં સંગીન સુધારો

આઇટી, ટેકનોલોજીમાં ચાર ટકાનાના ઘટાડા સાથે નેગેટિવ ટ્રેન્ડ

1 મે મહારાષ્ટ્ર-ડે અને ગુજરાત સ્થાપના દિવસ

આજે મહારાષ્ટ્ર- ડે અને ગુજરાત સ્થાપના દિવસ છે. આ બન્ને રાજ્યો દેશની ઇકોનોમિમાં સિંહ ફાળો આપી રહ્યા છે. ટેક્સ કલેક્શન હોય કે ઇક્વિટી માર્કેટ પાર્ટિસિપેશન હોય આ બન્ને રાજ્યો ટોપ ઉપર રહ્યા છે. એટલું નહિં, સૌથી વધુ લિસ્ટેડ કંપનીઓની સંખ્યા પણ આ બે રાજ્યોનો જ હિસ્સો રહી છે. તો કેમિકલ્સ, ફાર્મા, ટેક્સટાઇલ, ડાયમન્ડ, ઓઇલ સહિતના સંખ્યાબંધ સેક્ટર્સમાં ગુજરાત મોખરે રહ્યું છે.